( فـرايد ) ......... ,,
السلام عليكم ورحمة الله وبركاته
اسعد الله أوقاتكم بكل خير .. لاشك ان كل شاعر له مدونه ومسوده خاصه له يضع فيها ما تجود به قريحته من افراز فكري شعري . وانا هنا في ( فرايد ) اسعى الى الوصول الى ذائقتكم الكريمه من خلال من اصافح به قلوبكم . لذلك اتمنى منكم الصفح عن اي زلل في هذا المتصفح كما اتمنى ان تستمتعوا في جدران هذا الفرايد . الى لقاء آخر معكم |
رد: ( فـرايد ) ......... ,,
دار الـزمـان الـلـي جهلـنـا خـفـايـاه=والمـقـبـلات اتـبـيّـن الــلــي تـخـفــا ومن كثر ما حظـي عطانـي مقفـاه=قمت احسـب إن الحـظ وجهـه مقفـا قلته وأنـا ضايـق وحظـي فتـح فـاه=ويـقـول فـيـنـا يـالـخـوي لا تـشـفـا زمانـك اللـي تشتكـي منـه مـجـراه=بإذن ٍ من اللـي صخّـر المـا مصفـا والحظ يـا مـدور مـن الحـظ منجـاه=شمـع ٍ عـلـى مــا قـيـل كـفـا ووفــا والعزم من قدحه شموعك إمضواه=وإن ما ضويت الشمع يبطي مطفا :21t: |
رد: ( فـرايد ) ......... ,,
كلمة (ألو) شيل منها يالغظي همزه
تطلع لك الكلمه اللي بيّحت سدي |
رد: ( فـرايد ) ......... ,,
واللي خلق شوف ٍ على شوفك إيتوق=بإنك حرمت الشوف من شوف غيرك لا لا تقول إن كل مطرود ملحوق=قدام لا تندم .. تلاحق عشيرك أما يسوقك حادي الشوق لي سوق=وإلا إستريح وكثر الله خيرك |
رد: ( فـرايد ) ......... ,,
يا ذيـب ياللـي فـي الخـلا نسمـع إعـواه=بـعــواك وصّــــل كـلـمـتـي لــــه وقــلــه صاحبْك ظامي وصلـك .. وشوفتـك مـاه=وإسقـه عسـى يظمـيـك منـشـي الأهـلـه مـا يحتمـل قلـب العـنـا .. جــور فـرقـاه=والكبـد (خبـزة ضـو) .. والصـبـر مـلـه يــا ذيــب قـلــه صـاحـبـه مـــا تـنـاسـاه=لـو قـلـت ينـسـى ..جـايـر الـشـوق تـلـه فرقا غضيض العـود مـا جابـت أقصـاه=لـكـنـهـا جــابــت لــــه ألـفــيــن عــلـــه كثـرت هواجيسـه .. ولا طــاب ممـسـاه=وصـابـتْـه مـــن كـثــر التفـاكـيـر خـلــه غـــرو ٍ هـــرم حـســن الـعــذارا تـعــلاه=مــن يــوم مــا ذبّــه .. وهــو مستـحـلـه إلـــى تـمـشّـى زيّـــن الــقــاع مـمـشــاه=كــن السـحـايـب عـقــب مـشـيـه إتـعـلـه دايم إلى عرّض علـيْ .. يقصـر إخطـاه=مــــدري بــــلاه الــثــوب وإلا إجـبــلــه لا زل فــي حـقـي .. وكـثــرت خـطـايـاه=فإقـبـالـتـه تــدمــح مــعــه كــــل زلـــــه مــا زيّـنـه فــي العـيـن حـسـن ٍ تـغـشّـاه=إمـزيّـنـه قــبــل الـحـســن زيــــن دلــــه عـذروبـه إنــه لا حـكــى مـــا سمـعـنـاه=حـتـى لـزيـزه لا حـكـى مــا فـطــن لـــه من صغر ثمْه .. الحكي يقطر من إشفاه=يغنـيـه مــن كـثـر الحـكـي بـعـض قـلــه وفـي عينـي إن عذروبـه أكـبـر مـزايـاه=لأنّــه لــو إنّــه مــا حـكـى .. مــا تـمـلـه الـحـكـي والله فالـنـواعـس .. وتــقــراه=لاسلـهـمـت ســـود الـرمــوش المـظـلـه يــــا ذيــــب قــلـــه لـثـمـتــه لا تــعـــداه=لـو طشّـهـا .. كـثـروا .. حواسـيـد ظـلـه لا فـــرّع .. وقـامــت تـبــارق شـفـايــاه=عـيّــت إرجــيــل الـمـهـتـوي لا تـشـلــه مـدري غــروره حــال مــن دون لامــاه=وإلا إنظـلـوه .. أهـــل الـكـبـود المـغـلـه بـس الوكـاد إنــه مــع إمقـيـط وإرشــاه=جعـلـه طريـقـه .. دامـهــا عـادتــن لـــه يـــا ذيـــب أنــــا هــوّنــت ولا إتــرجــاه=رجــوا إلغـيـر إمسـخّـر الـمــا .. مـذلــه لا عـاد تعـوي لـه .. أنـا أبغيـك تنـصـاه=وإلـيــا نصـيـتـه وصّــــل الـعـلــم كــلــه (أمـا قلـط ضيـفـه عـلـى مـوخـر الـشـاه=وإلا حـلـف مـــا عـــاد يـقــرب مـحـلـه) :21t::21t::21t: |
