خاواني السراب
حدني حظي وعاكسنـي القـدر
وانتهى حلمى وخاوني السـراب من دها بي ظبـي ربيتـه نفـر ذللت في مسلكه كـل الصعـاب امشي وسط الناس ما كني بشـر هامش مهجور في حلـة كتـاب ياجزيرة يابسـه وسـط البحـر مابعد جرحي من العذال طـاب وياغـزال تايـه بيـن الشجـر خطوتي لا تخدعك وسط الزهاب عيش وحدك وابتهج حتى شهـر لوفعلت اراه انا عين ال صواب اعرف انك من توسـم بالحـذر وادري انك فاطن كيـد الذئـاب ماهقيتـك يـوم يغريـك المهـر تجهل الماضي وحبي والعـذاب للاسف اشعلت في قلبي شـررو افضحتني بين اهلي والصحاب كنت قصة مـا يغيرهـا الدهـر وانا بصمة جبت للتاريـخ بـاب وكنت اشوفك زهرة غير الزهر وكنت اشوفك نجمة فوق السحابِِ الذهـب شتـان بينـه والمـدر وانت بالله كيف ما تحسب حساب لاتعذر لـي انـا مااقبـل عـذر مايهز الرأس هرجـك والعتـاب بسأل العشاق كيف انسى الغـدر وفي عيون الفاتنات القى الجواب كن طيفك ماعلـى بالـي خطـر استريح بطول هجرك و الغيـاب صالح العجمي |
رد: خاواني السراب
الله الله
صح الله لسانك ياصالح والله لايشينك |
رد: خاواني السراب
الله الله
صح لسانك ولا هنت طال عمرك قصيده جزله وننتظر الجديد ياصالح |
رد: خاواني السراب
صالح العجمي الشاب
صح لسانك وننتظر جديدك الطيب. |
رد: خاواني السراب
الشاعر القدير بندر العجمي
كنق الوادي الغروب تحياتي الهاملة عليكم وعلى تواجدكم الطيب شكرا اخواني الكرام |
رد: خاواني السراب
السلام عليكم ورحمة الله وبركاته
الله لا يهينك على القصيدة الجزلة و لا تحرمنا من جديدك |
رد: خاواني السراب
صح الله لسانك
|
رد: خاواني السراب
اخواني ابو سالم
ابو سلطان اشكرمروركم وحضوركم مودتي وتقديري |
رد: خاواني السراب
لاهنت ويعطيك العاافيه..
|
رد: خاواني السراب
اقتباس:
حياك الله اخي الكريم صح بدنك وابشر بالجديد |
الوقت في المنتدى حسب توقيت جرينتش +3 الساعة الآن 11:20 PM . |
مجالس العجمان الرسمي