قمرى,,,,,!!!
قمرى ضياها يجلي الغم وهموم=برضن خليه ماحدن قد وطاها سيليتن مرت عليها قبل يوم=وحزومها تزّبرت من غثاها تلقى الحشايش والشمع كومن بكوم=وتلقى البرد متنثرن في حشاها برقن ورعدن والسماء كلها غيوم=بيت الشعر والضو زايد سناها والطير شرسن بالسما يبغي الحوم=والقايده بالجول ردد وراها هب الهوا ريح النفل فيه مشموم=وريح الخزامى خالطن في هواها والبن الاشقر دار ماهوب معدوم=على النشاما كرم الله الحاها اعزازن اكرامن ولانصحب البوم=وراعي النميمه نقطعه لوحكاها عز الخوي خله عزيزن ومحشوم=في صحبتك يفخر وفيك يتباها جور الليالي يافتى صار مقسوم=اصبر وربك عايضن في بلاها حذراك سرك لا تـفـّـشيه للقوم=لاتفـّرح الانذال تضحك شفاها خلك عزيز النفس شهم ٍ وزيزوم=ادعس على العسرات وارقا سماها وسلامتكم ورضاكم آمل ان تنال على اعجابكم ورضاكم تحياتي لكم وتقديري |
رد: قمرى,,,,,!!!
وصف جميل دخلتنا في جوّ خيالي :)
مترك العمره / صح لسانك مدد ،، ولاهنت على ذالجزله الفاتنه :a36: تقبل مروري وتحيتي لك :) |
رد: قمرى,,,,,!!!
صح لسانك يا ابو محمد قصيدة رائعة ومعبرة
والله يرجعكم سالمين من لندن انت واللي معك:) |
رد: قمرى,,,,,!!!
مترك العمره
قصيدة جزلة وابيات معبرة صح لسانك وننتظر ابداعات قادمة . |
رد: قمرى,,,,,!!!
الله الله
الغالي / مترك العمره صح لسانك وأعتلآ شانك : قصيده فاخره وتوقيتها صح :a37: : في إنتظار جديدك ؛ وترجعون بالسلآمه : 1bh1 |
رد: قمرى,,,,,!!!
الاخت العزيزه/ قضى ليل الهوى طلابه ياهلا والله وغلا تسلمين على هذا المرور العذب والعطر ,,,, وصح الله بدنش ,,,,وسعيد بهذا الاطراء الجميل,,, تحياتي لش وتقديري |
رد: قمرى,,,,,!!!
اقتباس:
اخي الغالي والقدير/ ابوحمد الشامري يامرحبا والله ومسهلا تسلم على هذا المرور الجميل والعذب,,,,وصح الله بدنك,,,,,والله يرجعنا عليكم سلومي ,,,,وسعيد بهذا المرور الشامخ تحياتي لك وتقديري |
رد: قمرى,,,,,!!!
صح لسانك يا بو محمد قصيدة طيبة وأجواء رائعة وكلمات اروع
ترجع بالسلامة وابلغ سلامنا للوالدة العزيزة |
رد: قمرى,,,,,!!!
|
رد: قمرى,,,,,!!!
الله الله
صح الله لسانك وعلا شانك يابومحمد نسال الله ان يشافي العجوز وترجعون سالمين |
الوقت في المنتدى حسب توقيت جرينتش +3 الساعة الآن 10:46 PM . |
مجالس العجمان الرسمي