سـلام ياحـر تعـلا المراقـيـب=صيده من اسمان الحباري بكفَّّـه
طلعٍ لصقاره كفوفـه مخاضيـب=ولاكـل زول للحمامـه يخـفَّـه
مجناه من روس الجبال المهاضيب=يفـداه طيرالجيـر مافيـه لفَّـه
سلام يابـن سعيـد رد بتراحيـب=ياناصر العيـده بقولـي وشفَّـه
من الرجال اللي تربو على الطيب=ومقدام لاجـى بالرجاجيـل خفَّـه
سلام ياضرغـام ياليـث ياذيـب=عون الضعيف اللي همومه ادفَّـه
لاجاك من جاته همومه محاضيب=تقبل به وتقفـي سـواة المهفَّـه
ترقى به اللي عاليٍ شرق ومغيب=هي عادتك لاجـاك منتـه تسفَّـه
وتقدر اللي عارضه شامطه شيـب=واخ الصغير بحاجته منـت تنِفَّـه
ومقدمٍ بالقوم اعـدى واصاحيـب=مع الامانـه زدت صبـراٍ وعفّـه
تحسب لك العدوان بالفعل وتهيـب=وتفتح مغاليـق اذا صـار حفََّـه
هاذي فعولك طيبه مابهـا عيـب=واصبحت مثل طويق والا بصفّـه
هذا الصحيح بدون شك ولا ريـب=قولٍ على برهـان عيـبٍ اضفَّـه
يابنت ياللي تغار منها الرعابيـب=بنت الحصان اللي فعولـه تنفََّـه
شومي لبن عيده عطيب المضاريب=خلي الردي كوبان وأعطي مقفَّـه
قلته ولابغي منه خدمه وتنصيـب=ماغير ذكر الطيب قاف على أفّـه
هذاوانا منصور واجزمت ومصيب=بقولي وسلامي لبن عيـده ازفَّـه