رد: ( فـرايد ) ......... ,,
الله يـجـازيـك يالمـجـمـول بأفـعـالـك=ولّعـت قلبـي علـى الفاضـي وخليتـه فاحت إدلالك .. وغيري ذاق فنجالك=وأنا .. قبل فوحـة إدلالـك .. تحريتـه |
رد: ( فـرايد ) ......... ,,
ياللـي تواعدنـي وتخلـف علـى طــول=أبـطـت مواعـيـد الـلـقـا لـيــن شـابــت يوم الدهر مرسل على القلب مرسول=بـإنـه عـلـى كـبــود المحـبـيـن كـابــت غــلاك نبـتـي .. والتهـيّـاض مـحـصـول=وإن مـا سقيتـه (وصـل) ماهـوب نابـت كان المشاكل ملح وقتي .. فأنـا أقـول=آمـالــي الـسـكـر وفـإشـفــاك ذابــــت جرعتـنـي مــرّك وأنــا أقــول معـسـول=وماهوب لا معسـول.. والنفـس طابـت مـن قولتـي -لاجبتلـي عـذر - مقـبـول=ومـن قولتـك : خلـك مـع الصبـر ثـابـت مـا عــاد ذي حـالـه ولانـيـب مـسـؤول=إلـيـا إكـبـرت هـقـوة ظنـونـك وخـابــت سحاب وصلك .. نرتجـي منـه هملـول=وأرض الـغـلا مــا عـــاد فـيـهـا مـنـابـت شـابـت مواعـيـدك وأنــا أعـيـد وأقــول=< بنمـوت عـاد إكفوفنـا مـا تسابـت > :0015: |
رد: ( فـرايد ) ......... ,,
الحب حلم .. ودايـم الحلـم ينهيـه=كف ٍ يصحّي من حلمْه وسرح به لو جازلـي وإلا تحاليـت ماضيـه=ماعمرها دامت للأحباب صحبـه |
رد: ( فـرايد ) ......... ,,
ألا يا حب قل إحلاك .. لو قد جازلي ماضيـك=وجعل أمحق دروب .. اللي على دربك تودينـي وألا يا خلي اللي ميّـزك بـد العـرب باريـك=وصب إفهيكلك حسن ٍ عليه الشـوق طاوينـي عسى الله لا يبارك فالضما ... كان الضما طاريك=ولا طـاري فـراق ٍ كـل مايطـري يسرّينـي وعسى الله لا يعود الليله اللي كـدّرت مغليـك=بلاها يومـك إتشاهـق قهـر وأنتـه تحاكينـي بكيت ودمعتينك حدّرت وأسقت ثـرا خديـك=وحزنك فاض من عيـن ٍ تبـدل قسوتـي لينـي دعيتك يا سمي الريـم وأنـت إتقوللـي لبيـك=وأنا أنشد وش بلاك ..إتقول :أبيك ولا تخلينـي حبيبي لا تلوم الشوق لا رمّـد وهـو يرثيـك=بعد ما حالوا إخوانـك وإبيهـم بينـك وبينـي وأنا والقلب وإعيوني وصدري يالغـلا نطريـك=تمنوا شوفتك وأنا ما اظـن الشـوف يكفينـي تمنت عيني إبنومي لو إنـي فـي محـل إخيـك=عشان إليا ضمت لك ترتوي من شوفتك عينـي وتمنآ صدري المزحـوم لـو إنـي محـل إبيـك=عشان أضم صدرك فوق صدري يـا مشقينـي وتمنآ القلب لو إنه خضـاب ٍ ناقـش ٍ كفّيـك=ولا همه من أكون إلك بيـن أقـواس (ناسينـي) تسلوا بالتماني عنك .. يا مشقي محبـك فيـك=وأنا من ضيقتـي حتـى التمانـي مـا تسلينـي ولا أدري وش ورا حبك وقولة يا فلان أغليـك=تبادلنـي غـلا ... وإلا كـذا ودّك تعنيـنـي :a28: |
رد: ( فـرايد ) ......... ,,
كنـت أحسـب إنّـك إمجلّـي هـم خفّـاقـي=وأثـرك إمجلّـي نعـس عيـنـي ومشقيـنـي لا أبطيت من سمع صوتك شانت أخلاقي=وإلا الـمـراسـيـل مــنّــك مـــــا تـكـفـيـنـي الشـوق صاليـه محـرق ســدرة أعمـاقـي=وأنتـه علـى عـذرك ( أمـي مـا تخليـنـي ) :a28: |
رد: ( فـرايد ) ......... ,,
