|
( خلف المشعان .. بدر الظاهري ) اين الحس الاخوي ؟؟
http://www.yaaam.com/upload/834782.gif
شاهدت كما شاهد الكثيرين خلف المشعان وبدر الظاهري الحربي في الحلقة الماضية وهم يتفاعلون مع العرضة النجدية التي شاركت في البرنامج وقاموا يعرضون ويتمايلون في مجلس الشعراء أمام الشعراء دون مراعاة لشعور الشاعر مهدي آل حيدر الذي لايزال يعيش صدمة وفاة أخيه ؟؟ المشعان والظاهري أنتم من قبائل تعرف المواجيب ومالها وماعليها فلو قدرتوا مهدي على الأقل ولم تقوما بهذا العمل الذي جرح مشاعره ..! الشاعر مهدي غادر المجلس ثم تبعه باقي الشعراء تضامناً وتعاطفاً ومراعاة لشعور زميلهم فيما استمر المشعان والظاهري يعرضون ويتبادلون الابتسامات ..! وهذه صورة ملتقطة بعد خروج مهدي آل حيدر من المجلس ويظهر في الصورة خلف المشعان وبدر الظاهري: http://up.graaam.com/p12ic/90af3020f9.jpg |
رد: ( خلف المشعان .. بدر الظاهري ) اين الحس الاخوي ؟؟
لاتعليــق ....!
واللي ما يعــرف أخلاق الرجـال وعلومهم فلا تشرهون عليه وتعطونه أكبر من قـدره ..! أجمل التحاايا....! |
رد: ( خلف المشعان .. بدر الظاهري ) اين الحس الاخوي ؟؟
لاهنت يابطاح وبالفعل والله إنه لشيء يحز بالخاطر
|
رد: ( خلف المشعان .. بدر الظاهري ) اين الحس الاخوي ؟؟
حياكم الله جميعآ ولا هنتوا على المرور ..
|
رد: ( خلف المشعان .. بدر الظاهري ) اين الحس الاخوي ؟؟
بطاح
لاهنت والاخوان كفوا في الرد واللي اقدر اقوله الله يرحمك يامشعل ويصبر هلك عز الله انك فقيد لهمدان كلها |
رد: ( خلف المشعان .. بدر الظاهري ) اين الحس الاخوي ؟؟
ولا شنت يا صقر وايلة واشكرك على المرور ..
|
رد: ( خلف المشعان .. بدر الظاهري ) اين الحس الاخوي ؟؟
لاهنت يا بطاح والصراحه اللي مايستحي الأكبر والمفرووض ان حنا ننقد عليهم هم القائمين على
بالبرنامج لأنهم هم اللي ماراعوا احساس شاعرنا مهدي الوايلي لأنهم هم وراء الفرقه لأنهم هم اللي جايبينها والي ذكرت اسمائهم الصرحة مالهم داعي يووم يعرضون وكفو على الشعراء الباقين اللي راعوا شعور شاعرنا ونعم فيهم و لكن بكل قوة واصرار يقف مهدي الوايلي مثل الجبل الشامخ وألقى قصيدته اللي تبيض الوجه وانا اقول يا جــــــبـــــــل مـــا يــــهــــزك ريــــــح ولاهنتوا جميع على التفاعل وكل التوفيق لـــ شاعرنا الجزل مــــــــــــــــــهــــــــــــــــدي الـــــوايـــــلــــــــي |
رد: ( خلف المشعان .. بدر الظاهري ) اين الحس الاخوي ؟؟
ولا شنت يا ضنا يام والله يبيض وجهك يالذيب على المرور ..
|
رد: ( خلف المشعان .. بدر الظاهري ) اين الحس الاخوي ؟؟
الله يغفر لموتى المسلمين وأنا الوم القائمين على البرنامج ولا الواجب يراعون مشاعر الرجال ومكان له داعي العرضة أما الي يرقصون فعلاً أخطؤ على زميلهم في البرنامج والشعر
تحيتي لصاحب الموضوع |
رد: ( خلف المشعان .. بدر الظاهري ) اين الحس الاخوي ؟؟
ارحب يا كحيلان ولا هنت على المرور طال عمرك ..
