اسرج الفكره
السلام عليكم
ومساكم الله بالخير هذا جديد وارجو ان ينال اعجابكم
الشجره اللي منابتها على الساقي = تثمر وناكل ثمرها والله الواقي وفروعها واجده وظلالها بارد = واستثمر ظلالها واسجد لخلاّقي واليوم نسجد على الرمضا وتحرقنا = من بعد فصل الخريف وحذف الاوراقي ومن يوم سافر مطوعنا وجاء غيره = صلى بنا ركعه وهوّن عن الباقي يالليل ماللعرب والمجتمع منّه = الصايحه ماجده والميّت عراقي وانا اتحدّى ظلامك واقطع الفرجه = لعيون من شوقها يطغي على اشواقي واسج بعض الليالي واسرج الفكره = واعنّها لين تعسف قبل الاشراقي واختار بحرِ يناسبها ويصلح لي = واحاول ابعد عن افكار التفراقي لو إن فيني جروح وعلتي عله = من جادلِ اقرب لعيني من احداقي اللي من أول يراعيني وأنا احبّه = ماخذ نظر عيني وللقلب سرّاقي واليوم اداوي جروحي واذكر ايامه = وابني بيوت الشِعر واغيّر ارواقي شاعر وأمثّل بني عمي واجملها = واصولنا واصله والمجتمع راقي وقصيدتي لا اكتمل معناي وش كنها؟ = مفروده وفي عيون العالم إتلاقي واليا اسمعوها بني عمّي واجازوها = كنها خذت الاوله في كل الاذواقي مارحت ادوّر مجلة شعر تنشرها = وماراح عمري وانا واقف على ساقي واليا زرعت القصيد اسقيه بالمعنى = الشعر نخله وينضج تمره الساقي ومن لا يعرف القصيد وعاقب العالم = يرتاح والشعر ماهو باب الارزاقي |
رد: اسرج الفكره
واليا اسمعوها بني عمّـي واجازوهـا
كنها خذت الاوله فـي كـل الاذواقـي جزله لا عدمناك والله ولا فيها قصور صح الله السانك ولالالاهنت |
رد: اسرج الفكره
شبيب ابن شبنان
صح السانك يا السنافي ولاهنت على هالجزله. |
رد: اسرج الفكره
وقصيدتي لا اكتمل معناي وش كنهـا؟
.................................مفروده وفي عيـون العالـم إتلاقـي واليا اسمعوها بني عمّـي واجازوهـا .................................كنها خذت الاوله فـي كـل الاذواقـي اللا خذت الاوله ... قصيده راقيه ومعناها قوي .. لاهنت على القصيده الرائعه ,,, تقبل مني ازكى تحيه .. |
رد: اسرج الفكره
الاخ الشاعر
شبيب بن شبنان صح الله لسانك ولا هنت على هذا الابداع وننتظر المزيد تحياتي لك |
رد: اسرج الفكره
صح السانك ياشبيب
قصيد جزل من راس جزل تحياتي |
رد: اسرج الفكره
قصيدة جزلة من راس جزل صح لسانك يا الغالي
|
رد: اسرج الفكره
قصيدة رائعة صح لسانك يا الشاعر المبدع شبيب بن شبنان
|
رد: اسرج الفكره
صح لسانك
|
رد: اسرج الفكره
واليوم نسجد على الرمضـا وتحرقنـا = من بعد فصل الخريف وحذف الاوراقي
ومن يوم سافر مطوعنا وجـاء غيـره = صلى بنا ركعه وهـوّن عـن الباقـي يالليـل ماللعـرب والمجتمـع مـنّـه = الصايحـه ماجـده والميّـت عراقـي الله الله الله صح الله لسانك ياشبيب بن شبنان ومبدع ولله درك وعزالله أن قصيدك تعدى مرحلة أجازة الجمهور وتقبل سلامي واشواقي |
الوقت في المنتدى حسب توقيت جرينتش +3 الساعة الآن 12:27 AM . |
مجالس العجمان الرسمي