ياهجوس ٍ تجول بفكر شاعر من وزت به عذابه وازي = كل ما جا توالي الليل تسري به كما الحنشل الهجاده بين حدب الحنايا في خفوقه مثل عسكر عطوها عازي = او حسام المهند كن حده بين الانجاف قص فواده يامي الاصل والمنشا جنوبي لا تهامي ولا بحجازي = يعربي ٍ اصيل وابن اصل والساس من ساس سيّد ساده وماحصل يوم عمره شاف نفسه ومن وفى له وفى منحازي = ولى تدخل بشي ٍ مايخصه والحكي بالقفا ماعتاده والوفاء عادته من خلقته والعز والطيب له معتازي = عزة النفس تاجه والصراحه له هوى دايم ٍ وقياده ويكره اللي ينافق بالوجيه ويوم تقفي يجي لمازي = ومن يحط الردى له طبع لاجل الرفق والصديق وساده ياسند كب من يغنيه شوره مااستشارك ولك مااعتازي = وشاور اللي يشيرك وقت رايه وابلغك ويش قصد مراده ومن نسى حضرتك ويش حضرته واللي تكبر ترى ما فازي = والكبر ياسند يابوك يصبح صاحبه للهلاك مهاده وختمها عد من صلا وسلم ياسلامي على من فازي = خاتم الرسل سيدنا محمد خير من الله خلقه وراده

مجالس العجمان الرسمي