منعطف الأحلام
السلام عليكم ورحمة الله وبركاته :-
أٍسعد الله مساءكم بكل خير ومسره
صحيح التسامح والعفو عادة الأكرام=لكنه معك ما فاد في ذمتي ذمه انا اللي سببك اوردت كل الركاب حيام=عزاي احسبنها ترتوي صافي الجمه حسافاه يا عمر مضى وش بقى قدام=سوى اني اندبه وارثيه وامدحه وآذمه مضى لي بحبك يالمسمى ثمان اعوام=ولا زلت تسمع بي هل الغش والنمه فلا شك من مثلي ليا صد ما ينلام=ياكم قد صبر قلبه وكم استحى دمه يوم ان كنت من خلف الهقاوي مهو قدام=كنت اغليك واشوفك عن الناس في القمه وهالحين قلبي عن مجاميع عطفك شام=مابي نظرة في دمعة الحزن ملتمه وانا لو تحقق مطلبي والحظوظ اقسام=ماكان اشتكي من حاجة تكسر الهمّه على منعطف الاحلام يا مكثر الاوهام=متى عقب تشتيت الأمـل بارجع آلمّه على شان بحر الياس ما يرضي الأحلام=ابا ابكي على سيفه وبارتاح من همه متى نصرة المظلوم بتعاقب الظلام=ابا ارفع يدي من عقب وجهة لليمه عسى الله قبل الحظ يحكم به الاعدام=تنجي دخيلك يالله وتعتق الذمّه 1bh1 وسلامـــتـــكـــم 1bh1 |
رد: منعطف الأحلام
صحيح التسامح والعفو عـادة الأكـرام = لكنه معك مـا فـاد فـي ذمتـي ذمـه
انا اللي سببك اوردت كل الركاب حيـام = عزاي احسبنها ترتوي صافـي الجمـه حسافاه يا عمر مضى وش بقـى قـدام = سوى اني اندبه وارثيه وامدحه وآذمـه . . متى نصرة المظلـوم بتعاقـب الظـلام = ابا ارفع يدي من عقب وجهـة لليمـه عسى الله قبل الحظ يحكم بـه الاعـدام = تنجـي دخيلـك يالله وتعتـق الـذمّـه .. . الله الله الله صح الله لسانك يـ محمد المحيريق قصيده رائعه من شاعر رائع ومرحبابك بعد طول غياب وتقبل سلامي واشواقي |
رد: منعطف الأحلام
الأخ / محمدالمحيريق
حياك الله واسعدتنا بتواجدك وانت تحمل قصيدة رائعة صح لسانك |
رد: منعطف الأحلام
صــــح لســانك اخـــــوي محمد وبيــــــض الله وجهــــك
لاهـــــــنت |
رد: منعطف الأحلام
صح الله لسانك
والله لايشينك يالمبدع وجزززله من جززل اخوكـــــ |
رد: منعطف الأحلام
صح الله السانك يا محمد
وصحيح من صد ما ينلام ابدعت وجزل ووافي في انتظار جديدك |
رد: منعطف الأحلام
سعود الخويطري تبقى وتحيى , اخي الكريم الأروع في ذلك هو مرورك لا هنت على المرور المعطّر
|
رد: منعطف الأحلام
صح لسانك أخوي و تقبل مروري دمت بود ...
|
رد: منعطف الأحلام
صح ألسانك يامحمد وتقبل مروري
|
الوقت في المنتدى حسب توقيت جرينتش +3 الساعة الآن 04:35 PM . |
مجالس العجمان الرسمي