شومى بوجهك يالمها و أرخصينى = سيان عندى الامر يابنت سيان
ولله مانيب من حلبها مهينى = ولانى من الى عارضو طرش ركبان
و انا من الى يرخصون السمينى = فى حال فاقتهم ليا جو ضيفان
ربعى هل الطولات عز الجبينى = اهل القنازع كان تدلرين عجمان
هذا الامير القرم ذرب اليمينى = ابو فلاح مطوع الجيش راكان
فريسنا مثل البيارق تبينى = مثل الطويل محمد خير برهان
متعب عذاب ومسننات الردينى = مزحج الكفه ليا اختل ميزان
اقسى من الجلمود للعاملينى = والين فى غره مع كل من لان
ذبحت سعد اخو المليك الحصينى = ماكذب البارود فى ليل كنزان
وذبحت فهد مابين جذع و وتينى = لله در لله ذا ثار ضيدان
لو ينصف الوقت الردى و السنينى = ماكان قلب ناظرى فيه حيران
لاشك جتنا ما على ماتزينى = ربك قسمها بين جايع وشبعان
شومى بوجهك او تري فارقينى = سيان عندى الامر يابنت سيان

المشاركة الأصلية كتبت بواسطة اسكيت (المشاركة 1218037) لاهنت يا الهادي على القصيده روعه ما شاالله صح الله لسان شاعرنا ناصر بن هندي \ اسكيت