(..على وين مدري لكن اقفو ولا ادري وين..)
سلام عليكم
قصيده من اجمل ما قرأت لهذا الشاعر
على راس رجم مابدا فيه كون اثنين =حـــرام على متريح البــال يرقابــــه بداه الفقير المومن اللي جفاه الدين=وسلـــم يديه لواحــد ماقفل بابـــه وسجد ركعتين وفاضت عيونه الثنتين=وطلب عفــو ربــه يوم لقياه وحسابه وبداه الجريح اللي فقد نعمة السالين=بعد ماتقــافــت سود الايام باحبابـه بدابه وهو مابين ياللــه وبين امــين=لعل الفرج في طلعة الرجم وارقابه وحول وهو مابين ونه ودمعة عــين=وضحك من صواديف الزمن وتقلابه لمح يوم شرف تالي ضعونهم مقفين=شهاتيك قطعان اريش العين وار كابه على وين مدري لكن اقفو ولا ادري وين=تناحــو وقفـــو عادلــي فيهــم اطلابـــه بغت كبدي من افراقهم تنقسم نصفين=وسمها الحزن و ظروف الايام غلابه وجودي على ساعة لقاء عاد حن حين=وجودي عليه وبري حالي من غيابه ياصعب المفارق بين الاحباب والغالين=خصوصٍ ليا صرت واحد من اسبابه افراق يجي من بعد عشر وثمان سنين=ولا فـــيـــه يـــوم يمـــرنا مالـــتقــيــنابـــه تمر السنين ويمضي من العمر ثلثين=وانا كل يوم يمر مــافكـــر الا بـــه اقول اسقني باموت ويقولي بعدين=يلين اقفت صدوف الليالي بمشرابه طوير الوصل كسر جناحه وطار بزين=وخدين المفارق جاك يومي بمشعابه غدت جيته حرم ٍ علي لين يوم الدين=وغدت شوفته لوهي على الطاير انهايه يقولون بعد القلب ماهوب بعد العين=وانا اقول بعد العين والقلب متشابه تراني نذيرك ياقتيل الهوا المسكين=نصيحة مجرب مره الحزن واقفابه دخيلك تجنب قولة عاد حن ممدين =الايام عجله والعمر مايضحابه الشاعر ... صالح بن مانعه |
رد: (..على وين مدري لكن اقفو ولا ادري وين..)
كلمات في صميم
لاهنت |
رد: (..على وين مدري لكن اقفو ولا ادري وين..)
مليحه
مشاركتك اسعدتني شكرا |
رد: (..على وين مدري لكن اقفو ولا ادري وين..)
صح الله لسان الشاعر صالح أل مانعه وسلمت أنامل الناقل وأهنيك على ذوقك وأختيارك الجميل |
رد: (..على وين مدري لكن اقفو ولا ادري وين..)
عزف
نورت الرصفحه :) |
رد: (..على وين مدري لكن اقفو ولا ادري وين..)
بغت كبدي من افراقهم تنقسـم نصفيـن
وسمها الحزن و ظروف الايام غلابـه وجودي على ساعة لقاء عاد حن حيـن وجودي عليه وبري حالي مـن غيابـه ^ اللـــه على ذوقك ياجـــراح ،،،، تسلم يمينـك تقـديـري،،، |
رد: (..على وين مدري لكن اقفو ولا ادري وين..)
حضريّه
حياك الله ونورتي الصفحه شكرا |
رد: (..على وين مدري لكن اقفو ولا ادري وين..)
يعطيكـ العـآإفيه ولآهنت على النقـل المميز والرائع وبنتظـآإر جديدكـ دمت لمن تحب http://www.htoof.com/vb/images/smilies/21.gif |
الوقت في المنتدى حسب توقيت جرينتش +3 الساعة الآن 06:00 PM . |
مجالس العجمان الرسمي