نطاوع امريكا على كل ميله *** ولانعارضها ولو بالتكلام (( ابن الذيب ))
السلام عليكم
ومسيكم بالخير جميـــع هاذي قصيده لـ محمد ابن الذيب في امريكا والعرب لكن ينقصني منها كم بيتن في البدايه والعذر والسموحه منكم واللي عنده ذا الابيات لايبخل علينا بها يقـــــــــــــول
انا مانيب ماجد ولكني زميله=وخويه الغالي وشاعر ومن يام قل للعرب انتوا عليكم فشيله=ملحمه في جبهة الوقت لحام جيوشكم اطلق شنب ياحليله=مايمسح الدمعه من خدود الايتام وانا مانيب آدم ولانيب وكيله=لكن حنا شعب من دون حكام اذا بغينا حاجتن مستحيله=في الليل صوام وفي الصبح صوام نطاوع امريكا على كل ميله=ولانعارضها ولو بالتكلام تخفس سعر بترولنا ثم تشيله=تبا تحكم في بلدنا تحكام وايلا هرجنا قلتوا انها عميله=تشدي بها حتى قنوات الاعلام لاحدن يقول ان الخليل لخليله=الزير لجل كليب ضحى بهمام ومن حط بيته في دروب المسيله=هبيل لو تمنه دورات الايام لو انه مضحي بفرد من كل عيله=التضحيه باب الامل للتقدام احداث سبتمبر خذوها وسيله=فعاله لتمرير تخطيط الاجرام وفي البوسنه والهرسك امه قتيله=والقدس والشيشان وافغان الاسلام قالوا اسامه لازم انا نزيله=يموت موته قاسيه مثل عزام وصدام يا اما يستقيل والا نحيله=والاتقوم الحرب والوعد قدام وننصب في بغداد حاكم بديله=وتمشي مصالحنا بلا قيد واحكام حاكم هبيل ومعطياته هبيله=نقوله روح نام ويروح.. وينام يا ام القرى يامنبع اهل الفضيله=الصمت في بعض المواضيع هدام ياقبلة الاسلام دمعي حصيله=اما تهان في كل يومن وتنضام رؤوسنا تخفض والانفس ذليله=راحت حضارتنا خرافات واوهام جنودهم نارن تشب الفتيله=وجنودنا حبر وقراطيس واقلام لكن ماتدري دعاة الرذيله=عبادة الدولار وارباب الاصنام ان الشعوب تحقق المستحيله=وان بيننا مليون اسامه وصدام وسلامتــــــــــــــكم |
وانا مانيب آدم ولانيـب وكيلـه
لكن حنا شعب مـن دون حكـام اذا بغينـا حاجـتـن مستحيـلـه في الليل صوام وفي الصبح صوام صح لســـــــــــــــــــانك ولســان قايلها ويعطيــــــــك العافية عالقصيده الاكثر من راااااااااائعه |
اخي محمد الشامري
لا هنت يالذيب على النقل الممتاز لقصيدة ابن الذيب ونسأل الله العزة والنصر للمسلمين في جميع أنحاء المعمورة |
لاهنت يابومنصور على نقل هذه القصيده للشاعر الكبير محمد ابن الذيب وصح الله لسانك ولسانه
|
ارررحبي ياشيخة الغيد
وصح الله بدنش ولاهنتي على مرورش وردش يالسنافيه |
ارررحب يابدر العرجاني
ولا انت تهون ولاهنت على مرورك وردك يالقـــرم |
ارررحب يابوناصر
ولا انت تهون ولاهنت على مرورك وردك ياسمو الاميــــــــــــــــــــر |
محمد الشامرى لاهنت على النقل الموفق
وابو راشد صح لسااااانه مليون اشهد انه صادق تقبل منى خالص التحيه الشيخه |
اخي محمد الشامري
لا هنت يالذيب على النقل الممتاز لقصيدة ابن الذيب ونسأل الله العزة والنصر للمسلمين في جميع أنحاء المعمورة تحياتي لك يابو منصور |
اخي محمد الشامري
لا هنت على النقل الممتاز لقصيدة ابن الذيب ونسأل الله العزة والنصر للمسلمين. |
الوقت في المنتدى حسب توقيت جرينتش +3 الساعة الآن 04:14 PM . |
مجالس العجمان الرسمي