يا هجس دوّر علي العاقل وخل السفيه=سلام مني عليكم يا هل المملكه
نادوا لهداج يقبل لي ويرفع يديه=أخاف روحه يعرضّها علي التهلكه

عيب(ن)علي اللي كلام الصدق ما يحتميه=يا مرحبا والصبر والحلم لو تملكه
هداج للي ينادي كل حزّه يجيه=ماهوب علك(ن)ما بين أضروسك وتعلكه

قالوا تري اللي ما يعرف للصقر يشتويه=لكن درب الخطر يا ذيب لا تسلكه
أنا أعرفك يا عزيز النفس رايك وجيه=شوف الجدي كل ليله ما تعدي افلكه

ما كل واحد مع الصحراء يضيع ويتيه=اعرف شداد المطيه واعرف الميركه
ابيع في السوق يا البركان ما تشتريه=والصقر صيده سهل ادنات ما يشبكه