صب شاهي يا غمر...
صبــاحكم / مســاكم سكر ..<--- مع الشاي
مالكم بالطويله .. اخليكم مع الشـاهي •المشهد الأول• رئيس دولة + رئيس دولة الأول : وش أخبار دولتك ..؟ الثاني: الأمور فيها تمام بس مشكلة هالحدود مأرقتني شوي وما تخليني أنام ! الأول: أنتم لسه ماحليتوها ..؟! الثاني: يا خوي أنا احصلها من الحدود أو الشعب أو .. أو .. أقول: صب شاهي بس !! •المشهد الثاني• وزير +وزير الأول: وش أخبار وزارتك ..؟! الثاني: الأمور فيها تمام بس العجز المالي شوي مأرقني وما يخليني أنام ! الأول: للحين ماعرفتوا الخلل ..؟! الثاني: أنا احصلها من العجز أو الإختلاسات أو .. أو .. أقول: صب شاهي بس !! •المشهد الثالث• مدير + مدير الأول: وش اخبار إدارتك ..؟! الثاني: الأمور فيها تمام بس تسيّب الموظفين شوي مأرقني وما يخليني أنام الأول: للحين ما عالجت الوضع ..؟!! الثاني: أنا أحصلها من الموظفين أو رؤساء الأقسام أو .. أو أقول: صب شاهي بس !! •المشهد الرابع• موظف + موظف الأول: وش أخبار شغلك ..؟ الثاني: الأمور فيه تمام بس موضوع الإجازة شوي مأرقني وما يخليني أنام الأول: للحين ما وافقوا لك عليها الثاني: أنا احصلها من الأدارة أو المراجعين أو .. أو أقول: صب شاهي بس !! •المشهد الخامس• مواطن + مواطن الأول: وش أخبارك اليوم ..؟ الثاني: الأمور تمام بس مشكلة الشغالة شوي مأرقني وما يخليني أنام الأول: للحين ماجتك التأشيره ..؟ الثاني: أنا أحصلها من من مكتب العمل أو الإستقدام أو .. أو أقول: صب شاهي بس !! •المشهد السادس• زوجة + زوجة الأولى: وش أخبار عيالك ..؟ الثانيه: الأمور تمام بس هالولد اللي ما توظف شوي مأرقني وما خلاني أنام الأولى: للحين ما حصل وظيفه؟؟ الثانيه: انا احصلها من وظيفة الولد أو خطبة البنت أو .. أو أقول: صبي شاهي بس !! •المشهد السابع• عامل + عامل الأول: كيف كفيل مال أنتا ..؟ الثاني: كويس بس هذا مشكل راتب يسوي تفكير ومافي نوم الأول: ليش هو ما يعطي راتب ..؟ الثاني: انا مشكل كفيل أو مشكل بيت مال أنا أو .. أو صديق: جيب شاهي !! •المشهد قبل الأخير• غريب الوطن + ( .. ) ( .. ): هــا بشرني كيف النوم معك ..؟! غريب الوطن: والله النوم زفت ولله الحمد ! كل يوم احس فيني النوم أقوم أنام بس ما أنام ! ( .. ): لا تفكر كثير أنت تحب غريب الوطن: أنا أحصلها منك أو من الطلبات أو من الدوام اللي باقي له اسبوع أو .. أو أقول: صبي شاهي بس !! •المشهد الأخير• كل الناس بكل فئاتها ومكاناتها الأجتماعية تعاني من هموم تؤرقها وكل واحد همومه على حجمه وكلن ( يصب شاهي على قد البيالة ) !! ولا تعالوا عندي اصب لكم شـــااااهي D: |
رد: صب شاهي يا غمر...
وعلىى مآ قآلت آحلآم
تفضل وآشرب آلشآهي بيآلة شآهي عآلمآشي وكلن يشرب آلشآهي ووصب آلشآهي يآ ولد ... وآنآ آبي شآهي وحليب :) يسلموووووووووووووووووو علىى آلمووضووع |
رد: صب شاهي يا غمر...
يامي
انا لاقيها منك ولا من الاعضاء ولا من الاداره قم صب شاهي بس :) |
رد: صب شاهي يا غمر...
ابشر والله بسعدك بس انت تعال وسير علينا وابشر بالشاهي و بنتخاشر المكرمه;)
وبغير مجرى الاغنيه....يكون احلى ياصبابين الشاي زيدو حلاته ملا يعرف الكيف شنهي حياته.:) |
رد: صب شاهي يا غمر...
اخاف تعطيني شاهي مع ثلج ؟ يوجع حلوقنا في ذالشتاء :)
ولا أوصيك رح لـ لاس فيقس حلل المكرمه :p |
رد: صب شاهي يا غمر...
اقتباس:
ايش دراك ان قد ذا شرابنا.....>>>>>>هون من الشاهيD: قدني مبيت النيه عليها في الكرسمسa25 |
الوقت في المنتدى حسب توقيت جرينتش +3 الساعة الآن 10:49 PM . |
مجالس العجمان الرسمي