تكفون يالربع .. ابيها ضروري!!...,,,
تكفون يالربع ابي قصيدة لسعد علوش مدري في بيت كذا مهوب محترم حافظة يقول : شف ترا ذولاك جنوس رياجيل بس من نوع ثاني وأبي أسم القصيدة أو رابط لو ممكن !!
|
رد: تكفون يالربع .. ابيها ضروري!!...,,,
قصدك القصيده اللي يوصف فيها انواع الرياجيل ؟
|
رد: تكفون يالربع .. ابيها ضروري!!...,,,
اناعندي جميع قصائد سعد بن علوش لكن البيت هذا ماعمري سمعتبة ولا انا مخطئ ..
شف موقع الرسمي لسعد بن علوش تلقاها اكيد |
رد: تكفون يالربع .. ابيها ضروري!!...,,,
مهره لله لله هذه هي اذا تقدرين تجيبينها جزاش الله خير !!
|
رد: تكفون يالربع .. ابيها ضروري!!...,,,
بطاح في وصف الرياجيل :)
|
رد: تكفون يالربع .. ابيها ضروري!!...,,,
والله مدري اذا تقصد ذي ولا لا
اسمها اللوبي اللوبي
العقل بيت شيوخ والحلم جاسوس=للنفس يقطع من تركها ثواني خذني وطلعني ولو الهوا كوس=ابااتنفس شي..صافي وهاني داخل تصادم فكر ومزاحم نفوس=على فتافيت الغوى والغواني في هاللوبي كل شي ضايع ومعكوس=ماكن في هالكون رب واماني اثاثه الغامق وتصفيفه الكوس=تدل على ذوق راقي.وداني شفهم وشف كيف الفشل يجعل الروس=اشيا....كماليه مبين الاذاني وشف كيف هذا ثمل ويعتثر ويدوس=على مسمى جده الأولاني وشف كيف هالشايب برغبته محبوس=تحت شعار ان اخر العمر فاني احس عنده عيله وبنت عروس=تخجل من ابوها كثير وتعاني وشف الاثنين هناك؟ ترهم ((ج..))=رجال بس رجال من نوع ثاني ضحايا نفط وقل طاعه وناموس=والام كانت طيش والاب اناني وشف هالجمال اللي مدثر ومحيوس=مثل الكلام اللي بليا معاني فتاة تعرض جسمها الغض بفلوس=ويبيعها فاليوم عشرين زاني كل الزوايا طافحه قبح ونجوس=تسبح وفالركن الاخير المواني واحد يغني وعنده حثالة جلوس=كأن مافي هالحياة الا اغاني ياوخز قلبي وخزة الجرح بالموس=ياعالم(ن) مافيه حلم وتفاني في هاللبي مافيه ريس ومريوس=الكل بايع نفس والكل جاني والكل عنده عذر واهي ومدروس=لو قلت ليه انت كذا؟ قال اعاني انا اللي اعاني من القوس للقوس=هذا مهب جوي ولاهو بمكاني بركض وابي اركض معي الف فانوس=اللي صباحات الغلا والتهاني روح معي والواقع احيان كابوس=وانا ماحط اللوم على زماني احمد ربي كل ما دق ناقوس=واعرف حدودي واستحي من كياني وأصمت ليا جا للحكي روس وعسوس=واضحك ولو وجهي من البكي حاني لو كل شي محسوس ياخوك ملموس=شليت اخر جرح بين المحاني مدري ياختك اذا هذي قصدك لانك ماجبت لي بيت منها :) |
رد: تكفون يالربع .. ابيها ضروري!!...,,,
عندش ايها مهره بالصوت ؟؟
|
رد: تكفون يالربع .. ابيها ضروري!!...,,,
انا دورتها في النت ماحصلتها حتى في موقعه الرسمي مافيه
يؤسفني اني ماقدرت البي طلبك بس ,, شوف محمد الهتلاني من الاعضاء عنده قصائد مميزة دائما .. تحياتي لك.. |
رد: تكفون يالربع .. ابيها ضروري!!...,,,
الله يسلمش ويبقيش يا مال العافيه يا مهره وكفيتي وفيتي ومهب لازم بس طبعتها
|
رد: تكفون يالربع .. ابيها ضروري!!...,,,
الله يسلمك يارب وماسويت شي :)
|
الوقت في المنتدى حسب توقيت جرينتش +3 الساعة الآن 02:09 PM . |
مجالس العجمان الرسمي