موقف وقصيدة ورئيس مركز مليجة الشيخ / راكان بن خالد بن حثلين
هــزيت غصن البيوت وجات منثره=على خـدود الورق ينثرهـن لساني وأنــا لك الله ما أكتب مـــدح بالمره=ألا لمــن يستحـق الطـيب وإنــساني جتني هجوس الضمير اليوم تتشره=تقول لا مـن دعـيت الطيب تلقاني ولـــولا فعـولٍ تهــز القلــب وتسره=للحاتمـي كــان مـا غـنيت بألحاني (راكان بن خالــــد) الله للعــرب دره=حاولت بأحصي فعوله بس ممداني خــيرٍ على الناس من بحـره إلى بره=بهمال مزنه يعيش القفر من داني خـيرٍ علــى الناجعي كـره ورى كره=وخــيرٍ علــى باقي العجمان هتاني وخيره تعدى حـدود الـدار وان مره=عابـر سبيـلٍ لقـا من كفــه احساني يـوم الكويت الصبح يفطر على شره=أجـزل عطــا كل محتـــاجٍ وجوعاني وفالخير يبـذل بصــاف المـال مـا صره=ما قال نبغـى التجاير ذرب الايماني كم عاجــزٍ جا لشخصــه يشتكي ضره=وقــال إتكـــل في أمــان الله وأماني واللي من الضيم لزم الجيب ثم طره=أضفــا عليــه بطرف بشتـه بليهاني وراح بوجــاهاتٍ ما تأتــي علــى غره=وحـرر رقــابٍ لهـــا البتـــار قوماني وكــمٍ مريـضٍ شكا للشيــخ من ضره=وعلى حســابه يحـسب الطب مجاني واسس وطـور على (مليجه) مـع بره=حتى دعــوا له جــزاه الله بالاحساني وطالب بخدمات تـأت الرجل وتسره=وسمى المصحـة على ذربيـن الايماني ولا هي غريبه من اللي ينعرف سره=سليل راس العرب ماهوب من داني قد قال عمـه عيـوب الهــرج من جره=ما قـل دل وتــرى للهـــرج نيشاني |
رد: موقف وقصيدة ورئيس مركز مليجة الشيخ / راكان بن خالد بن حثلين
http://www.alajman.ws/upctr/files/DSCF0459_resize_1.jpg الشيخ راكان بن خالد بن حثلين شيخ المجد والكرم الشيخ راكان بن خالد بن حثلين مهما قلنا في هذا الصرح والرمز من رموز القبيلة فلا نستطيع ان نوفيه حقه من ابرز شيوخ قبيلة العجمان في القرن الحادي والعشرين يعرفه الصغير قبل الكبير ومحبته عند صبيان يام من نجران حتى الكويت فلا غرابه في ذلك فهو سليسل بيت مشيخة القبيلة ال حثلين ابو محمد راعي الطايلات. لا هنت اخي العزيز mohmmedot وبيض الله وجهك يا السنافي على القصيدة الرائعة. والشيخ راكان بن خالد لو كُتبت فيه معلقات العرب لم تدرك سجاياه الكرام. |
رد: موقف وقصيدة ورئيس مركز مليجة الشيخ / راكان بن خالد بن حثلين
يستحق الشيخ راكان المدح والثناء وقليله في حقه ايضا ...
لاهنت اخي mohmmedot على نقل هذه القصيده ... |
رد: موقف وقصيدة ورئيس مركز مليجة الشيخ / راكان بن خالد بن حثلين
بيض الله وجهك يا الغالي على القصيدة والشيخ راكان بن خالد يستاهل المدح والناموس اشهر من نار على علم
|
رد: موقف وقصيدة ورئيس مركز مليجة الشيخ / راكان بن خالد بن حثلين
مرحبا ومسهلا والله يحيك
وصح الله لسانك ولاهنت مليار ومصافحة اولى جزلة وونعم المادح والممدوح . . . وراكان خالد بن سحمان يستاهل وله طلاقة الوجه وتقبل سلامي واشواقي |
رد: موقف وقصيدة ورئيس مركز مليجة الشيخ / راكان بن خالد بن حثلين
mohmmedot صح لسانك لاهنت على القصيده ابيات جزال موجهه لشيخ هو اهل للمدح ننتظر جديدك تقبل تحياتي |
رد: موقف وقصيدة ورئيس مركز مليجة الشيخ / راكان بن خالد بن حثلين
الأخوان:
عايض آل مطلق سعود الخويطري محمد الهتلاني مهره النسيان ابو حمد الشامري أشكر لكم كريم مشاعركم وعباراتكم الجزلة والتي سيظل لها وقع خاص في نفسي، وأحب أن أؤكد لمن قال تشكر على النقل بأنني لا أنقل ما يقول الآخرين وما أنشره هو من بنات أفكاري ونظم مشاعري، ولا أمدح إلا من يستحق المدح ولو لم أكن أعرفه، من منطلق أن من أحسن عملا يجب أن يقال له أحسنت ونحن في زمن يقتضي أن نشيد بأهل الطيب والنخوة والكريم حيث قل أن تجد مثل هؤلاء في وقت يقول فيه الناس (أنا ومن بعدي الطوفان) فتقبلوا خالص الود والتحية. |
رد: موقف وقصيدة ورئيس مركز مليجة الشيخ / راكان بن خالد بن حثلين
هزيت غصن البيوت وجات منثـره
على خدود الورق ينثرهن لسانـي انشهد انه كفو رحمه الله ... لاهنت اخوي على مانقلت.... |
رد: موقف وقصيدة ورئيس مركز مليجة الشيخ / راكان بن خالد بن حثلين
الأخ / الخديدي
الرجل لا زال حي ولله الحمد والمنه، والقصيدة مقيولة وليست منقوله، اشكر لك مرورك ومشاعرك |
رد: موقف وقصيدة ورئيس مركز مليجة الشيخ / راكان بن خالد بن حثلين
السموحه منا
صح الله لسانك مليون |
الوقت في المنتدى حسب توقيت جرينتش +3 الساعة الآن 04:51 AM . |
مجالس العجمان الرسمي