بديت باسم اللي هدى الخلق للدين = الواحد المعبود منشي الخيالي
ومن اللعب جايز صارلي عدة سنين=واليوم أنا بألعب على ما طرالي
بأقول قيل وازنه بالموازين = قيل صحيح مثل نقد الريالي
ولنا الفخر لاقيل عنا نجارين= نجران قاع وساكنينه رجالي
أهله هل الطولات في العسر واللين= أهل رجاجيل تشيل الثقالي
وحنا آل مفلح بالمراجل وفيين =أفعالنا تشهد لنا بالكمالي
وحنا السلوم مطوعين الشياطين= لجا نهارا فيه شدالحبالي
وحنا مواجد سقم عين المعادين= حريبنا ندعسه دعس النعالي
وحنا عريبين الجدود الأصيلين =مذكر مروية القنا والسلالي
وحنا من الماضي على الطيب ضارين = وحنا هل الطولات أول وتالي
وللمرمرين وللحلو حلوين = ولا جاتنا من ضدنا ما نبالي
ولين للين وللعي عيين = وقصيرنا منزاله براس عالي
وللعسر عسرين وللسهل سهلين= وياعسرنا للي براسه هبالي
وللي يريد ينال منا صعيبين = صعبين للي يريد منا ينالي
ولحقوقنا والله ترانا معيين = ولا سهجت الحلة ولا أخذ الحلالي
ونفعل فعولا تفرح اللي صديقين= وتغيض من كبده عليها ملالي
ويشهد لنا فعل الرجال القديمين= وفي قيل ابن حوشان أكبر مثالي
ولا همنا الثرثار وسط الدواوين = ولا همنا نقال قيل وقالي
أفعالنا تشهد لنا في الميادين = يوم ان مطعم مربض للثعالي
وعيب على اللي ينظر الليل بالعين= ليلة البيات ومربضه في الصلالي
وتمت بذكر اللي له الخلق راجين=أبذكر الله في نهاية مقالي