ألا يا ذا المحيط اللي مياهـك فـوق جـال السيـف=تلاطـم بـك .. ومنهـا مـا يـطـم السـيـف وإتـرابـه جمايلك تيجـان ٍ علـى أهـل المـدن وأهـل الريـف=إفمنـك الـزاد ومنـك المـا ومنـك الـمـزن صبـابـه ألا ياللـي تقـول إن البحـر غـدار.. ليـه ؟ وكـيـف=مـــدام إن الـريــاح الـلــي تـسـبـب فـــي تـقـلابـه نسيـت إنـه مـلاذ ٍ لـك إلـى منـه شــواك الصـيـف=وإلا من جعت .. من خيره علـى الجـال إتشوابـه ونسيت إنه يا لولا البحر همّال المطـر مـا شيـف=ولاشـيـفـت شخـاتـيـره عـلــى القـيـعـان سـكـابـه ونسيت إن الله اللي إمسيّـره وإمشرّفـه تشريـف=إمكـرم مـاه مـا ينـقـض وضــوء الـلـي توضـابـه وبإذن ٍ منه نوب ٍ هـادي ٍ موجـه ونـوب إمخيـف=جـنـود ٍ مــن جـنـود الله تبـيـد الـشـرك وأذنـابــه وأنـا بنشـدك يـا مـوج ٍ تعـلآ فـوق جـال السـيـف=وهذا وأنـت لا مـن ثـرت طلـت إطويـق وإشعابـه أجل وش له تجي مطواع لشعاع القمـر لا شيـف=وتسمـع لـه وترضـخ لـه وتخشـا مـنـه وإتهـابـه يمدك لو يبـي مـدك ويجـزر بـك ولا أنـت إتعيـف=تــرا فـعـلـك معجـبـنـي ولا بـانــت لـــي أسـبـابـه سواتك مع قمر نصف الشهر في نظرتي تخريف=يـقـولـه واحـــد ٍ مـثـلــك ولــــه خــــل ٍ تـشـقـابـه :21t: |
رد: ( فـرايد ) ......... ,,
:a36:
أرحب صباح الخير .. ما هو مسا خير=طارف جبيـنـك يـفـلـج الـلـيـل ضـيّــه لو جيت بوصف .. صبـح ليلـك بتعبيـر=تقـصـر مـعــاي إحـروفـهـا الأبـجـديـه |
رد: ( فـرايد ) ......... ,,
إتدور فـي راسـي كبـار المشاريـع=إتطنطـخ اللـي نوّختـه الخسـايـر لا سمْعها اللـي لـه عمـاره وبيبيـع=ولا لــه إلا ذا العـمـاره وحـايـر الله وكيـل السامـع بظـرف أسابيـع=زوّد علـى ذيـك العمـاره عمـايـر ولا إيتعامـل عقبـهـا إلا بتوقـيـع=وإيعيش (king).. وويش ما قال صاير ويذيع صيته فـي البلاديـن وإيشيـع=وإعيـون خلـق الله عليـه إتطـايـر من موتـره كـل العـذارى مصاريـع=يشري به الفكسـار لـو بـاع تايـر لكن بلانـي حـظ ٍ أقشـر ولا إيطيـع=غديـت أنـا ويـاه مثـل الضـرايـر عليه أجمّـع باقـي الصبـر تجميـع=وأساير .. وماهيـب لحيـة إمسايـر يا بعدها مـن سبتـه (ذبـة الريـع)=ويـا قربهـا عينـي إلهـل العبايـر |
رد: ( فـرايد ) ......... ,,
يا زين ... بح منّي ... فضحتـك !!! ... ولانـي=قاصد ... وإلى قلت : السبب ويش؟؟ .. قوله قلـت : السبـب مــن زود حـبـك ( لسـانـي )=دقّــر عـلـى إسـمــك لـلـعـرب وإفـطـنـوا لـــه :21t::21t::21t: |
رد: ( فـرايد ) ......... ,,
الأرزاق بــيــد الله .. ومــنــه الـتـوافـيـق=وأنـــا عـلــى رجـــواه كـمـلـي وكـمـلــي لا ضـاعـت الـدبــره .. يـتــك المعـالـيـق=ضيـق الصـدر .. حتـى النسـم ينكتملـي وإلــى ذكـــرت إن رحـمـتـه للمخـالـيـق=تـشـمـل مخالـيـقـه .. يـــرد الـنـسـم لــــي عزّمت .. والـنـيّــه إلــــذب الـشـواهـيـق=والــراس قــام إيشوقـنـي وإيـحـلـم لـــي وأنــا عـلـى حلـمـه طـرقــت الـطـواريـق=والحظ قال:إزهـل .. وهـو محتـزم لـي ثم كص من دربي .. عقب نشفة الريق=وأقـفــى وهــــو فإقـفـايـتـه يـبـتـسـم لــــي يـوم إبتسـم لـي قلـت : بيـفـرّج الضـيـق=وأثـــره إلـهـقـواتٍ بـنـيـت إيـهــدم لــــي يالله وأنــــا بــإذنــك إمــــن الـمــرازيــق=إرزقــنــي بــحـــظ ٍ يـــــرز الـعــلــم لـــــي حــتــى يـقـدّيـنـي إلـــــدرب الـتـوافـيــق=وإيعوضـنـي فــي مغـنـم ٍ مــا قـســم لـــي :a36: |
