لا شفت نوّ ً عريض و شفت برّاقه=و جا للرعد في مقاديمه ترزّامي
وسم ٍ بكور و تباشربه هل الناقة=سيله يشق الطعوس الحُمر لا عامي
لا شلّعو خلّو الشاوي على الساقه=يبغون نبت الوسامي قبل الاغنامي
عيني لـ /شوف الفجوج الخُضر مشتاقه=فيه ام سالم تجر الصوت قدامي
و معنا اشقر ٍ لا طلع هدّيت مسباقه=و اومى عليهن يهز الريش لزّامي
و الجيب مع ساقته يجلده سواقه=و الخرب من قو ضربه طاح ما قامي
غيره طيور ٍ ترد الشرد لحّاقه=لكن طبع الوحش نزر ٍ و حوّامي
راعيه من شين طبعه ضيّق اخلاقه=ليته قعد عندهم ما جابه الشامي
طير ٍ نحبه و طير ٍ نبغي إفراقه=من جنبه عايفه مهوب ينلامي