يا مرحبا ترحيب له شان ...عند الرجال أهل المكانه=أقولها والناس يوحون ...يا مرحبا ترحيب له شان


للشعر يا أهل الشعر ميدان ...والشاعر احصانه لسانه=ماهي بلحية وزن ولحون ... للشعر وأهل الشعر ميدان

دام البقا والطيب عنوان...وأنتم لكم فالعلم خانه=تدرون والأجواد يدرون...دام البقا والطيب عنوان
سج القدم قدام الأعيان...كلن على ماقيل شانه=والشعر فيه فنون وفنون...سج القدم قدام الأعيان

نبا نتمشى بين الأوطان...وانته ولد عندك ذهانه=يرضون وألا أنه مايرضون...أليا تمشينا بالأوطان
مانلتفت لفلان وفلان...بين الشجاعه والجبانه=الفرق مدري كم مليون...مانلتفت لفلان وفلان

يا أخوك أنا ماني بخسران...حافظ مواثيق الأمانه=الوضع لوه دون في دون...يا أخوك أنا ماني بخسران
ياطيرنا حركة الأغصان...بكره تميل الخيزرانه=والناس مدري وش يسون...ياطيرنا حركة الأغصان

أنا أشهد أنك رجل شقيان...وأخلفت في شروط الديانه=العمر عند الله مرهون...وأنته ياعايض رجل شقيان
اللي موصيني كحيلان... لكن خل عنك الليانه=بالهون يابن الناس بالهون...اللي موصيني كحيلان