مرثية سعود بن مهدي
السلام عليكم ورحمة الله وبركاته
______
مرت علي شهور بغيابك ولامرت بخير = ومشاعري ماحركت ساكن .. رغم طول سهدي عز الله ان ( فرقاك واقع ) وان ( واقعها مرير ) = ماهي بلحية ( ازمه تعدي ) ولا ( بساط احمدي ) وقع الوداع أقسى على الرجال .. من وقع الشطير = وانا رجل .. عندي رباطة جاش مع قلب اجودي تصدق ! اني كنت في غيبوبة الجرح الكبير = في مرحلة .. لاوعي ! لا ادراك ! ماني مهتدي اقوى عهود الود .. مابين الفرزدق مع جرير = واضعف عهود الود .. مابيني ومابين اوعدي دامي غني من عز نفسي .. ودامني لله فقير = لو الزمان يخصني بالظيم ؟ ماقل جهدي قالو لي : جدك مات لـه مده ولـك مده كسير = لكن ؟ نشوفك مارثيته ؟ .. وانت ! بأشعارك مدي قصايدك !! .. يا اما غزل في بنت ! ولا مدح امير ! = يالشاعر اللي لا انته مخضرم .. ولا انت بمبتدي قلت : ان رثيته خايف استوعب فراقه واستنير = لني اعرف اني بعيف العمر دونه وآغدي أثـر ( السكاكين كثرت ) من عقب ( ماطاح البعير ) = وآنا اتهرب ( مـنـه _ لـه ) .. واساير الجزن لغدي هذاااك !! .. كان بأحترام الخلق بخصاله جدير = هذاااك !! .. لو الطيب غيمه ماطره ؟ كان بردي هذاااك !! .. كان اللي يقوم الليل بالثلث الأخير = هذاااك !! .. كان اللي ليا شفته تباشرت سعدي هذاااك !! .. كانت ضحكته , تعني لي الشي الكثير = هذاااك !! .. كان يضمني بيديه وآنا بمهدي كنت اتهرب من صدى ذكراه .. بأوهام الغرير = ماودي اشعر في الم فرقاه .. وآعيش وحدي غسلته بدمعي ويدي ترجف من (( اللقا الأخير )) = وصليت للمولى عليه .. وموقفي هز جسدي احس مـاهو ميت !! لو نعشه مع الجمع الغفير ! = واشوف نفسي فيه !! .. يومني دفنته في يدي حتى وانا بيوم العزا ؟ ظليت في صمتي أسير = والعالم تعزي وانا ؟ ماني لصوابي مهتدي اجامل اللي جا يوسع خاطري .. ببسمة صغير = وليا ضحكت ؟ اهوجس بضيقه .. وأحس اني ردي ! ليت السما فيها مقابر .. والغيوم بها غدير = والد عيني للسما .. واشوف قبره بالجدي بكيت .. لكن ؟ ماقدرت أبكيك .. بالدمع الغزير = رثيت .. لكن ؟ ماقدرت أرثيك .. يا سعود مهدي |
رد: مرثية سعود بن مهدي
الله الله
عليك ياسعود صح الله لسانك طال عمرك والله يعظم أجركم وعسى الله يسكنه فسيح جناته تقبل مروري المتواضع في صفحتك العظيمه تقبل تحياتي |
رد: مرثية سعود بن مهدي
والله اني تروعت يابوعبدالله ..
والله اني اقراها وإيدي ع قلبي . :) والله ان المشاريه توصلك يابوعبدالله . لي شهر كامل اتصل فيك . وتوني قريت عنوان القصيده . تروعت والله يرحم جدك وجعل عمرك طويل .. صح الله لسانك ولاهنت . مغليك . :) سلام |
رد: مرثية سعود بن مهدي
صح لسانك ياسعود
والله يرحمه ويسكنه الجنه تقبل مروري وتقديري |
رد: مرثية سعود بن مهدي
مرثية رائعة صح لسانك يا سعود بن مهدي والله يرحمه ويسكنه الجنه
|
رد: مرثية سعود بن مهدي
صح الله لسانك
والله يرحمه ويسكنه الجنه وووجهك ابيض يالمبدع اخووووووووكـ |
رد: مرثية سعود بن مهدي
صح ألســـانك يا سعود
وعسا الله يرحمه ويسكنة الجنه واموات المسلمين ,, تقبل مروري ,,, |
رد: مرثية سعود بن مهدي
الله يرحم الميت و يسكنه الجنة .. و يجبر عزاكم .. صح لسانك يا سعود .. على القصيدة الرائعة دمت مبدع.. أخيك.. |
رد: مرثية سعود بن مهدي
ارحب يابن مجول
جزاك الله خير ولاهنت على المرور |
رد: مرثية سعود بن مهدي
سعود مهدي شاعر مبدع
وما جيت اعقب على النص انا داخل ابي اقول الله يعضم اجرك يا سعود واحسن الله عزاك والله يرحمه ويسكنه الجنه |
الوقت في المنتدى حسب توقيت جرينتش +3 الساعة الآن 01:50 AM . |
مجالس العجمان الرسمي