|
رد: ذكــريــات عـبدالعــزيز
بنتك ليازوّجتها لاتشترط فوق اللزوم=
خلّ السفاهه للسفيه ان كان في وجهك حيا والله ماياخذ زياده بالمهر غير الرخوم= أهل الحقاره والدشاره واللعانه والريا والاّ رجال المعرفه والطيب وافين السلوم= يكمّلون الناقصه ويزوّجون الاتقيا هم عارفين ان المطامع والدراهم ماتدوم= وان الطماعه ماهي الاّ من سلوم الاغبيا راع الطماعه يدّعي بالنصر لو كان مهزوم= مايدري انّه صار هو وابليس بالدرب اخويا |
رد: ذكــريــات عـبدالعــزيز
لاا علم هل يسمحلي ان ادخل
وتمتع بهذ الحساس الرااقي والحروف الجميل ام اني تجاوزت حدودي وقتحمت خلوتك الخاصه كلمات مكتوبه بماااءالذهب فيهاا كل الابدااع الف شكر لك عليهااا |
رد: ذكــريــات عـبدالعــزيز
اقتباس:
حيــاك الله ياغصون بالنسبة لي لا مانع لدي وأرحب فيك في كل وقت واشكــرك على المتابعـــه والتعليــق الجميــل |
رد: ذكــريــات عـبدالعــزيز
|
رد: ذكــريــات عـبدالعــزيز
ان كان عند ابليس خطّه محكمه عندي صبر
الصبر يكشف خطّة المارد ويدمغ حجّته يابليس حنا مانسينا الموت واهوال القبر واللي يهجّ اليوم بكره ماتفيده هجّته بكره وجيهٍ مسفره بالحيل ووجيهٍ غبر من لا نجا باسباب فعله عزوته مانجّته كلّ المشاكل خلفها شيطان هل من معتبر؟ من يصنع الرجّه يبا يلقا عواقب رجّته وانا لقيت ابليس ناثر مع طريق الورد ابر ماشفته بعيني ولكن شفت اثره وعجّته يالله ياللي بامرك عظامٍ كسيره تنجبر تغفر ذنوب الشاعر اللي سجّ وابطت سجّته |
رد: ذكــريــات عـبدالعــزيز
الهرج لامنّه كِثر حول موضوع
تشعّب الموضوع واصبح مواضيع مفروض ما للهرجه اقسام وفروع من شان مانحتاج مشروع تجميع أحيان تلقا الهرج في سطر مجموع واحيان يبغاله مطابع وتوزيع الاختصار اللي به الزود ممنوع أفضل من السرد المزوّد بتسريع كم كلمةٍ تنشي ثمانين مشروع وكم هرجةٍ طالت ولدّت مشاريع أحدٍ كلامه لاتكلّم يجي نوع واحدٍ ينوّع وجهة الهرج تنويع النوع الاول ياصف الكوع بالكوع والنوع الاخر يلحق الكوع تكويع تمّ الكلام وزايد الهرج موضوع للهرج حدّ وللسفر فيه توديع |
رد: ذكــريــات عـبدالعــزيز
عطني تفاصيل الخبر وازهل الشرح
هل تشعر براحه اذا شفتني جيت؟ اذا [نعم] جيتك وانا خاطري مرح واذا [لاوالله] لو تنــادي تعدّيت لو كنت باني في طرف منزلك صرح خلّــيت صرحي صدقةٍٍ لك وشدّيت انا حياتي (غاب جرح وحضر جرح) ماعــاد لي خاطــــر بيمكن وياليت |
رد: ذكــريــات عـبدالعــزيز
ياصديقـي كان باقي بـ دنيـاك اصدقا ......... لاتشــيل همـوم دنيـاك والدنيـا ســراب
مثل ماتلـقــا سعــاده تبا تلقــا شــقــا ......... والزمن ماضي ولابه حظور بلا غياب إن شكـيت من المفارق ترا باقي لقـا ........ من فقـدتــه يمكن تحـصّله يوم الحساب وان توقّعت السلامه على وضح النقا ........ وابتلتك همـوم وغمـوم يكفيك احتساب لاتفكّــر كـم مضى من زمان وكم بقى؟ ......... ثمّ تدخـل في متاهـه وضـيقه واكتئاب ركّــز التفكــير باللي نزل واللي رقـا ......... واخذ من هذا وهذا مفاتيـح الصـــواب التجارب مدرســه والمـدارس ملتقى ......... تجمع اصحاب المهمّات شيبان وشباب |
رد: ذكــريــات عـبدالعــزيز
لله در اخـــوانــنــا فـي ســوريا
