((راحـــــة..فــــــلانــــه))..!!
توقعت الــبـــكى: دمع ٍ يغطي عورته منــــــديل = وأثاري لمسة المنديل تنقص من علو شانه
تأملت المسار اللي بدت فيه الدموع تــــسيـــل =إلين إن زلزلت حصن الجفن من ركل بيبانه دريت إن الحزن قام يتنكر في عباة اللـــــــــيل = على هيئة عجوز ٍ من بنات الفكر .. غيرانـــه تريد من الحشى : بيت المواجع والقهر والويل= ولاتملك سوى ترديد جملة (( راحت فلانة )) وأنا ماكان لي حيلة ولا لي بالخفى تـــــــأويل = مغير اغير الموضوع وأستفسر عن إمــــكانه تقول إن الغرض ترتيب حفل ٍ صاخب ٍ بالحيل = على ذكرى وفاة القلب فجأة في يد إنــسانـــة أنا ادري يالعجوز إن الجنازة إطلبت تأجـــيـل = عـساها تلتقي خطوات بنت ٍ جِــد شــفــقانــه لقتني عاشق ٍ كان إيتمنى للـــحشــى قــنـديــل = وراحت ... خلفت طفل ٍ يصارع ظلمة أحزانه تسمت قسوة الهجران فيها (( معتقل تكبيل )) = تجور ولا نطق عرق ٍ بجسمي قصة لسانـــــه تقول إن السهم بالمسرحية لاطعن .... تمثيـل = وهي تمسح بلاط الصدر من قطرات دمــــــــانه الا يابنت وش جابك على درب الخطا والميل = اكيد إن العجوز اللي (( بنتني )) أهدتـــك خانه اجل وش جاب منديل الطهارة ساعة التنكيل = لرجل ٍ ماعرف معنى السعادة وسط خلانـــــه يحسب إن البكى : دمـع ٍ يغطي عورته منديل = وأثاريه السكون اللي يردد (( راحت فلانــــة )) لشـــــاعر: عبدالله البكر..!!دمتم..لله اقرب..!! اخوك..جلوي..!! 1bh1 |
رد: ((راحـــــة..فــــــلانــــه))..!!
الأخ / جلوي بن محمد بن جلوي
مرحبآ بك على مائدة الشعر وشكرآ لانتقائك الموفق وصح لسان شاعرها رعاك الله |
رد: ((راحـــــة..فــــــلانــــه))..!!
صح السانك ولاهنت أخي جلوي قصيده ررائعه من شاعر مميز ومبدع
|
رد: ((راحـــــة..فــــــلانــــه))..!!
اخـــوووي جلوي ..
اهنيـــك على اختياركـ المميــز.. وصح لسانــك ولســان شاعرها .. تقبل مني كل الاحترام والتقدير ..:) |
رد: ((راحـــــة..فــــــلانــــه))..!!
توقعت البكى: دمع ٍ يغطـي عورتـه منديـل=وأثاري لمسة المنديل تنقص من علـو شانـه
الله الله الله .. شموخ حتى فالخفا .. المبدع والكاتب ... يتضح لنا ان له ذائقه رائعه .. تمتعت بقرائتها فلك كل الشكر والتحيه .. |
رد: ((راحـــــة..فــــــلانــــه))..!!
صـــــــح لـــــــسان شـــــــــاعرهـــــا ونــــــاقلهاااااااا
لاهنت اخوي جلوي وبيض الله وجهـــك على ذا القصيدة المميزه |
رد: ((راحـــــة..فــــــلانــــه))..!!
الا يابنت وش جابك على درب الخطا والميل = اكيد إن العجوز اللي (( بنتني )) أهدتـــك خانه
اجل وش جاب منديل الطهارة ساعة التنكيل = لرجل ٍماعرف معنى السعادة وسط خلانـــــه يحسب إن البكى : دمـع ٍيغطي عورته منديل = وأثاريه السكون اللي يردد (( راحت فلانــــة )) : : أخي الغالي والقدير جلوي محمد بن جلوي : الله . . . إنتقاء جميل . . . صح لسان الشاعر عبدالله البكر : لا هنت لذوقك الراقي و لهذا الإنتقاء الرائع و الممتع : لك أطيب التحيا وأرقها : :a28: |
رد: ((راحـــــة..فــــــلانــــه))..!!
تقول إن السهم بالمسرحية لاطعن .... تمثيـل = وهي تمسح بلاط الصدر من قطرات دمـــّـــــانه
اررررحب يا جلوووي ,, صح لسااانك و لسااان البكر ,, سجـّل إعجابي بذائقتك ,,:) تقبل مروري ,, |
رد: ((راحـــــة..فــــــلانــــه))..!!
الله الله
صح الله لسانك ولسان الشاعر ... والله يعطيك العافية على نقلك الجميل وذائقتك الرائعه وفي انتظار جديدك |
رد: ((راحـــــة..فــــــلانــــه))..!!
توقعت البكى: دمع ٍ يغطـي عورتـه منديـل
الله الله الله المطلع بحد ذاته / عن قصائد !! الشاعر / عبدالله البكر من اروع الشعار اصحاب الفكر صح السانه وتسلم اناملك يا جلوي !! تحياتي لك :) |
الوقت في المنتدى حسب توقيت جرينتش +3 الساعة الآن 06:02 PM . |
مجالس العجمان الرسمي