يــــابـــنـــت هـــذا صــايــر الــيــوم مـــوال
الـسـلـام عــلـيكم ورحــمـة الـلـه وبـركـاتـه
الـيـكـم هـذه الــقـصيـده أتـمـنـا أن تـعـجـبـكـمـــ ــــ ــــ ــــ ــــ ــــ ــــ ــــ ــــ ـــــــ البارحة جاني مـن الحـب مرسـال~~ من عقب ما بينـي وبينـه خصيمـة% وانا ترى في الحـب مانيـب فعّـال ~~ ولا بعـد ولّـع بقلبـي هشيـمـه% ولا بعد غنّيت فـي ساعـة وصـال ~~ ولا بعــد ذقـت الفـراق وجحيمـه% ولا جرى دمعي على الخـد همّـال~~ ولابعـد جربـت مــرّ الهزيـمـة % حتى وردنـي تالـي الليـل جـوال~~ وانا على شاهي وبسكـوت ديمـة% الرقم بايخ لكـن الصـوت قتـال~~ كنه مثل صـوت المذيعـة حليمـة% قالت مساء الخير يـا طيّـب الفـال~~ قلـت ارحبـي ترحيبـةٍ مستديمـة% بالعود والصفـري ودلـة وفنجـال~~ واجبك يا بنت الأصـول الكريمـة% ردت بضحكة ثم قالت وش الحـال؟~~ قلت اشهد إن الحال عقبك سقيمـة% قالت وهي تضحك بعد مثل الأطفال~~ وانـا بعـد كنـي بدونـك يتيمـة% من يـوم قالتهـا تزلزلـت زلـزال ~~ من فجعتي كنـي مسـوي جريمـة% قلت ارفعي صوتك ترى مابه ارسال~~ كـذاب لكـنّ المصيبـة عظيمـة% قالت أقول اسمع ترى هرجنـا طـال~~ ممكـن تصاحبنـي ترانـي وسيمـة% واسمي الحقيقي أول حروفه الـدال~~ لكـن يسمّونـي البنـات الزعيمـة% صحيح أحب الفخفخة واعشق المال~~ لكـن ترانـي طاهـرة مستقيـمـة% ما عندي امغازل ولا (لعب هّبـال)~~ ما عندي إلا في الشرف والحشيمـة% بس الصراحة قلبي لشوفتـك مـال~~ واصبحت وحدك جالسٍ في صميمه% فكّر بعقلك واترك القيـل والقـال~~ واحذر تطيع اهل العقـول العقيمـة% وارسل علي الحين خمسميـة ريـال ~~ أشحن بهـا جـوال أختـي غنيمـة% أو طقم غالي فيه خاتـم وسلسـال~~ أروح بـه فـي عـرس ولاّ عزيمـة% قلت الحقيقة مانيب رجـل أعمـال~~ ولانـي بتاجـر والمـوارد عديـمـة% أنا الصراحة شبـه عطّـال بطّـال~~ وعلاقتـي بالفقـر جـداً حميـمـة% والراتب الله يرحم الحـال مـازال~~ محـدود والمصـروف ربـي عليمـه% والدين بـالآلاف والبنـك شغّـال~~ ياكـل فلوسـي بالربـا والظليمـة% والسوق طايح والغلا ضيّـق البـال~~ والموت والله صايـر اكبـر غنيمـة% قالت تحمّل بـس والحمـل ينشـال~~ خلك شديد الباس صلـب العزيمـة% ياخي تصرّف جعلك اتصيـر نشّـال~~ أهـم شـي إن النوايـا سليـمـة% لابد تفهمني علـى كـل الأحـوال~~ ما دمت من أهل العقـول الفهيمـة% قلت إيه والله فاهم اللي على البـال~~ لكن تـرى هـذي علينـا قديمـة% يا بنت هـذا صايـر اليـوم مـوال~~ للي تبي تلعب علـى ابـن اللئيمـة% يا بنت ما تدرين كـم فيـه محتـال~~ يلعب على الحبلين وانتـي غشيمـة% يا بنت كم من جاهلة دمعها سـال~~ من عقب ما جات العواقب وخيمـة% والبنت لا اقفى عرضها بيد الأنـذال~~ والله مـا يبقـى لهـا أي قيـمـة% قالت تبي ولاّ فخلّك علـى جـال~~ مهوب ناقصـي نصايـح حكيمـة% عز الله إنك للأسف منـت رجّـال~~ وانك قليل الذوق ما فيـك شيمـة% يا لعنبو اللي مـا يسطّـرك بنعـال~~ حتـى يعلمـك الغـزل يـا بهيمـة% تفو.عليك وصكّت الخط في الحال ~~ مدري (تفو)هي مدح ولاّ شتيمـة% |
رد: يــــابـــنـــت هـــذا صــايــر الــيــوم مـــوال
معاد يمديك
لا هنت على القصيدة الرائعـه |
رد: يــــابـــنـــت هـــذا صــايــر الــيــوم مـــوال
لاهنت على المرور المميز
|
رد: يــــابـــنـــت هـــذا صــايــر الــيــوم مـــوال
{ شُـكـرت لـروعـهـ الاختيار
ولا حُرمنا روعهـ جديدكـ الراقي .. دمـت بهـذا التميـز ~ :a36: |
رد: يــــابـــنـــت هـــذا صــايــر الــيــوم مـــوال
اقتباس:
أختي أشكرس على المرور العذب |
رد: يــــابـــنـــت هـــذا صــايــر الــيــوم مـــوال
الله يعطيك العافية
لاهنت |
رد: يــــابـــنـــت هـــذا صــايــر الــيــوم مـــوال
لاهنت على المرور العطر
|
الوقت في المنتدى حسب توقيت جرينتش +3 الساعة الآن 08:55 AM . |
مجالس العجمان الرسمي