رد: ( فـرايد ) ......... ,,
يـا هيـه ياللـي تشتكـي للّيـل ... مـا هـو لـك سمـوع=يـسْـمـعـك ربٍ رافــــع ٍ ســبــع ٍ وســبــع ٍ ذلــهـــا ضاقت عليك .. وصكّتك عبـره .. وهلّيـت الدمـوع=ولا إبـردت كبـدك !! .. دمـوع ٍ مـن عنـاك إتهلهـا تحمّـد الله غيـرك إمـن النـاس .. هـمـه ســد جــوع=ولا لــقــا لـحـلــوق بــزرانــه شـــــراب إيـبـلـهــا الله يقنّـعـك الصـبـر ... والصـبْـر راعـيّــه قـنــوع=لــو كــان ( بقـعـا ) لــه تـحـد إسيـوفـهـا وإتسـلـهـا مـن همّتـه دنيـاه ... مـن قـبـر ٍ تـحـرّا لــه جــزوع=ومـــا هـمّـلـه فـقــر ٍ عـلـيــه أم الـنـكـايـد صـلـهــا ومن همه إحساب الولي ... يوم القيامه .. والجموع=قـدمـه عـرايـا .... سـمّــح الله لـــه دروبـــه كـلـهـا وإلا إختلاج العبـره اللـي مـن ورا حـدب الضلـوع=مـال أمهـا داعـي .. وأنــا عـنـدي دواهــا .. خلـهـا لا صار فـي الخاطـر عبايـر ... هلّهـا حـزة خشـوع=وإدع الله الـلــي لا عـقــد روس الـحـبـال إيـحـلـهـا :a28: |
رد: ( فـرايد ) ......... ,,
لاهنت يا دفتـر .. تولّـم للأمثـال=دامك معي في ضيقتـي وإنشراحـي :a36:غيث ٍ على صفحاتك البيض همّـال=سقته .. وبرّاق الهواجيـس لاحـي فاللي يعدّون الكرم .. طيش وهبـال=حرام ... ماهم من طيور الفلاحـي ما للبخل فصدور الأجـواد منـزال=البخل ... يحريبـه ردي المشاحـي وإلا السنافي .. ما تحسّف على المـال=من دون (ما) وجهه ... لو المال باحي صر الدراهم ... في رديين الأعمـال=سر ٍ جعلهم ... يملكون الضواحـي وإلا الفخر ... ما يملكه كون رجـال=حاف المراجل من جميـع النواحـي يا حبر ... سجّل فالورق كل ما جال=وأخص بيت ٍ للهزيـلات .. ماحـي لو الشجاعه والكرم ... طيش وإهبال=ما شفت فعـوال المرازيـق صاحـي |
رد: ( فـرايد ) ......... ,,
عزاه من وقت ٍ مدى الدهْر دوّار=وعلى كريمين اللحا .. سل سيفه تولّت إصدوفه طويلين الأشبار=وما قرّبت لأهل النفوس الضعيفه جانا زمان القرش .. سترك يا ستار=وروّح زمان أهل السيوف الرهيفه فيه الردي .. قام إيتعامل بدولار=كايف .. ووقته جا على كيف كيفه واللي مضرّينه على شبة النار=ما عيّن اللي يجمّله ... تو ضيفه يحز في خطّر هل العرْف .. بيطار=كفّه غدت ..لكفوف حاتم .. خليفه يدلّه الضيفان .. وإيدلّه الجار=ونيّتْه ... ما هي يالسنافي ... نظيفه أما ريا ,,, وإلا يبي الصيت يندار=بين الرجال ... وتطمح إله العفيفه ولا رجا حسْنه من النافع الضار=ولا تذكّر يوم عرْض الصحيفه الرجْل .. لوّه من طويلين الأعمار=إن ما حضنْه القبْر ... تاليه جيفه ما يدري إن عقب القبر جنّه ونار=في يوم يجحد كل ولف ٍ وليفه يالله عسى جيزي مع جيز الأبرار=نعْتق .. إلى جا يوم عرض الصحيفه :21t: |
رد: ( فـرايد ) ......... ,,
أبطا القلم يا إخيك ما سال حبره=على ورق دفتر جزيلات الأشعار إسمع كلامي وإكتسب منْه خبره=أخير من سمْع إذنك إلبعض الأشوار في كل شي .. إتشوفه العين .. عبره=يحطّها الرحمان .. لأولات الأبصار شوف البعير إتنوّخه ... غزة إبره=والفيل .. هيبة زوله ... إيهزّها فار لا تحسب إنّه ينفع الزول ... كبره=ولا تعتقد بإن منظر الرجل ... معيار منطوقه المعيار مع طول شبره=لا قايسوا شبره مع إطوال الأشبار وقول (ونعم) من قايل ٍ قال ... أخبره=وطيب ٍ على وضح النقا .. سر وإجهار وأنا إخنقتني يوم وايقت ... عبره=على قبر يحفر على يد .... قبّار يا آخي تخيّل عمر الإنسان ... كبره=ولجنة إزالة كبرة العمر ... الأقدار الأقدار .. أودت كل حيّ ٍ ... إلقبره=وفي القبر ... يسأل .. عن حياته .. ووش صار والدبره إلمن يشتكي ... قل دبره=في طاعة اللي بأمره الكون ... يندار يقولها اللي من غثا الوقت ... صبره=ما مل منّه لو عليه الزمن ... جار رحمـــــــاك يا ربّي ... وفي الحلق عبره=من كبّة إوجيه ٍ تسحّب على النار :a36: |
