مستور العصيمي وصياف الحربي (ياذيب ياللي تجر عواك)!!
 

http://6rg.net/Listen/Gul6h/M_S_SlaM.ram

مستور العصيمي
سلام ردية تدخل بيوت المجد والطيب
ياجعلها ماتزول ولا يغيرها الزماني

ياذيب ياللي تجر عواك ليش عواك ياذيب
مدري من الجوع ولا طاري لك علم ثاني

صياف الحربي
الله يعز الرجال اللي تعدي فالمراقيب
ترسي كما يرسي البابور في شط المواني

لو العصيمي يواجهني على عوج العراقيب
اباخذ السيف من يمناه واحرك لساني

مستور العصيمي
... فك السلوك اللي تود العلم وتجيب
واللي عطى العشر ياصياف ما يقبل ثماني

العام ياصاحبي مافيك عيب ولا عذاريب
لكن هذا السنه تلدغ سواة العقرباني

صياف الحربي
اليا اخلفتني هجوسي عنك حَصْْلت شقت الجيب
ماعندك اللي يحفر البير ويسوق السواني

ان طال عمرك بعد مده قصيره يطلع الشيب
واقول سافر من الدنيا لو انك من خواني

مستور العصيمي
ماتعلم الغيب ياصياف وآنا ماعلم الغيب
لكن نورك تغير ليش ياسهيل اليماني

لن جات بالطيب ولا جات بخشوم المشاعيب
ساعه بساعتك ماتعدل لها خمسة ثواني

صياف الحربي
تغير الوقت يالصاحب وخبثنَّ المشاريب
وان شدوا الناس قام شعيل يرثع بالآواني

انت الصحيب الغشيش اللي طلع بين الآصاحيب
جتني علومك مع العربان وآنا في مكاني

مستور العصيمي
تغير الوقت غير اهله بلا شك ولا ريب
ترى العرب مايخلطون الهرايا بالسماني

قصدك تجنب وآجنب مير مالي عنك تجنيب
امرح وتصبح بخير وعافيه يامودماني

صياف الحربي
والله لدوَّر مع العربان لين القى معازيب
واني لقابلك بالحاره وعمدتها يماني

*جمع: محمد العجمي

لاهنت يا السنافي


محمد

على الكتابه والصوت

تسلم يا السنافي

هلا ياشبيب ولا انت ولاهنت على المرور

لاهنت يامحمد

وتسلم على الاختيار الرائع

تحياتي لك

الله لايهينك

هلا يبن محسن ولاهنت على المرور

لاهنت يــ محمد

وتسلم على الاختيار الرائع

الخويطري سعود مرحبا بك وتستاهلون

رد: مستور العصيمي وصياف الحربي (ياذيب ياللي تجر عواك)!!
 

رد: مستور العصيمي وصياف الحربي (ياذيب ياللي تجر عواك)!!
 

لاهنت يامحمد والله يرحم صياف
تقبل مروري وتحياتي
اخوك الوعيلي