|
الــعــرجــانــي مــحــمــد في وجــهــاّ لــوجــه
السلام عليكم ورحمة الله وبركاته
شلونكم وشخباركم يسرنا ويسعدنا ان نستضيف لهذا الاسبوع الاخ العزيز العرجاني محمد في وجها لوجه وكما تعلمون ان له بصمات واضحه في المجالس الشعريه ويتميز الاخ العزيز العرجاني محمد بدماثه خلقه ومشاركاته الرائعه نبدأ الاسئله الاسم العمر المؤهل الدراسي وبتوفيق انشالله |
اررحب يا محمد هذي الساعه المباركه ولا هنت يا بو مسعود على التقديم الطيب حبيت اسلم ولنا عودة بالاسئلة
|
اولا احب اشكرك اخوي على استضافة شاعرنا المميز..وانا من اشد المجبين بشعر اخوي محمد
متى كانت اول محاولة لك في كتابة الشعر..واذا ممكن تعطينا ابيات من القصيدة الاولى لك |
ضيف مميز ومشكور يابو مسعود في استضافتك للشاعر/محمد العرجاني
س ما رايك في شعر الحداثه والشعر التقليدي واين يصنف نفسه محمد العرجاني؟ من مِن الشعار تأثر الشاعر محمد؟ رغم شاعريتك الكبيره فالنبط هل تتقن شعر القلطه؟ وان كنت تتقنها فاين انت من ساحتها؟ بيت شعري تمنيت ان يكون لك,وبيت شعري لك دائما تردده؟ وشكرا |
السلام عليكم ورحمة الله وبركاته ......مساكم الله بالخير جميعا
في البداية أود أن أشكر الأخ العزيز بو مسعود الذي أسعدني وشرفني بأن أكون ضيف ( وجها لوجه ) هذا الأسبوع . الاسم محمد عبدالله العرجاني العمر مواليد 79 المؤهل الدراسي بكالريوس في تخصص الكيمياء الحيوية جامعة الملك سعود |
اررحب يا محمد هذي الساعه المباركه ولا هنت يا بو مسعود على التقديم الطيب حبيت اسلم ولنا عودة بالاسئلة
وبك البقاء ياابو حمد .. والله يبارك في أيامك ويطول عمرك على طاعة إن شاء الله.. |
اولا احب اشكرك اخوي على استضافة شاعرنا المميز..وانا من اشد المجبين بشعر اخوي محمد
متى كانت اول محاولة لك في كتابة الشعر..واذا ممكن تعطينا ابيات من القصيدة الاولى لك ياهلا بك ياالعفيفة . شرف لي يااختي العزيزة إن يحوز شعري المتواضع ولو على بعض من رضاك .. بالنسبة لأول محاولة لكتابة الشعر ما أذكرها بالضبط لكن كنت في سن صغير يعني حوالي 14 سنة .. طبعا أول قصيدة كتبتها ماأذكرها بالضبط ...لكن راح أكتب لك كم بيت من قصيدة قديمة جدا جدا وهي من قصايد البدايات أقول فيها :
حبك درس يارهيف العود=وفرقاك بانت مواريها حبك درس والليالي السود=ماعاد نرجع لماضيها ياما سمعتك تقول وعود=ولا يوم شفتك توفيها عندي الهوى ثابت(ن) كالطود=وعندك تقفاها سافيها معنى كلمة( درس ): يعني صار قديم وسلامتك |
ضيف مميز ومشكور يابو مسعود في استضافتك للشاعر/محمد العرجاني
حياك الله يااخوي العزيز زبون الجاذية . س ما رايك في شعر الحداثه والشعر التقليدي واين يصنف نفسه محمد العرجاني؟ بالنسبة لرأيي في شعر الحداثة . من وجة نظري أعتقد إن مايسمى شعر الحداثة هو أسلوب في الكتابة دخيل بكل ماتعنيه كلمة دخيل من معنى على الشعر . وأعتبره أنا من منغصات الشعر لإنه ينسب ظلما إلى الشعر المعروف والمتداول بين الناس منذ الأزل والذي له قواعده التي لم يحد عنها كبار الشعراء سواء قديما أو حديثا إلا ما ندر ....وبالنسبة لتسميته فأنا أعتقد إن تسميته بالخواطر أصح من تسميته بشعر الحداثة .. أو نطلق عليه التسمية المتداولة بين جمهور الشعرالأصيل . فأكثرهم يسمون شعر الحداثة بـ ( سوالف ربع على جال ضوهم ) ..وبالنسبة للتصنيف فأنا أصنف نفسي من الشعراء التقليديين جدا . من مِن الشعار تأثر الشاعر محمد؟ لا يوجد إسم محدد لكنني بالتأكيد متأثر بالشعراء الكبار ..وأتأثر بالقصايد الجزلة سواء كانت لشاعر كبير أو لشاعر مغمور .. رغم شاعريتك الكبيره فالنبط هل تتقن شعر القلطه؟ وان كنت تتقنها فاين انت من ساحتها؟ شكرا أخوي على إشادتك بشاعريتي وأعتبر إشادتك هذه وسام شرف لي .. بالنسبة للقلطة أجيدها لكن ليس بشكل أحترافي مثل أخوي فهد بن محسن وأخي حبيب والذي أجبرني في مرة من المرات أن ألعب معه غصب عني ..... وبصراحة أنا أحب أتابع المتحاورين لكن مااحب المشاركه فيها بيت شعري تمنيت ان يكون لك,وبيت شعري لك دائما تردده؟ والله بيوت الشعر إللي تمنيت إنها تكون لي كثيرة لكن منها بيت بدر بن عبدالمحسن إللي يقول فيه :
إن كانها الفرقى طلبتك حاجتين =لا تعلمني ولا تكذب علي
أما بيت الشعر إللي أردده دايما وهو لي .. بصراحة هو عبارة عن بيتين ارددها دايما وهي :
لا تصدد ولا تردد ولا تجمّل بالكلام=وصادق أعذارك فديتك عند غيري خلّها العذر عندي سلامك يامنسيني السلام=وضمّة إيدينك لإيديني لين يبرد غلّها وشكرا |
تشكر اخي ابو مسعود على استضافة الشاعر محمد العرجاني
صباح الخير يابو عبد الله واسعد الله اوقاتك بكل خير واتمنى لك التوفيق غي هذا اللقاء ولي عوده باذن الله تحياتي |
السلام عليكم ورحمة الله وبركاااته أرحب يابو عبدالله كيف الحال الحقيقه انا ماأعرفك شخصيا لكن القصاااايد الجميله تعرف الناس بك وانا قرأت لك كذا قصيده واعجبتني اولا انا حبيت أسلم عليك وثانيا انا عندي اسئله بسيطه::::: _هل من وجهة نظرك ان المطرب هو جسر العبور للشاعر من ناحية الشهره؟ _هل تكتب القصيده لمجرد الكتابه او من احساس وموقف وشعور؟ _ هل تحرص على متابعة وقراءة دواوين الشعر؟واذا كنت كذلك من من الشعار اللي تحرص على قراءة جديدهم في الشعر؟ _مارأي العرجاني محمد في شاعر البيداء (ناصر القحطاني)وهل انت من المتابعين له؟ _مارأيك في شعر القلطه وهل هو مقياس لقوة الشاعر في نظم القصيده؟ وأتمنى اني ماكثرت عليك الأسئله يابوعبدالله لكن تحمل منا وأنت قدها وقدود والله يعطيك العافيه. |
| الوقت في المنتدى حسب توقيت جرينتش +3 الساعة الآن 07:28 AM . |
مجالس العجمان الرسمي