رد: ( فـرايد ) ......... ,,
اللي كسب من عرْف الأذناب خوّه=يبطي ولا له معْ هل المرجله .. شان واللي يحسْب إن المراجل فتوّه=ناقص ... وخوة من يخاويه ... نقصان واللي وطت رجله .. على جمر ضوه=ما سج منها .. لو يكفّن بالأكفان يا مستمع ... جالك كلام المفوّه=كانك على بدع التماثيل ... شفقان عادك .. إبتقطع بر .. دربك .. وجوّه=وإتدوّر .. اللي للمطاليق عنوان وإن شفت ... من فعله يترجم سموّه=حذرا .. تفرّط فيه .. لو كان ما كان يا قلّهم .. في ذا الزمان المشوّه=وقت ٍ يشيّب روس .. ذربين الأيمان وإلا الردي ... وقته إموافق لجوّه=وتلقاه ... من كثر الدنانير .. عجزان من عدّها ... وااجد ... ولابه إمروّه=جعل الولي ... يحْرمْه من حور الأعيان وجعل الدراهم ... عند من شب ضوّه=وما صك بابه ... لا تنصّوه ضيفان :a36: |
رد: ( فـرايد ) ......... ,,
لا تراخصت الدمـوع اللـي تسيـل=لا تعاتبنـي عتابـك مــا أقبـلـه لو نثرت إدموع عينـك كـل ليـل=مـا لدمعـك وسـط قلبـي منزلـه إعتبرنـي فـي الهـوا عابـر سبيـل=وإرتحل ... ما بينك وبينـه .. صلـه حبّك اللي فتّـق إجـروح العليـل=عفت أنا تاليه .. مـن شـوف أوّلـه ما بقا بي يا شقـا الملتـاع ... حيـل=يا قصر ليلك ... وليلي .. ما أطولـه ساهر ٍ وأخـاوي الـدرب الطويـل=وأرتجل بيت الشعـر .. وأسترسلـه وين أبسلا دامـك إلروحـي عديـل=من شغف بك .. صدق .. ما عنّك دله لكـن اللـي حدّنـي للمستحـيـل=والمحـال إفـراق ... فعـل ٍ تفعلـه تنوي إفراق الشمل .. تحت الشليـل=وتظهر إلعيـن المتيّـم بـك .. ولـه كلمتي لك .. من خليل إليـا خليـل=جابـة ٍ تشبـع فضـول الأسئـلـه صاحبي ... لا دوّر إلهجـري سبيـل=الجزا ياتيـه .. مـن جنـس إعملـه والله إن إيقـول لا حـان الرحيـل=وإفترقنا ... : لعنبا ذا مـا أصملـه :21t: |
رد: ( فـرايد ) ......... ,,
هو يقول :
عطيتك قلب ما ينبض بغير إسمك وشانك شان=على وجه البسيطه ما عطيته واحد ٍ ثاني على عز وغلا .. ماهي محبّة مصلحه وإحسان=مشاعر عاشها قلبي قبل تطلع من إلساني وأنا أقول :
ألا يا مرحبا بك يا غرام ٍ ما يبي برهان= إلى شك المشكك .. شاف وسْط العين برهاني وأنا اللي ما دريت إن ( الهوا ) و ( القلب ) ... ( ذيب ) و ( ضان )= إلين الذيب شال الضان في بطنه .. و عدّاني نعم .. أهديتني قلبك سليم .. وعندنا منصان=وإذا تبغيه .. خذ قلبي معه .. لرضاك مجّاني أنا وش لي .. بقلب ٍ ما يضخ الدم للشريان =عطيب ٍ لا ذكر طاريك .. باح السد .. وأشقاني :21t: |
رد: ( فـرايد ) ......... ,,
موعد التصويت قرّب ما عليه إغبيّـا=وضامنين الأربعه بإذن القدير وعونه والعجمي اللي ما تصكّه فاللزوم إحميّا=جعل ماله لا تغرّم من يحامي دونـه |
رد: ( فـرايد ) ......... ,,
