مجالس العجمان الرسمي

مجالس العجمان الرسمي (http://www.alajman.ws/vb/index.php)
-   مجلس الشعر النبطي (http://www.alajman.ws/vb/forumdisplay.php?f=26)
-   -   اول التوبه الجليس الصالح (http://www.alajman.ws/vb/showthread.php?t=24857)

حماد الخريصي 16-09-2007 09:00 PM
اول التوبه الجليس الصالح
 
وبعدين؟ ..تاليها..مضى يو م يومين"........."قل الف عـام ..وفكـر بمنتهاتـك

وش حاصل الدنيا زهابـك لبعديـن"........."اذا تمـوت ويارثـونـك عبـاتـك

ماأدعوك تهمل رزقك بحجة الديـن"........." ولا بيك توذي المسلمين بسواتـك

ولابي ترد بأفكار من عصر حطيـن"........."تحرّم هوى الخلق وتحل مشتهاتـك

أنا أكفل الجنه وانا عبـد مسكيـن"........."لامن حسبت البيض حسبة خواتـك

وارضيت بعد الله بفعلـك كريميـن"........."امك وابوك ولاأرتخيـت بصلاتـك

تبعدعن الغافل وترفـى المساكيـن"........."وأتعد مالـك قبـل تظهـر زكاتـك

ولا شربت بكا س خمـر المجانيـن"........."وقشر الحبو ب تحطها فـي لهاتـك

تدري أول التوبه مرافـق عفيفيـن"........."تكسب صفة طيـب تكمّـل صفاتـك

في مجلس كلـه رجالـن حشيميـن"........."تندم على عمر الجهل يـوم فاتك

ضيدان بن مترك 16-09-2007 10:24 PM
رد: اول التوبه الجليس الصالح
 
اول التوبه الجليس الصالح]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]]

الأخ..حماد الخريصي..
مشكووووووووووور لاهنت بيض الله وجهك نصيحه في وقتها المناسب صح السانك يالسنافي
وجزاك الله خير اللهم امـــــــــــــــــــــــــين.




تدري أول التوبه مرافـق عفيفيـن"="تكسب صفة طيـب تكمّـل صفاتـك
في مجلس كلـه رجالـن حشيميـن"="تندم على عمر الجهل يـوم فاتك

مسفر مبارك 16-09-2007 11:22 PM
رد: اول التوبه الجليس الصالح
 
صــح لسانــك يالسنافــي وقصيــدة جزلــه من رجــال جــزل الله لا يهينــك :)

محمد الضاعني 17-09-2007 02:17 PM
رد: اول التوبه الجليس الصالح
 
قصيدة جزلة من راس جزل صح لسانك يا الغالي

عـسـاه خـيـر 19-09-2007 03:40 AM
رد: اول التوبه الجليس الصالح
 
صح السانك ولاهنت يا السنافي على هذا النص الطيب

سعود الخويطري 20-09-2007 06:18 AM
رد: اول التوبه الجليس الصالح
 
حماد الخريصي


صح الله لسانك ولاهنت مليار



وسلمت وسلم فكرك



وتقبل سلامي واشواقي

هداج تيماء 20-09-2007 08:38 AM
رد: اول التوبه الجليس الصالح
 
قصيدة رائعة صح لسانك يا الشاعر المبدع حماد الخريصي


الوقت في المنتدى حسب توقيت جرينتش +3 الساعة الآن 09:29 PM .

مجالس العجمان الرسمي