مجالس العجمان الرسمي

مجالس العجمان الرسمي (http://www.alajman.ws/vb/index.php)
-   مجلس عيون الشعر النبطي (http://www.alajman.ws/vb/forumdisplay.php?f=29)
-   -   اكبر خطا لوجيت يمك اصالحك (http://www.alajman.ws/vb/showthread.php?t=73501)

عساف ال محفوظي العجمي 15-11-2012 06:27 PM

اكبر خطا لوجيت يمك اصالحك
 
لا جيت ابنسى واتراجـع واسامحـك
صاحن جروحي واشتكن لي طعونـك

كلك خيانه قول .. وشلـون ابمنحـك
وش موقفك من شخص دايم يخونك !!

اكبر خطا.. لو جيت يمـك اصالحـك
اول تحـوّل .. لاتـغـرّك إلحـونـك

اللي تقوله صح .. لو كنـت جارحـك
انت غارق للاسف في ظنونـك

وصفك نسيته بس .. باقي ملامحـك
بنهيـك وانهـي بالنهايـه جنـونـك

ماتستحـق امـد (كفـي) واصافحـك
مثلك غلط عمري وابحيـا .. بدونـك

لعبـت دورك شاهـداتٍ مسـارحـك
خدعتنـي واظهـرت خافـي فنونـك

كنت اعتقد .. قلبي هو ابرزمطامحك
اللي يبيـع النـاس لجلـه يصونـك

تعبت اسوق الشوق يمك واصارحـك
اخلصت لك بالحب .. شوفت عيونـك

لكن خسارة صرت غايـة مصالحـك
ياليتنـي ماجيـت .. لحظـه بكونـك

بالامس كنت بنشوة الحب .. امازحك
اخيـل برقـك واتحـرى امـزونـك

واليوم من صفحة حياتي .. ابمسحـك
هديت صرحـك ثـم طاحـت ركونـك

ولابي عيوني لـو تصـورت تلمحـك
اعلنت موتك .. وانسجن لي كفونـك

وان جيت تطلب .. ترتجيني اسامحك
بهديك طعنه .. مـن بقايـاطعونـك
-------
القصيده منقوله اعجبتني ونقلتها ولم احظى بمعرفه قائلها

سمو الرووح 11-12-2012 12:52 PM

رد: اكبر خطا لوجيت يمك اصالحك
 
عزالله انها قصيدة جميلة للغاية لاهنت على نقلها لنا

كل الشكر لك والتقدير والاحترام.

غصون 17-12-2012 02:22 AM

رد: اكبر خطا لوجيت يمك اصالحك
 
تسلم

اختيار جميل ورااقي

لاهنت

عبيد القحطاني 11-06-2013 08:57 AM

رد: اكبر خطا لوجيت يمك اصالحك
 
لاهنت على القصيده


الوقت في المنتدى حسب توقيت جرينتش +3 الساعة الآن 10:56 PM .

مجالس العجمان الرسمي