يا صاحبي والوقت .. يخْلف موازين=حسْنته يفْرق بين ... قرم وهداني يومك عضيد ٍ لي على العسر واللين=منته بترضا ... ذلّتي وإمتهاني في قولتك : ( يا جعلها أيامك إسنين )=لا والله إلا ليتها لي ثواني إتقولها سفطان .. لكن على وين = مصيري إلقبري ... وذا العمْر فاني الأيام لا طالت ... تحدّك على الشين=هذا الزمان ... ومرّته ... قولباني إليا دعيت إفقول : ( جعل الميامين = هم صحبتك يوم الحشر للجناني ) |
رد: ( فـرايد ) ......... ,,
[ الهجْر ] طاري القبر .. و[ الضيق ] حبس إنفراد=واللي بحبـس إنفـراد .. إيقـول : لبّـا القبـر ما عاد له كبـد يصبـر ... لـو لحقْـه إنتقـاد=من ساجنه ... يـوم قـال إن الفـرج فالصبـر لو كان قلبي خضر ... سرْب الطـواري جـراد=ما خلّـت إمـن الخضـار اللـي بقلبـي شبـر عيّفـت عيـن المشقّـا ... مـن لذيـذ الرقـاد=يـا جملـةٍ مبتداهـا ... مـا لقـا لـه خـبـر لا طوّلت غيبتـك... والشـوق ... زاد إتّقـاد=وأركيـت فوقـه إدلالـي ... والمقهـوي حبـر قهواك ... عذب القصايد وأنت .. غايـة مـراد=شعر ٍ لو إنّه مكسّر ... وإحتوى إسمك ... جبـر بنت الغرور الثقـه ... وأبـو الثقـه ذي عنـاد=وإعنـاد ذا جـدّه الأوّل يسـمّـى ( كـبـر ) وإنته غشاك الكبـر ... والكبْـر غـش العبـاد=حـرّم عليهـم جنـان الخلـد ... والمعتـبـر يفلح ... ولا أنته بحـول المفلحيـن ... الوكـاد=المنسجن يطلبك ... ( بيحه ... وحفـرة قبـر ) :a28: |
رد: ( فـرايد ) ......... ,,
سلّط على اللي هدبها راكـز إحرابـه=وأنا على شوفها ما ترمـش أهدابـي العين فهّت ... إلشوفة ناعس أهدابـه=ومن نظرته .. فوق هام السحْب عدّابي يا أبو الدلع ... والتغلّي .. ماله إمجابه=أبكي تغلاّيك اللي حـارق أعصابـي قفل الرجّا سمّر الخافق ... على بابـه=وأنا كسرت ... إلتباشير اللقا ... بابي القلب يرجف وله ... والعين مرتابـه=والكبد تنزف غلا ... وأنت إتسلاّبي لا تجعل البين دونك .. ينعق إغرابـه=وفّر نعيق الغـراب إلباقـي أحبابـي قصايدي لو تقـول : الشعـر متشابـه=ما قايشـت حرْفهـا قصايـد الشابـي ما دام به كل حرف ٍ فيـك ... تنتابـه=نشوة أحاسيس .. لامن خط فإكتابـي وشلون قرّايها .. ما تكسـب إعجابـه=وإبداعها .. معجب ٍ .. مستحْوذ إعجابي كان الفرح (ذود) ... والأحزان (حرّابه)=قفّت بها .. قدم عيـن ٍ موقهـا ذابـي إلى إحْصلت شوفتك يا أغلى من أشقا به=قلت : أبشري بالفكك يا عوج الأرقابي وأنا لعيناك ... لو ذكّيت ... أسد غابـه=في حقّك إشوي / لو تشره على غيابـي ولو دونك إطويق حال .. وحالت إهضابه=كلّه إلعينا غـلاك .... أجيـك كعّابـي شعوري الصادق إمسطّـر لـك إعتابـه=خذ ... قيّم الشوق ... من ترجامك إعتابي جاتك ... وإلى قلت : بعدك ذا وش أسبابه=تِصْبغ علـى جبهتـك مانيـب متحابـي لاتنشد القلـب لامـن ضيّـع أحبابـه=إنشد هل العرْف : ... وش حكمة حمورابي :a28: |
رد: ( فـرايد ) ......... ,,
يـــا فـــرز ٍ أوّل مـــن ثـمــار الأطـايــب=ياللـي بـك إمـن الزيـن مــا يهتويـنـي من دون وصلك ما حسبت الحسايب=لـو سيـف عنتـر حــال بيـنـك و بيـنـي لـكــن ظـروفــك و الـمـقـدّر سـبـايــب=الـطــاري الـلــي لـلـفـراق إيـحـديـنـي لا بــان نــور الـبــدر مـاهــوب غـايــب=شـوق ٍ علـى ( لمسـة يـدك ) يعتريـنـي لـيـت الـبـدر لا بــان دونــه سـحـايـب=أخـــاف لا شـفـتــه إتـطـريــك عـيـنــي و طاريك ( تفتيق الجروح العطايب)=يـالـلـي ردا حـظــي إمـولـعْـك فـيـنـي مـن خـوف لا حطـوا علـيّ النصـايـب=تبكي و أنـا أدري ماهـي إبدمعتينـي تـسـقـي ثـــرا قـبــر الـمـشـقـا سـكـايــب=و إدموع الأحيـا .. إتعـذب الميتينـي :a28: |
