مجالس العجمان الرسمي - قصيده للشاعر/ حسين بن عبدلله بن حويل ال سالم يام

يالله يالله يا معطــــي المطاليب
اغفر لي ذنوبي وتكتب لي ثوابــي
عيدت عند النظام اهل التراحيب
وملبسيــن بنادقــــهم حرابــــي
والعسكري كل يوم فيه تدريب
ويــودبـــونه الــي زل الحسابـــي
كنهم حرار يفرخ في المراقيب
والحر لـه مبدى نايفة الهضابي
ياراكب اللي تحط البعــد تقريب
تنقل معــا بندقي ماي وزهــابي
طول النسانيس من حشف العاقيب
مذعورة الروس خرعات الرقابي
ردو لها ياهل الهجن المشاعيب
كن زولها زول صيد في سرابي
قد ودي اروح من ديرة لجانيب
ز لـــــــــي عبيــده وديــار الحبابي
ممساك بدر وتلفى لك معازــيب
وممســاك ربـــــع بني عــــم قرابـي
واسلاحنا الشرف و امات العرقيب
تقـــرح ولا تاقــع أ لا في صوابي
تقرح على القايده والا على الذيب
والا على عقيد السرايا والركابي