صدّوا جيوش الكفر بسلاح الثقه وقــفــاتــهــم لله مافـيـهــا ريــا والاّ من يقابــل قـذيفـه بفشقــه؟! واعمال جيش الفرس قتل الابريا ولياقتل مسلــم يقــوم ويحرقــه الحقــد كـم دمّــر كـنــوز الاثريــا ياللي تحسب المعركه لعب ورقه |
رد: ذكــريــات عـبدالعــزيز
الابتسامه والرضا والقناعه
مع صبر ماينفد وقوّة تحِمّل تجلب نزول الضغط عقب ارتفاعه ركّز على هذا الكلام وتآمّل نفّذ قوانين الكرم والشجاعه كانك على كسب الجمايل مصمّل لا تعتذر وتقول ماش استطاعه خلّك مع اصحاب الجميل وتجمََّل أحذر تصدّ وتبتلى بالقطاعه وتصير لضروف الليالي مكمّل |
رد: ذكــريــات عـبدالعــزيز
الروح تسلا عن غرامه وتدله ........... ولياحظر طاريه حبّه تجدد
ماني ضحيّه بين ظلمه وعدله ........... لكنّ لي مطلب ولاني محدد عاقد عقد حبل الهوى وانعقدله ........... قام يتفاخَر بالوقوف وتمدد وانا لي اقدامٍ مع الدرب عدله ........... من قوّة الصمله نسيت التردد |
رد: ذكــريــات عـبدالعــزيز
ياشام لاتحزنك فزعات الاحـزاب ............ الله جـمـعـهـم والنهـايـه قريبــه
الروم بالاردن يحــدّون الانيــاب ........... والفرس من طهران ترسل كتيبه الكفر واحد واصدق القوم كذّاب .......... والحرب خدعه والتفاوض غليبه ما يرضي الكفّار مذكور بكـتـاب ............ يعني رضى الكافر علينا مصيبه |
رد: ذكــريــات عـبدالعــزيز
الذكريات اللي تسبب لك احزان ....... حاول تجنّب ذكرها قدر اﻻمكان
اترك ما كان وفكّر بوضعك اﻻن ....... ﻻتشـغــل افــكــــارك بشـيٍٍّ تعـدّا ولياجتمع في بالك افكار وافكار ....... مابين زين وشين واقبال وادبار عليك بالقرآن مع بعض اﻻذكار ........ جاك الدوا مضمون ياشاكي الدّا دنيــــاك مليانه هموم وبلاوي ........ يبغالهــا رجــلٍ بعـــيـد الحـراوي ماتنفع القـــوّه وكثر العزاوي ........ تبـغـى تفــصّـل ثوب لازم تقـــــدّا يعني بمعـنـى اخــر : تدبّـر وفـكّر ........ يمكن نسيت وبعد ساعه تذكّـــر بالصبر يصفي جوّك اللي تعـكّـر ....... ولياتحـــدّتـك الصعــايب تحـــدّا تبغاني اضربلك مثل واختصرلك؟ ........ طيّب تعال اسمع كلامي من اجلك خذلك من السوّاق منهج ومسلك ........ يسرع واذا شاف المطــبّـات هدّا |
رد: ذكــريــات عـبدالعــزيز
الله واكبر ذكريات جميله وبارك الله بالذكريات اللي طلعت لنا من عبدالعزيز الحربي هالدرر لله درك من شاعر والله اني انسجمت معها وتمتعت بها لك احترامي |
رد: ذكــريــات عـبدالعــزيز
خليف الوهيداني
حياك الله أشكرك على هذا الثناء الذي لايصدر إلا من الأوفياء شرواك |
رد: ذكــريــات عـبدالعــزيز
يوم الرسول وصاحبه في غار ضلع ام القرى
وقريش تدفع للذي يلقاه نص نياقها أثنين والعدوان كم ؟ ورغم ذلك وش جرى ؟ تبرق مزون ابو لهب لين احرقه براقها ياللي تشد اطنابها واوتادها جرف وثرى لـ طاح واسط خيمة الحكمه يطيح رواقها |
رد: ذكــريــات عـبدالعــزيز
الهرج شاشة عرض والعقل ريموت
والقلب مركز بث والنظره ارسال لو المراجل ساسها صوره وصوت كان اصبحت بنت الرياجيل رجّــال |
رد: ذكــريــات عـبدالعــزيز
الهرج شاشة عرض والعقل ريموت
والقلب مركز بث والنظره ارسال لو المراجل ساسها صوره وصوت كان اصبحت بنت الرياجيل رجّــال |
| الوقت في المنتدى حسب توقيت جرينتش +3 الساعة الآن 03:11 PM . |
مجالس العجمان الرسمي