رد: ( فـرايد ) ......... ,,
المنـاوي مـا تدسـم شـارب المتمـنـي=ومن خذاها له وسيله ... غايتـه يخطيهـا مـا تجيـب المنـوه إلا عنـوة المتعـنـي=والصعايب تـدرك اللـي تلّهـا بإذنيهـا إن كِثْرت إعيوب الرجل ردّوا خبرها عنّـي=(الشح) .. يِظْهرها لنا / وإلا (الصّخا) يخفيها والجمايل بذْر .. ومـن لبذورهـا متقنّـي=من محاصيل البـذور اللـي بـذر يجنيهـا لين تثمـر بالمديـح ... ودعـوة الممتنـي=ولا إحْتسبها .. عند رب الكون بيلاقيهـا طالبْك يا ربي ... ونجـر المغريـات إيدنـي=يجذب إضعاف النفـوس إلمعصيـة واليهـا ردّني منها ... وجنّـب بنّهـا مـن بنّـي=فنجالها ... ما سرْ ,, شاربها / ولا إمقهْويها وإهدني ... وإجعل مماتي / خاتمـة متهنّـي=للساعه اللي كل نفسْ ... إبفعلها تجزيهـا :0015: |
رد: ( فـرايد ) ......... ,,
توّك تذكّرني ... وأنـا أحـاول أنسـاك=وينـك ووينـي الـيـوم ويـنـي وويـنـك نسيـت ؟ .. وإلا جايـر البعـد نـسّـاك ؟=يـوم إنّـك إتشـح إبـغـلاك وحنيـنـك إتردّنـي مـن مـاك ... وأقـرب إلّـلامـاك=ضامـي ... وتيّهـتـه مضـامـي سنيـنـك فـإذا خفوقـك قـال لـك : ودّك ببـاك ؟؟=أنـا خفوقـي قـال لـي : يــا عويـنـك وش لك به ؟؟ إلاّ إنساه ... لا إشتاق لك (جاك)=وأنـا و(جـاك) إلنـا دهـر .. محتريـنـك ولكـن الشرهـه عـلـى الـلـي تـحـرّاك=ولا تلاغيـنـي ... بزيـنـك .. بـزيـنـك وإسـمـع كــلام ٍ ياصـلـك وإيتـعـداك=عينـك .. مهـي تعـلا علـى حاجبيـنـك أنـت إقهـوه .. وأنـا إن خويـت أتقهـواك=والعيـب فإقْهوْتـك .. وفنجـال صيـنـك حرقـت مـن بنّـك .. وقلّلـت مـن مـاك=واللـي إحْرقتهـا لـك (عمايـل يدينـك ) إليـا إطْعنـت يسـراك ... صافحـت يمنـاك=ويسراك تنذرنـي !! .. وأنـا شـوف عينـك مـا ودّي أقـرب منْـك ... ودّي بفـرقـاك=أخــاف لا تقـطـع يـسـارك يميـنـك :a36: |
رد: ( فـرايد ) ......... ,,
مع الهاجوس يا طـول المسـاري=وأنا قدني علـى ضيقتْـه ضـاري أسج الرجـل وأدلـه وأتسيجـج=وأجر الصوت في بطـن الغـداري وإلى منّه خوا الـراس .. أتريّـض=وأقرّب عزبتي .. وأشـب نـاري وأزيّن لـي بهـا فنجـال ٍ أشقـر=علاج اللي غدا إمن العقل عـاري وأنا اللي هاضني للبـدْع غـرو ٍ=إيماري بالحسن .. قدْم إنبهـاري تذوب إلْـه المسامـع لا تحاكـا=كلامه ذرب .. وإسلوبه حضاري ولو كل العـذارى حاوطـوا بـه=نجومٍ ... طمّهـا نـور القمـاري أدل إمن القطا ... لدروب وصلي=ومن الهجران ... أذل إمن الحباري ولو تاطا قدم رجليـه .. صحـرا=غدت في عيني إفيـاض وخبـاري حداه الضيم .. وأنكف من عشيقه=يقول الهجْر .. ماهـو بإختيـاري وقلت إلعينه اللـي صـب ماهـا=تداري .. من عواذيلش .. تداري ما حن بأوّل من إيضيمـه زمانـه=على كل البشر تجـري الجـواري ووادعني ... وذاك أتلا العهد بـه=وداع المزنـه إلجـرْد الصحـاري لو إنه من رحل ماهـوب يطـري=جفاني الليل ... لإقبالـة نهـاري فإلى منها إشرقت شمسي ذكرتـه=وأنا منْه أتناسـى كـل طـاري يذكّرني بـه الصبـح إن تنفّـس=ويطريلي بعد .. وقت العصـاري وأسج ولاخذيت إشويْ .. يقرب=غروب ٍ فيه من حزنـه مـواري طرا ... وإليا بدت في الليل قمـرا=برت حـال الهـواويّ الطـواري تخالج لـه معاليقـي ... وتركـي=على كبـدي مياسيـم إنتظـاري ولانـي قايـل ٍ فـي بعـده إلا ّ=عساه إمجار من سحْم الضـواري وأحاول قدر الإمكـان أتسيجـج=من إطيوف الغضي .. والليل ساري :a36: |
