يانور عيني هوى بالـي وسلطانـه=لا يوجع القلب حد العيـن وسيوفـك
سبحان ربٍ عظيـمٍ يا كبـر شانـه=جمّلك خلقة وكمل حسنك بنوفك
يا بنت شعري زهابك وأبدع ألحانـه=يجر صوته غلا في ملعب حروفـك
يا طيفك اللي عليه العيـن شفقانـة=ولا من نظرتك حقيقة عافت طيوفـك
إذا عليك المشاعر جـات زعلانـة=زهبت عذرك قبل تطربنـي حلوفـك
يا عينك اللي تجيب المـوت خدرانـة=ما ألوم عينٍ تدقـق فيـك وتحوفـك
لأنك غريبة عن فلانة وعلانة=عذروب كل العذارى جملة وصوفك
عروق قلبي ثلاث عـروق ظميانـة=ما يرتوي العرق الأول غير في شوفك
والعرق الآخر تغشى سيـل وديانـه=لا صرت جنبي ولامس كفي كفوفـك
وآخر عروق الظمى في بحرك الدانة=أعوم بحرك وأجيب الدان من جوفك
مثل الخضار الذي تسقيـه ودانـه=هذا غرامك فديت عروق سرجوفـك
كذا غرامك زرع في الجـوف بستانـه=لا يذبل اللي زرعته من سبب خوفـك