ماادخل بدرب الا ولي منه مخـراج
مديت لك يمناي يوم انـت محتـاج=وثنّيتها يوم انت في غاية الضيـق ومشيت لك بإخلاص مع كل منهاج =وسعيت لك في كل مافيـه توفيـق مااغضيت عنك وفيك ماكنت هـراج =طبعي ومن طبع الرجال المطاليـق ويوم انها صارت سهالات وافـراج=وتفتحـت قدمـك دروبٍ مغالـيـق مريتني كنه علـى راسـك التـاج =مـن الكبـر ماتلتفـت فالمخاليـق لو ان في وجهك حيا جابك احـراج =ولو فيك شيمه مانسيت المواثيـق والا فأنا مااندم علـى فلـة حجـاج=عاداتنا نفزع اليـا انلاثـت الريـق لو دم جوفي للخوي طـب وعـلاج =غدا لدمـي مـن عروقـي تدافيـق رداك هـذا مايسبـب لـي ازعـاج=مادامني مااخطيت لاازعل ولااضيق دنياك غرت مثلك افـواج وافـواج=تهافتـوا ورى المصالـح مشافيـق ياما بنوا فيهـا عمـارات وابـراج=وشاخوا على ناسٍ وراهم مطافيـق ويوم اعتلوا تخلخل الوضع ثم ماج =وهوت بهم من عاليات الشواهيـق شف وينهم ماكن منهـم حـدٍ داج=ومصيرهم مااظـن يحتـاج تعليـق دنياك غبٍ تصطفق فيـه الأمـواج =ماتنومن لو جـا ثمرهـا مدانيـق والعلم ماينفـع سفيـهٍ اليـا بـاج=لينـه يواجـه مايفـج المعالـيـق والهم لاجاله على الـروح ميـلاج =يلوفهـا لـوف الهـوى للزماليـق والسيل مايخلف مسيلـه ولـو راج=لازم يجيله مـع مسيلـه تصافيـق اقولها يوم الحشـا هـاج واهتـاج=وان هاج هاجت من مهيجه طواريق ماادخل بدرب الا ولي منه مخـراج=ولااستصعبت فتحت لي به مناتيـق والله جعل للناس خليـان وافجـاج=وانـا غرامـي خاليـات الفناتيـق مع خوّت اللي لاقفـل كـل مـزلاج=وقفاتهم يصحى بها العقـل ويفيـق لاذعذع النسناس من عقب وهـاج =وبرقه غداله في مزونـه تشاعيـق وكثرت علوم السيل مـع كـل دواج =وذكرت خباريها بهـاك المصافيـق عقب الشهر ماينفع العيـن همـلاج=لين انها ترقا المشاريـف وتويـق على فياضٍ تنعش الـروح بإبهـاج =يصحى بها الحاير ويسلا بها الضيق ريحة زهر عشبه مع الروض لافاج=يسوى عطر شقر البنات الغرانيـق وقلط صفراً قبـل لاالنـور ينبـاج=على هشيـمٍ فيـه نـاره تساريـق ينعشك ريحة غالي الهيـل لاهـاج=وفنجالها يقعد خوى الراس لاذيـق ومعنا اشقرٍ لاخيّش الخرب مـالاج =يكسر عليه مع الهوى عقب تحليق واليا انخرط كنه من الجـو ميـراج =يودع ثنادي الخرب عقبـه تفاريـق هاذي هي السجه ولا غيرها احتـاج=ومتى نبشـر بالمطـر والتوافيـق للشــــــــــــاعر / سعود الردعان الهاجري آمل ان تنال اعجابكم |
رد: ماادخل بدرب الا ولي منه مخـراج
.. السلام عليكم ورحمة الله وبركاته .. { شُـكـرتي لـروعـهـ الاختيار لا حُرمنا روعهـ جديدكـِ الراقي .. دمـتي بهـذا التميـز ~ |
رد: ماادخل بدرب الا ولي منه مخـراج
عزوتي دوسريه
تسلمين على الاختيار بالقصيدة الجميلة وصح لسان شاعرها. |
رد: ماادخل بدرب الا ولي منه مخـراج
الله الله
صح السان / سعود الردعان الهاجري نص رائع وجزل ولاهنتي على الاختيار المميز |
رد: ماادخل بدرب الا ولي منه مخـراج
عزوتي دوسريه
تسلمين يالغلا ع النقل .. صح لساان شاعرها ولسانك يالغلا لاهنتي ~ |
رد: ماادخل بدرب الا ولي منه مخـراج
لاهنتي ياعزوتي دوسريه على نقل القصيده الجزله وصح الله لسان شاعرها ويعطيك الف عااااافيه
|
رد: ماادخل بدرب الا ولي منه مخـراج
لا هنتي وبيض الله وجهش على الذوووق الرفيع ولا خلا ولا عدم من جديدش
وصح لسان شاعرها |
رد: ماادخل بدرب الا ولي منه مخـراج
لاهنت وننتظر الجديد
|
رد: ماادخل بدرب الا ولي منه مخـراج
اقتباس:
|
رد: ماادخل بدرب الا ولي منه مخـراج
اقتباس:
|
الوقت في المنتدى حسب توقيت جرينتش +3 الساعة الآن 01:58 AM . |
مجالس العجمان الرسمي