قصيدة من الشاعر سليمان بن مسفربن بلال في محمد بن عبد الله السهلي
هذه قصيدة قالها الشاعر/ سليمان بن مسفر بن بلال اليامي في محمد بن عبد الله الشنيفي السهلي وحبيت أنقلها لكم في هذا المنتدى المشرف:
سلامي ماهما وبل الحيا وخضر يباس القـاع=رعوده و البروق تشوق عين اللـي يخيلهـا سلام اتنصا بـه راع الجـوده طويـل البـاع=ابو عبـدالله اللـي يكسـب العليـا ويفعلهـا نديم صحبته طول الدهـر تشـرى ولا تنبـاع=صديق سمعتـه ربعـه وصدقانـه تجملهـا حصيل اللا به اللي صيتهم بين القبايل شـاع=سهـول يشهـد التاريـخ لتلاهـا ولولـهـا زحازيح الرجال أهل الظفر والعرف والمفزاع=إلـى هالحيـن فزعتهـم لصيلـة ماننزلهـا دعوهم يام لمقابـل زعيـم طايـش ماطـاع=حكم حكـمٍ عـوج وغوايتـه عيـا يعدلهـا بطش وأغتر واختار التفاهم معركه وصـراع=تجاهل قدر شيخـان القبايـل ليـن زعلهـا نسى اللي كل ماضاق الكضم ياتي لهم مطلاع=هل الحوطين والثالث بحـر محـد تجاهلهـا دعو يام الدواسر والسهول ومن مطير أسباع=على تحطيم دولة جـا يـر مـازال باطلهـا زهم فيهم جريس والحبيشي ضلـع ماينـزاع=لكن كانت جيوش الخالـدي صعـب مقابلهـا واللأستنجاد والفزعات بين الناس ذاك الساع=تداولـه القبايـل والشيـوخ اللـي تمثلهـا وحلو في حماه بكـل ليـث فـارس قطـاع=مقابيـس الحرايـب كـل ماشبـت شعايلهـا بدو ا حرب شديد ماحصل له فالحروب أنـواع=يعد من الحروب الساحقـه ويقـاس بطولهـا وعن السلطه تنحى مابقى له في الحياه أطماع=أسير وقوته بيدت من اعلاها إلـى أسفلهـا على ها لحال بادية الجزيره واصلو الاوضاع=صبـاح وليـل مقبلـةٍ مقفـيـةٍ رحايلـهـا زمن فتنه وجهل ومن غزا مايضمن المرجاع=إلين الفيصلي عبد العزيـز أطفـى مشاكلهـا حقايق يالشنيفي والحقايق نورهـا ماضـاع=ومادام أن المجالس بالا مانـه مـا نهملهـا نقول الصدق لانجحـف ولانجحـد ولانرتـاع=وغير أهـل الجمايـل والفعايـل مانعاملهـا بعدها يامحمد جاء لجزل الشعر فيـك ابـداع=مديـح والمدايـح فيـك تاجـد مايوهلـهـا كريم وصلب راس صيرمـي عـارف بتـاع=أديـب شاعـرٍ والشـرح كلماتـه تـحللها مجرب والتجارب تعتبر فـي غايـة الاقنـاع=ولا تعطى ولاترجى الجزيله كود مـن اهلهـا وليا جار الزمان و لاتهيا لك بعـض لسنـاع=تخير لك صديق من كبـار القـوم واجزلهـا ولاتارد على كدر المشارب والفجوج اوسـاع=مثل ماعدت أصحاب التجـارب فـي مثايلهـا هذا وقبل تحياتي عدد ماهـب مـن ذعـذاع=بريـح المسـك وبخالـص تحياتـي تقبلهـا |
بعيد المسرى لاهنت وصح لسان الشاعر سليمان بن بلال على هالقصيده الجزله
|
بعيد المسرى
صح الله لسانك ولسان شاعرها قصيده جزله ووافيه لاهنت على نقلها يالقرم |
الحر الاشقر
حياك الله ومشكور على المرور تحياتي |
محمد الشامري
حياك الله يالقرم يشرفنا مرورك تحياتي |
الوقت في المنتدى حسب توقيت جرينتش +3 الساعة الآن 03:16 AM . |
مجالس العجمان الرسمي