رد: ( فـرايد ) ......... ,,
تدور إبنا الليالي والليالي لـو تـدور .. إتديـر=رحاة ٍ تطحن العالم .. إبدنياً مـا بهـا طمعـه هموم الوقت .. لاجت .. بيّحت ما قد سترْه البير=إلى إفترقت .. تهاونها .. بلاك إن جات مجتمعـه ولكن علّمتني درسْ .. وإلها خالـص التقديـر=عرفت إن التفرّق ذل .. وإن العز فـي الجمعـه ليالينا تقدّم لغز .. وينه ؟ .. من لقـا التفسيـر=إفمر إتصيب رمعتنا .. ومـرّ ٍ نخطـي الرمعـه ولو إتصيب .. بعض الناس ما تعطي بعضْها خير=يحسْدون الفقير إن قدّرت له موتـت الجمعـه تدر إعيوننـا ماهـا .. وتغنينـا مـن التعبيـر=ويا كثْر إمبيّحين الدمع .. وقل إمقـدّر الدمعـه ولكن لا غشا المسلم .. ظلام وحيره وتكديـر=دعا الله .. ثم ذرفها .. وإبْرقت وسْط الدجى لمعه إتقدّي من تشتت وإندمر من ضيعـة التفكيـر=ما بين إمدوّر الجنّه ... وبين إمـدوّر السمعـه إيطيّنها إن نشد : وين القدا ؟ من نافخين الكير=وزيد الطين بلّـه .. لارتخـى للضايعـة سمعـه إتضيّعنا النوايا .. والعمر (شمعة ثواني) .. غيـر=من اللي قبل لا تطفي .. عرف وش قيمة الشمعه :a36: |
رد: ( فـرايد ) ......... ,,
قالوا : ضحايا .. وبا الخنزير .. قدهم دبا=وأنا وليفي .. عدتْـه العالـم وغشّتـه اللي على دشّته .. والشوق حيّـا النبـا=عقارب الساعه .. إتخرّف علـى دشّتـه وإبلا شعور النواظر .. كبّست .. مرحبا=باللي ينير القمـر مـن نـوره وبشّتـه تاتي بعطره .. إلى طرّي .. هبوب الصبا=لو شمّته فـي طـرف ثوبـه ولا مشّتـه لو إنّه إمصاب ... صادوف الليّال إيهبـا=ولا إوْجبت كشّتي منّـه .. ولا كشّتـه ولو إنْه ما حال دون الوصل غير ... الوبا=في ذمتي مـا تفـارق خشّتـي خشّتـه :0015: |
رد: ( فـرايد ) ......... ,,
ماجـور مـن جـور المفـارق ولا بـاس=وأرحب .. لـو إنّـه بالجفـا دار حولـي قدّام لا أدريبك .. وأنـا عنـدي إحسـاس=إن الرقـم ذا مـار .. لـو كـان دولـي قبل إتصالـك ذا .. مـن الـراس للـراس=في ذمّتك .. منـت إبعلـى حـد قولـي ؟ منهك بدن ... والعين ما جالهـا إنعـاس؟=وإتحاكـي الجـدران كنْـك إمْهبـولـي؟ ولو حاوطوك الناس .. منت إبمـع النـاس؟=شرحك سرا .. وأهل البيلوت إشهدوا لـي قبله .. وأنا مـا بيـن سجّـه وهوجـاس=قيل : أربعه !! وين المكمّـل ؟ .. وجولـي وإن صن راعي الصن .. قلت: الحكم (حاس)=مانيب حـول اللعـب لـو كـان حولـي ولدّيـت للدفتـر .. وإلـى فيـه عومـاس=ومدّيـت كفّـي للربـع .. وإفطنـوا لـي قالوا: ضمنت إفلاس؟ قلت: إضرب إفـلاس=وأبتـرخّـص يالـربـع وإسمـحـولـي سريـت .. والنيّـه خـلا ً مابـه أونـاس=مالي بشـوف النـاس .. لا طـق جولـي وعقب إنْهوَه .. من هاتفي دقّـت أجـراس=رقمك !! وأنا مدري .. حدانـي فضولـي وأوّل ما جاوب صوتك العـذب بإحسـاس=مـا قمـت أميّـز فرحتـي مـن ذهولـي حبري عتب .. وأرض المشاريـه قرطـاس=ووصلك .. طوا القرطاس .. بإمضا قبولـي سلّم .. ولا تلْحق إمواصلْـك .. بإنْكـاس=حتى لو إمواصلْـك .. فـي مسْـد كولـي :a28: |
الوقت في المنتدى حسب توقيت جرينتش +3 الساعة الآن 02:15 PM . |
مجالس العجمان الرسمي