|
ابن عمك لا ازعلك شـــره عليه ،،، يقــتـعــك بــــالحق والا تقنعه
السلام عليكم
هذي قصيده مهداااه الى اخ وصديق لي اخطيت فحقه وابي منه العذر والسموحه ابن عمك لا ازعلك شـــره عليه ،،، يقــتـعــك بــــالحق والا تقنعه انـــشــده وشجاه والا ويــش فيه ،،، انــشــده ولا تقااطعه اسمعه حــتـى لـــونـــه المخطي ما عليه ،،، مـشـــها ما دامها تمشي معه وكانك المخطي وهو رايه وجــيـه ،،، اصمت ولو يوجعك لا توجعه وكـــان قصر وانت عادك ترتـجيه ،،، لا تقصر فيه لاجـــاك انـفـعـه ســاســه الطيب على الطيب يحديه ،،، ياصـلـك حـتـى لونك تقطـعه وان بلاك الله بــرجاال سفيــه ،،، روح فاسنــعــك وخله في سنــعـه صد عن وجه على شان وجيه ،،، من ضياق الجهل الى عقل السعه للمبدع عبدالله بن علووش |
رد: ابن عمك لا ازعلك شـــره عليه ،،، يقــتـعــك بــــالحق والا تقنعه
صح الله لسانك وعلي الحرام انها جزله يالقرم
|
رد: ابن عمك لا ازعلك شـــره عليه ،،، يقــتـعــك بــــالحق والا تقنعه
صح بدنك والله لا يهينك
وهذي جزله من جزااله ابن علووش كل الشكر على المرور والرد |
رد: ابن عمك لا ازعلك شـــره عليه ،،، يقــتـعــك بــــالحق والا تقنعه
ارحب يا نسل الطويل
وخويك بلغني راضي ومسامح ومافيه خير كانه ما سامح اخ وبن عم والي بينك وبينه مهب شوي لاهنت على القصيده الجزله للشاعر سعد علوووووووووووووش ولاهنت يا الذيب |
رد: ابن عمك لا ازعلك شـــره عليه ،،، يقــتـعــك بــــالحق والا تقنعه
البقااا وهلااابك
وبيض الله وجهك كاانك فرحتني ووسعت صدري وخوي انا اخطيت فحقه وخنت ثقته وماا قصر معي يوم ساامحني الله لا يهينك والله لا يهينه ملحوظه القصيده لعبدالله بن علووش :) تقبل تحياتي |
رد: ابن عمك لا ازعلك شـــره عليه ،،، يقــتـعــك بــــالحق والا تقنعه
مرحبابك يا نسل الطويل
وبالتوفيق :) |
رد: ابن عمك لا ازعلك شـــره عليه ،،، يقــتـعــك بــــالحق والا تقنعه
وكانك المخطي وهو رايه وجــيـه ،،، اصمت ولو يوجعك لا توجعه
وكـــان قصر وانت عادك ترتـجيه ،،، لا تقصر فيه لاجـــاك انـفـعـه قصيدة رائعة.. صح لسان قايلها.. شكراً..يا نسل الطويل..والله يديم المودة بينك وخويك.. |
رد: ابن عمك لا ازعلك شـــره عليه ،،، يقــتـعــك بــــالحق والا تقنعه
نسل الطويل
سلمت وسلمت يمناك على النقل الجميل وصح الله لسان شاعرها المبدع : عبدالله بن علوش وتقبل سلامي واشواقي |
رد: ابن عمك لا ازعلك شـــره عليه ،،، يقــتـعــك بــــالحق والا تقنعه
صح لسانك يا نسل الطويل على القصيدة الرائعة واسمح لي بنقلها الى مجلس عيون الشعر النبطي المنقول
|
رد: ابن عمك لا ازعلك شـــره عليه ،،، يقــتـعــك بــــالحق والا تقنعه
وان بلاك الله بــرجاال سفيــه ،،، روح فاسنــعــك وخله في سنــعـه
صح الله لسانك يا نسل الطويل ولسان شاعرها عبدالله بن علوش ,, تحياتي ,,,,, |
| الوقت في المنتدى حسب توقيت جرينتش +3 الساعة الآن 06:09 AM . |
مجالس العجمان الرسمي