منصا العوارف مقصدي يوم نويت = راكان بن خالد بعيد الهقاوي
شيخ على شيخ بفعله تقديت = اللي روى عن فزعته كل راوي
وحفيد من يرجع له المجد والصيت = راكان نطاح السرب مايراوي
يلين له حتى رقاب الطواغيت = وبكسرة الشيخ المجوخ رهاوي
زيزوم يام مثبت المجد تثبيت = ماله معى سبع القبايل مساوي
اقولها ون قلتها ماتخفيت = واللي يعد الصدق ماهوب غاوي
صبيان يام صار فزعه وتصويت= عوق الخصيم معربين العزاوي
قاموا وشتوا شمل الاتراك تشتيت= يوم ان ابن عثمان ماله مقاوي
ومن غيرها لو جيت ابا أعد ماحصيت= أفعال ربعن ياصلون الحراوي
تكفى يابو خالد ماغيرك تنصيت = أنت ابن عم وعنك ماني غناوي
وانت اللذي في قمةالمجد عديت = وتشوش لي عرضت عليك الشكاوي
وانت الذي ليقلت بالفعل تميت=وجاهك يحقق كل ماكنت ناوي
أنا يابن سحمان يمك تعنيت=والأمل بالله ثم عليك الرجاوي
أن قمت فيها للبشاير تحريت=ون ماحصل فالجرح ماله مداوي
وسلم ودم ياراعي المجد والصيت= وأنت ابن عم وعنك ماني غناوي