خوت النشاما
خوت النشا ما
• أنا عاشق للبر والبدوا والأوطان وحب الفلا ساري بدمي ووجداني • أحب الربيع وشوفته تجلي الأحزان ولو رحت عنه ارجع على شوفته ثاني • هوى النفس ما منعها لأني خلقت إنسان وجمال خلقه الله أحبه لا أشقاني • هوى ديرة يا صاحبي يرضي الزعلان على حجر وادي بين شعب وغدراني • لياغرد القمري على مايل الأغصان جلا الهم عن قلبي بصوته والالحاني • أحب الطبيعة عاشق مغرم شفقان لها النفس تطرب بين سهل وضلعاني • جمال سلب عقلي على سايح الضلعان أنا أهواه ثم أهواه ليا صار يهواني • لياهب نسناس الهوى والمطر هتان وريح النفل والعشب صحة للابداني • ليامن كساها العشب زين بها النسيان تناست بها نفسي همومي والاحزاني • وركبنا لها فكس آر وارد من اليابان جديد المديل أتشم به ريح ياباني • بخوت رجالٍ مبعدٍ عن غثا الورعان ولا وقت ود وجيب عولة وورعاني • نشاما ما فيهم واحدٍ يشرب الدخان وما فيهم اللي قال أنا الوقت يحداني • ولامنهم اللي يشتكي من جفاء الخلان ولا فيهم اللي قال أبر جع لخلاني • وجابوا سوالف تشفي الخاطر الحزنان قديم وجديد طب من كان مرضاني • سوالف ما فيها غيبةٍ تجرح الإحسان وكلٍ على درب التـقـاء فيه برهاني • أخذنا بها عدة ليالي تقل صبيان تصابي كما فعل الصحابة بالا حساني • ولاحل وقتٍ للفريضة بداء الأذان يردد كلام جاء به الحق ناداني • وبعد الصلاة أذكار تحرس من الشيطان تقرب من المولى تزود بالإيماني • وبعد أرجعوا جابوا قصائد على الأوزان وترديدها في صوت واحد بالا وزاني • يشيلون حرف البيت الأول عشان يبان وزن القصيدة ، لانتهى شطرها الثاني • ويوم انتهوا جابوا دليلٍ على ما كان من السنة اللي جاء بها أفضل إنساني • وصلوا على من جاء به الحق و البرهان أفضل نبي أزكى بشر نسل عدناني • وصلوا عليه انتم يا لحاضرين أذهان على الرحمة اللي ما تفوت للاذ هاني الشاعــــــــــــــــــــــــــــــــر/ زاهـــــــــــــــــــــــــــــــــــــــــــــــ ــــــــــــر |
رد: خوت النشاما
صح لسانك ..
لاهنت يا زاهر .. |
رد: خوت النشاما
صح لسانك يازاهر
وعسي خوتك كلها نشاما وفالك طيب |
رد: خوت النشاما
صح السانك يازاهر قصيده طيبه في معناها
واتمنى تراجع بعض ابياتها من ناحيت الوزن وانا اتوقع انها اخطاء مطبعيه وتقبل ودي واحترامي لشخصك الكريم |
رد: خوت النشاما
زاهر صح لسانك ملايين
قصيدة رائعة لك مني أجمل تحية |
الوقت في المنتدى حسب توقيت جرينتش +3 الساعة الآن 08:58 PM . |
مجالس العجمان الرسمي