بعض العرب لاراح ماهوب مفقود=يقبل ويقفي والعرب مادرت به
الا الذي شرواك يامحمد سعود=كريم يمنى والمراجل زهت به
خوة ابوسعيّـد ترى خوة الجود=عون الخوي يوم الليالي غدت به
من لابتن تنطح عريبين اللجدود=ماهمهم شيخ ٍ ولا راس رتبه
عقادت الحاجب اليا ثار بارود=صغيرهم ياسعد من هي هقت به
اعوال ابن خرصان لانهبت الذود=صغيرهم روس الجماجم شكت به
القاع من تحت القدم ترعدرعود=عدوهم ياقرد من هي رمت به
يامحمد اعلم منزلك دوم ماجود=فوق السحب كل النجوم اشهدت به
لندن بعد فرقاك ماتجلب الفود=دمعي بعد فرقاك عيني شقت به
واسلم وسلم عد مانسن النود =وتسلم اعيون ابيات شعري قرت به

المشاركة الأصلية كتبت بواسطة شبيب بن فنيس (المشاركة 1034587) صح الله لسانك وقصديه جزله من شاعر جزل ويستاهل ابو سعود والله لا يهينك على القصيده ويشرفني اكون اول من رد على قصيدتك :)

المشاركة الأصلية كتبت بواسطة شيخة الغلا (المشاركة 1034675) كفو ويستاهل .. { متركـ العمره } صح لسانك ملايين .. جزله من راس جزل .. بيض الله وجهك ولا هنت .. تحياتي :a36: