|
والسالفـه مـا هـي بلحيـة مواجيـب
يالله تعديهـا علـى خـيـر وتصـيـب... مـن حدنـي أكتـب خمالـه وعيـبـه يبقى الصراحـه مابهـا شـك أو ريـب... بقولـهـا والـنـاس كــل وطيـبـه الحـر مـا ينـفـع بلـيـا مخالـيـب... والعقـل للـرجـال زيـنـه وهيـبـه والسالفـه مـا هـي بلحيـة مواجيـب ...كـل"ن" علـى طبعـه يجيبـه حليـبـه بعـض المنابـت للمراجـل عـذاريـب... وبعـض المنابـت للمراجـل خصيبـه رجل"ن" يبي طاريـه عنـد الأشانيـب... ورجل"ن" يبـي طاريـه عنـد الحبيبـه رجـل"ن" يـودي بالسواليـف ويجيـب... ورجـل"ن" سواليفـه لفعـلـه تجيـبـه رجل"ن" يغض الطرف عن جارة صحيب... ورجل"ن" عيونه فـي محـارم صحيبـه ورجل"ن" تسـد بغيبتـه يومـه يغيـب... ورجـل"ن" ولا تقـدر تسـد بمغيـبـه ورجل"ن" يغيب ويفقدونه هـل الطيـب... ورجل"ن" ليا من غاب محـد"ن" دريبـه ورجل"ن" اذا أخطى يرى نفسه مصيـب... ورجـل"ن" اذا أخطـى يراهـا مصيبـه ورجل"ن" تشوف بخوته لـك مكاسيـب... ورجل"ن" تشـوف بخوتـه لـك غليبـه قلت الصراحـه مابهـا شـك أو ريـب... كـل"ن" علـى طبعـه يجيبـه حليـبـه اشره وشـره كـان تبغـي المواجيـب ...عـط حـق تاخـذ حـق مابـه معيبـه الشــــاعــــر مــــشعل الــدهيـــــــم |
لله الله صح لسانك يابن وعيل ولسان قايلها
|
لا هنت يا ابو عبد الله على القصيدة الرائعة صح لسانك يا السنافي
|
صح لسانك يا أبن وعيل ولسان الشاعـــــر
|
ورجل"ن" يغيب ويفقدونه هـل الطيـب... ورجل"ن" ليا من غاب محـد"ن" دريبـه
صح لسانك يابن وعيل وتسلم يمين كاتبها لك خالص الود أختك أمـيـرة نـجـد |
الله على كلمات القصيده http://www.alajman.ws/vb/uploaded/safgh.gif الحـر مـا ينـفـع بلـيـا مخالـيـب... والعقـل للـرجـال زيـنـه وهيـبـه صح لسانك يابن وعيل ولسان مشعل الدهيم |
صح السانك يابوعبدالله ولسان قايلها
لاهنت على الاختيار الرائع |
راكان
ابوحمد ابوحزام اميرة نجد يوران سمو الامير يعطيكم العافية على مروركم الطيب وتواصلكم الدائم . دمتم بخير ,,, |
لا هنت يا ابو عبد الله على القصيدة الرائعة صح لسانك يا السنافي
|
ارحب يالعنيد ولاهنت على حضورك الطيب .
|
| الوقت في المنتدى حسب توقيت جرينتش +3 الساعة الآن 10:17 PM . |
مجالس العجمان الرسمي