|
رد: ( خلف المشعان .. بدر الظاهري ) اين الحس الاخوي ؟؟
حبيت اعلق على الموضوع قبايل عنزة ماحصلت من يمثلها به
|
رد: ( خلف المشعان .. بدر الظاهري ) اين الحس الاخوي ؟؟
والحروب برضوا شاعرهم مايمثل قبيلة مثل حرب ...اختيار اللجنة لهم من البداية غلط
|
رد: ( خلف المشعان .. بدر الظاهري ) اين الحس الاخوي ؟؟
عز الله انك صادق اقسم بالله مافيهم شيمة الرياجيل زميلهم المفروض يراعوا شعوره قاموا يترقصون كنهم ........... هذولا ماعليهم شرهه ماعندهم اسلوم القبايل واعرافهم مافيه عرب مثل اهل الجنوب اهل السلوم والعادات
ولاهنت يابطاح علا الموضوع اشهد بالله انك رجال تستنكر الغوى اللي يدوس بالراس |
رد: ( خلف المشعان .. بدر الظاهري ) اين الحس الاخوي ؟؟
والله المفروض من الرنامج انهم ما يحطون الاغاني و واحد من المشاركين بحالة عزاء والمفروض انه ما يشارك و ينسحب من اللقاء والله يعوضه والمفروض ما تشرهون على احد وشاكرلكم جميعا ردودكم |
رد: ( خلف المشعان .. بدر الظاهري ) اين الحس الاخوي ؟؟
لا هنتوا جميعآ وبيض الله وجهيكم على التعلقيات وعز الله انها في محلها ..
|
رد: ( خلف المشعان .. بدر الظاهري ) اين الحس الاخوي ؟؟
ياخوي انتم ليش معميكم التعصب
الحين بدل ماتقولون ( مهدي ال حيدر) ماعنده سالفه و المفروض ان حزنه على اخوه ينسيه البرنامج ... تقولون (خلف و بندر ) ماهم رجال لانهم مايحترمون حزنه ( ياااخي حدث العاقل بما لايعقل فان صدق فلا عقل له) قبل شوي و هو بالمسرح و موسيقى و احتفال و شرايك بعد يمنعون الموسيقى احتراما لحزن ال حيدر ... اقول الله يلعن الشهره و حب المال اللى خلى الشلهوب يروح مع المنتخب و امه توها متوفيه و يروح مع الهلال و ابوه تو متوفي ويقولك وطنيه الا والله حب الدنيا .... و ال حيدر مهو بعيد عنه |
رد: ( خلف المشعان .. بدر الظاهري ) اين الحس الاخوي ؟؟
وش تبي تقول وخلف المشعان يعرف يحس ولا يقدر الرجاجيل , بس أنا أقول الله يرحم موتانا وموتى المسلمين
|
رد: ( خلف المشعان .. بدر الظاهري ) اين الحس الاخوي ؟؟
ياجماعه الإنصاف شوي
مهدي جا للبرنامج وأخوه توه متوفي يعني الرجال تجاوز المرحله والدنيا ماوقفت وأنا من رأيي إنه لو أنسحب كان أفضل له وتوفيراً لتصويت ربعه والعذر قيده معذور أما إنتقادكم المشعان والحربي لانهم عرضوا ولاراعوا مشاعر مهدي فليس من حقكم يعني يحق لكم تعتبون بس ماتسيئون لهم بسبب هذا الفعل كما فعل بعض الأخوه لأن مهدي جا وعنده خبر إن فيه وصله ياغنائيه يارقصه شعبيه في البرنامج |
رد: ( خلف المشعان .. بدر الظاهري ) اين الحس الاخوي ؟؟
اولاا حبيت اقووول
لشاعر مهدي ال حيدر عظم الله اجرك في فقيدكم وجعل جنة الفردوس داره وجعلها اخر ااحزانكم ياال حيدر ويشهد الله اني من شفت اصراره ومرثية في أخوه كبر بعيني و عجبني وشد انتباهي اكثر من غيره ثانيااا : لاحظت اغلب ردود الاخوان تذم البرنامج << هذا البرنامج ماشي ماشي بموت اخو الشاعر ولا موت الشاعر بنفسه ولي يشره على برنامج يوم حطى اغاني في وقت حزن مهدي << وحزن مهدي مر عليه اكثر من 5 ايام اجل وش تقولون بالشاعر لي مات ابووه ونسحب ومشي برنامج عادي << حتى ماحد سئل عن نقص عدد شعراء بالحلقه الثانية عشر ( لي بها شارك محمد الكعبي + بدر الحربي + عبدالله السميري ) << نقصها شاعر كويتي وبرنامج ماشي بكل احوال برنامج له سياسه محدده مايغيرهااا << لو غيرها كان غير الوقت ويوم العرض اللوم والله ثم والله على لي عرضوو << اولهم انه سعودين من نفس دارمهدي ثانيا هم شعراء وخوان له بمشاركه << حتى لو ماانهم سعوديين مفروض يحسون باخ لهم اجتمعو معه بيوم من ايام الله واصلن ليه قامو يعرضووون << ماضني حد قالهم قومو اعرضووو وعرضتهم ماهي لله << وراها شي وكل عارف وش القصد لكن وش تقووول بلي ناقصين عقل ماقول غير ربي سترك وعفوك وعن الخطايا جنباااا مشكور اخوي بطاح على موضوع ولا تحرمنا من جديدك غزاااااااااااال وحشيمه |
رد: ( خلف المشعان .. بدر الظاهري ) اين الحس الاخوي ؟؟
مرحبا ..
