|
بعض قصائد علي بن حمري (1)
هذه بعض قصائد الشاعر علي بن محمد بن حمري الحبابي القحطاني
(1) هذي قصيده يرد فيها على ياسر التويجري الذي قال قصيده اساء فيها لشعار الجنوب اربك يالهبوب تذكرينه بنا ولا ترانا ذاكرينه وهو في حاجة لادناة هبّه تهبّه لين تغشاه السكينه امانه علمي له يا هبايب عن امحبينه اللي فاقدينه انا والشعر ننشد عن علومه وثالثنا سهر عيني وعينه وراه ابطا؟ ولا جاء منه نابي علي ابطاه يا ثقله وشينه لعلك تسألينه عن غيابه وقولي به خدين اجفا خدينه؟ ورب البيت ما يومٍ نسيته ولو ينسى الولد من والدينه ونسياني اشد بعكس عرفي ولا تركب على اسمي منتسينه ولكن للغياب مبرراته على بند القضا والعذر دينه معلمني الزمان ان التجارب تعرضك الهزيله والسمينه كلاني الشيب حتى في رموشي تقول الرمش دين ومقتضينه ! ياسرعك يالليالي حسبي الله قطفتي من ثلاثي وردتينه لو انه يمدي اللي راح يرجع ما خلقت كلمة (مبيح كنينه) !! لابد الحاضرين ان قالها الله تعرف ان ذالاسد وان ذا عرينه وانا زودي ونقصي ذنب نفسي مافي بطني فضل لحدٍ بعينه وكسبي للمدايح؟من يميني لذا الرجال وزنه في يمنينه ماني تاجر لو ان ابوي تاجر انا طينه واهل الاموال طينه يجي يومٍ معي مالكنز غله ويومٍ لاني افقر من (أمينه) فلا قل الحلال يهد باسي ولاكثره يجيب الطمأنينه (تيامن) يا أوليد ولا (تياسر) ترى السوق الشيوخ متوجرينه وجنّب عن جبال ما تطاول ما فيها ياحليله يا عوينه اذا قلت الشعر فيكم كباره فحنا المجد كله كابرينه وانا ماذم في الليل جاب راسك ولا ربعك قرى ولا مدينه؟ لكنك قمت تاخذها تعنصر وقول العنصري دايم يدينه اكلّك طير وتّرك طير وافلح بحبك قبل مايعجن طحينه فلالك عندنا علبه وجربه ولالك ببعدينه وقربينه عدانا عقلها يسبق غضبنا زعلنا كنهم مستصعبينه !! وانت تسوق نفسك للمهالك مثل شخصٍ يدور من يهينه!! اذا تحاكا خبل يسمعه واعي (هذا معك الشعار مطبقينه) ارائك عكس واوضاعك تتعب وكلامك كل ابوه ,, (اشجار زينه) فلايذكر شجر زينه يضلل ولاعصفورة على غصينه تصوعك ذي والاخرى تروعك والاخرى غير ,, تفطنها الفطينه ولا اردى من كلامٍ ما ينفذ سوى متكلمه ومنفذينه ياعنك يالصمايل والشدايد (ياموتة عز) (ياعيشه هوينه) صدق راعي المثل يوم يتمثّل (ايضرب بوظهر على بطينه) واذا الساحه مرض فأنا دواها وانا لو بحر؟؟ ما ارضابك سفينه لو انك راس ما وطيت هامه ولا يسرى الولد تسبق يمينه ولو حتى رضينا في كلامك؟؟ ما تلقى من ورانا الا الغبينه اذا في ذكر ولا كثر؟ فزنا معك ياكل علمٍ كاسبينه واذا زودتها ننبش ملفك من اول بينه لاخر دفينه تبي ترضي (مره) وازعلت لابه رجال تخلي القاسي عجينه رست في ارض الجنوب اكبر سلاسل جـبال ماكنه وارضٍ مكينه فخلك عاد تعجز في نوابغ شعر وافعال وحبالٍ متينه لو انك يالجنوب اثقل عليهم من اللي كانهم متوقعينه وانا من رووس قوم ومن قبيله الاااد مظيم كلٍ ظايمينه تعود لنا القبايل والمسايل لنا الغصن الخضر والياسمينه انا اتحداك تلقى عبد فينا ولا حتى من الخفرات قينه ولا يذكر بقحطانٍ نزايع لنا جدٍ جميعاً ملتقينه ولا فينا دخوول ولا علايق (ولا موقع قدمنا مشترينه) نحب الموت لعيون الكرامه مثل حب الضنا شوفة ضنينه (2) هذي قصيدة في معمر القذافي بعد اكتشاف المؤامره المدبره منه لغتيال الملك عبدالله ( الله يطول بعمره) ولاغيرك اللي يفرج الضيق والكربي عليك يتعاين مجهد الحال وتعينه يا بعدك على عيني وانا منك يا قربي وسبحان من مفتاح الارزاق بيدينه فلاشكي من الحاجه ولانيب مغتربي ولا اشكي جفا من ياخذ الليل من عينه انا اشوف واسمع فعلة الرابي المربي موخر بني (عمه),,, مقدم (نساوينه) نوايا بحر ( سرت) و(طرابلسه الغربي) وتخطيط غلمانه,,, ودفعة ملاينه يفكر فكر جامي ,, ويفعل فعل صربي مسمينه اذنابه وحنا مسينه جحدنا معمر في مواقيف لوكربي بعد ما ومر ريغن بدرس تلقينه ركب طايرات الحرب طيارها الحربي وعزوه في بنته وزادو نياشينه هو ما درى ان الموت من فوق متدربي بدل موتته ربي كتب كسر قرنينه كسرنا الحظر حولك وجيناك يا (عرْبي) جميلة ولي العهد في ذمتك دينه وقفنا معك في شكل اخوّه وذي قربي اثاري ذوي قربك وخوتك تخمينه جزاته تبيه يموت يا صنعة الغربي عسى انت وحثالة شعبك فدا حذايينه هذا ابعد على شاربك يا اجرب بني جربي تحسبنّه موسى الصدر ولا شياعينه هذا اللي يساوي الف من ضربك وضربي ولاضاع لبن سعود حقٍ محقينه لو الحل في الرشاش والقاذف ( الأربي) فرضنا عليك الحل والموت في حينه واذا خان العروبه خاين الزاد والشربي فلاهي غربيه منه وحده وثنتينه |
معقد الشوش لا هنت على كتابة هالقصائد الطيبه للشاعر الفذ علي بن حمري
تحياتي |
تسلم يا محمد المحيرق ومن قال ما هان
|
الله لايهينك على هذا النقل وبيض الله وجه علي بن حمري فالقصيدتين هادفتين فالأولى رد دون ديرته وديرة قبيلته والثانيه رد دون حاكم بلاده وهو شاعر غني عن التعريف ويرى في المواقف الحاميه ومواقف الفزعه
|
صح لسانك يا السنافي ولسان ابن حمري لا هنت
|
بن سعيدان وابو حمد الشامري من قال ما هان وتسلمون على المرور
|
| الوقت في المنتدى حسب توقيت جرينتش +3 الساعة الآن 09:06 AM . |
مجالس العجمان الرسمي