يا لحون العود وإلا يا مجارير الربابة ... رائعة سلطان الهاجري شيلة + كتابية
السلام عليكم ورحمة الله وبركاته
: أقدم لكم شيلة من كلمات الشاعر الكبير: سلطان بن وسام الهاجري : أتمنى أن تنال على اعجابكم ورضاكم : يالحـون العـود والا يامجاريـر الربابـة***إختلف معنى القصيد وضيّـع الفنـان فنّـه حلم مدري علم وإلا نوض برقٍ في سحابة***وأثرها طلّة جبينه يـوم زاح الليـل منّـه أقبلت مثل الفرس لا سمعت طبول الحرابـة***مقتفيهـا ليـلٍ أسـود والنجـوم يفرّقنّـه النهار يمـر ويعـدّي وليلـه فـي عقابـه***والنحـر صبـحٍ تجلّـى والجدايـل كنّهنّـه مخملٍ يلتفّ حول الجيـد الأتلـع بالنيابـة***عن سلاسيل الذهب والماس خوف يجرّحنّه غاب عنّي والوله خلاّه عندي فـي غيابـه***مادرى إن فرقاه نار ولا درى إن لاماه جنّة ياوجودي وجد عـودٍ لا عيـال ولا قرابـة***ماجـداه إلا يـونّ ويـردف الونّـة بونّـة مالقى فزعة رفيـق ولا دعـاةٍ مستجابـة***كلّ ما أمسى له بظنّ خيّبـت الايـام ظنّـه ياوجودي وجد من صفّق على ماضي شبابه***بأن شيبه والسنين اللـي يبيهـن خالفنّـه غرّته خضر السنين وراح عمره مادرى به***غرّرنّـه وأرفعنّـه ليـن سـجّ وحولنّـه ذاك وجدي في غياب اللي نزح والله جابـه***صح فرض الله فرض وسنّة الرسول سنّـة الغلا جسمٍ رقيقٍ مرهف احساسـي ثيابـه***مثل غصن الورد يوم إن الهبايب يطرقنّـه مازرعت إلا غـلاه ولا نقلـت إلا صوابـه***والحشا ماضاق من خضر الطعون المستكنّة ياحبيبي مازها كفّ الخضـاب إلا خضابـه***فيه نظم المفردات وفيـه للعشّـاق عنّـه الظبي ماله شبيـه وبينـك وبينـه تشابـه***إلتفت بشويش وألقى فيه منك وفيـك منّـه خالقك من فضّل محمد على كلّ الصحابـة***وسخّرك مثل المهار اللي تسخّرها الأعنّـة والثنا والشكر للي رحمته تسبـق عذابـه***لا لخلـق الله شكـر ولا لخلـق الله منّـه قاله اللـي ماخـذا ممـا يريـد إلا هبابـه***خيرة الفارس ثنيّة خيـل صفـراً مستعنّـة : : التحميل من هنا : تقبلوا تحياتي : 1bh1 |
رد: يا لحون العود وإلا يا مجارير الربابة ... رائعة سلطان الهاجري شيلة + كتابية
عبدالله ال عامر
لاهنت عالقصيدة والشيله الرائعه وصح لسان شاعرها |
رد: يا لحون العود وإلا يا مجارير الربابة ... رائعة سلطان الهاجري شيلة + كتابية
لاندمتي أختي الغروب .. تسلمين على مرورش وردّش..!
: 1bh1 |
رد: يا لحون العود وإلا يا مجارير الربابة ... رائعة سلطان الهاجري شيلة + كتابية
لا هنت ابو سراج على نقل القصيده للشاعر الكبير \ سلطان الهاجري |
رد: يا لحون العود وإلا يا مجارير الربابة ... رائعة سلطان الهاجري شيلة + كتابية
لاندمت يابو منصور.. تسلم على تشريفك يالسنافي..!
: 1bh1 |
رد: يا لحون العود وإلا يا مجارير الربابة ... رائعة سلطان الهاجري شيلة + كتابية
لاهنت ياعبدالله وبيض الله وجهك ,, وتقبل مروري
|
رد: يا لحون العود وإلا يا مجارير الربابة ... رائعة سلطان الهاجري شيلة + كتابية
لاندمت يا فـارس ووجهك أبيض يالسنافي..!
: 1bh1 |
رد: يا لحون العود وإلا يا مجارير الربابة ... رائعة سلطان الهاجري شيلة + كتابية
رائــــــــعــــــــــة
صح لسان الهاجري ولاهنت على النقل العذب تحيتي |
رد: يا لحون العود وإلا يا مجارير الربابة ... رائعة سلطان الهاجري شيلة + كتابية
لاهنت ياعبدالله وبيض الله وجهك ,, وتقبل مروري |
رد: يا لحون العود وإلا يا مجارير الربابة ... رائعة سلطان الهاجري شيلة + كتابية
لاندمتوا والله يعطيكم العافية على التشريف والرد
: 1bh1 |
الوقت في المنتدى حسب توقيت جرينتش +3 الساعة الآن 03:45 PM . |
مجالس العجمان الرسمي