قصيدة مدح في الشيخ / راكان بن خالد بن سحمان آل حثلين
قراءت هذه القصيدة في احدى المنتديات ولم يذكر صاحبها
وكتبت تحت لقب mohmmedot
هزيت غصن البيوت وجات منثـره=على خدود الورق ينثرهن لسانـي وأنا لك الله ما أكتب مـدح بالمـره=ألا لمن يستحق الطيـب وإنسانـي جتني هجوس الضمير اليوم تتشره=تقول لا من دعيت الطيـب تلقانـي ولولا فعولٍ تهـز القلـب وتسـره=للحاتمي كان ما غنيـت بألحانـي (راكان بن خالـد) الله للعـرب دره=حاولت بأحصي فعوله بس ممداني خيرٍ على الناس من بحره إلى بـره=بهمال مزنه يعيش القفر من دانـي خيرٍ على الناجعي كـره ورى كـره=وخيرٍ على باقي العجمـان هتانـي وخيره تعدى حدود الدار وان مـره=عابر سبيلٍ لقا من كفـه احسانـي يوم الكويت الصبح يفطر على شره=أجزل عطا كل محتـاجٍ وجوعانـي وفالخير يبذل بصاف المال ما صره=ما قال نبغى التجاير ذرب الايمانـي كم عاجزٍ جا لشخصه يشتكي ضره=وقال إتكل فـي أمـان الله وأمانـي واللي من الضيم لزم الجيب ثم طره=أضفا عليه بطرف بشتـه بليهانـي وراح بوجاهاتٍ ما تأتي على غـره=وحرر رقابٍ لهـا البتـار قومانـي وكمٍ مريضٍ شكا للشيخ من ضـره=وعلى حسابه يحسب الطب مجانـي واسس وطور على (مليجه) مع بره=حتى دعوا له جزاه الله بالاحسانـي وطالب بخدمات تأت الرجل وتسره=وسمى المصحة على ذربين الايماني ولا هي غريبه من اللي ينعرف سره=سليل راس العرب ماهوب من داني قد قال عمه عيوب الهرج من جـره=ما قل دل وتـرى للهرج نيشانـي |
رد: قصيدة مدح في الشيخ / راكان بن خالد بن سحمان آل حثلين
سالم العظيمان
الله لا يهينك على نقل القصيدة وبيض الله وجهك ,, |
رد: قصيدة مدح في الشيخ / راكان بن خالد بن سحمان آل حثلين
صح السانك ولسانه وشكرا لك على النقل اخوي سالم ويستاهل المدح الشيخ .. راكان بن خالد بن سحمان آل حثلين .
|
رد: قصيدة مدح في الشيخ / راكان بن خالد بن سحمان آل حثلين
صح نقلك اخي سالم العظيمان و صح لسان الشاعر
و يستاهل الشيخ راكان ابن خالد ابن حثلين.. |
رد: قصيدة مدح في الشيخ / راكان بن خالد بن سحمان آل حثلين
تسلم على النقل
تقبل مروري |
رد: قصيدة مدح في الشيخ / راكان بن خالد بن سحمان آل حثلين
سالم العظيمان
الله لا يهينك على نقل القصيدة وبيض الله وجهك يالسنافي |
رد: قصيدة مدح في الشيخ / راكان بن خالد بن سحمان آل حثلين
لاهنت يا سالم على النقل الرائع وصح لسان شاعرها والشيخ / راكان بن سحمان يستاهل المدح والطيب ساسه
|
رد: قصيدة مدح في الشيخ / راكان بن خالد بن سحمان آل حثلين
سالم العظيمان الله لا يهينــك
وصح الله لسانــك ولسانــه |
رد: قصيدة مدح في الشيخ / راكان بن خالد بن سحمان آل حثلين
سالم بن عظيمان الف شكر على نقل القصيده الرائعه
وابو محمد يستاهل كل خير وبيض الله وجه علومه غانمه مع العجمان وغيرهم |
رد: قصيدة مدح في الشيخ / راكان بن خالد بن سحمان آل حثلين
عزالله يستاهل ابو محمد ومشكور على النقل الرائع وبيض الله وجهك (ياولد العم)
|
الوقت في المنتدى حسب توقيت جرينتش +3 الساعة الآن 05:35 AM . |
مجالس العجمان الرسمي