كنت أحسب إن النوايا ما تغير بالقلوب=وأضحك بقلبي وأسولف كيف تغيير النوايا؟
كنت أحسب الشمس تضحك للقمر وقت الغروب=وأثرها تنكف غيرة والله أعلم بالخفايا
كنت أغني للمسافر عن متاهات الدروب=وللأسف رد المسافر لا دروب ولا هدايا
كنت أناظر بالمرايا وألمح بوجهي شحوب=وكنت أحاول أتجاهل للأسف صدق المرايا
وكنت أناظر للزوايا من شمال وهي جنوب=واتضح إني جنوب وكنت أغالط هالزوايا
إيه يا كبر المدينة لين ماهب الهبوب=طاحت أبراج وتهاوت وش بقى لي من مزايا؟
غير جرح وبعض طيبة في بعض ذيك القلوب=والسؤال اللي بشفاهي وش جنينا من خطايا؟