اللي اشوفه برأيي .. مع احترامي للشاعر مهدي الحيدر .. بما ان اخوه متوفي وهو يعلم بحجم البرنامج .. المفروظ ما يشارك .. وحتى ولو شارك واتى وتكبل عناء الحزن .. لايشره على اخوانه .. بجد ماله داعي .. اللي يبي يحزن .. لا يحمل الناس حزنه .. المشروه لو جاوه بيته وقعدوا يغنون .. الحق حق .. والعنصريه مالها داعي في مجال الحق .. هو عارف ان البرنامج في من الاغاني والطرب .. يعني عنده خبر .. انا لا انتقد مجيئه .. ان انقد على زعله .. ماله حق في تصرفه .. تحيه .. |
رد: ( خلف المشعان .. بدر الظاهري ) اين الحس الاخوي ؟؟
الأخوة اللي يدافعون عن اللي عرضوا
يعرضون ما يخالف!! طيب تقديم العزاء وش حكمه؟؟ أليس واجب؟؟ من اللي عزاه من الشعراء؟؟ فيه شاعر سعودي عزّاه ولاّ "الإماراتي" طلع أشلى منهم؟؟ لجنة التحكيم.. لم يقدّم له واجب العزاء إلا حمد السعيد "الكويتي" وكأنه لا أحد مشارك من أرض الحرمين التي ينتمي إليها كما ينتمي إليها 4 شعراء وعضو لجنة تحكيم الذين لم يكلّف أحد نفسه بقول: "أحسن الله عزاءك" تحياتي لكل ذو لب يفرّق بين الحق والباطل؛؛؛؛؛؛؛؛؛؛؛؛؛؛؛؛؛؛ |
رد: ( خلف المشعان .. بدر الظاهري ) اين الحس الاخوي ؟؟
بل بشســع اقتباس:
صدقنـي أن عنـده من السوالـف اللي بيغطيـك أنت وأمثالـك ...! ومهـدي معروف دون أن تعرفه أو تقدم شيء عنـه ...! وشهادتنــا فيه مجروحـه ونحن هنـا نقدم المفيـد ...! ولا نريـد تشويه سمعـة أحـد ...! اقتباس:
اتمنى أن تحتـرم النـاس لكي يحترمـوك ...! أجمل التحاايا ...! |
رد: ( خلف المشعان .. بدر الظاهري ) اين الحس الاخوي ؟؟
برنامج شاعر المليون عنده خبر من وفاة المغفور له بأذن الله مشعل ال حيدر
شقيق الشاعر الشهم مهدي ال حيدر والمفروض ان الحلقة ذي مايحطون اغاني لاكن اهم شي عند البرنامج الرسايل اما بخصوص الذين قامو بالعرضه ماله داعي المفروض مراعاة مشاعر اخوهم لنحسن النية ونقول يمكن ماعندهم خبر لاكن العتب على البرنامج والشاعران يوسف العنزي |
| الوقت في المنتدى حسب توقيت جرينتش +3 الساعة الآن 03:52 AM . |
مجالس العجمان الرسمي