مجالس العجمان الرسمي - حل عني قبـل لا اشقـق أجنوبـك

{ مدخــ/ ــل

الشعر مبدا وضمن العقـل قيفانـه
ماغيرت سيرته وأنماطه أطروقـه

والشاعر اللي نقز في وجه ضيفانه
لا ياخذ القاف من مغـزاه ويبوقـه

أن كان مجنون ما نحتار في شانـه
أنربط ايديـه للصمـان ونسوقـه

اما رجع عقلـه الفـارط لسيسانـه
ولانعيد النظر فـي كـل منطوقـه

ماكل من غاص بحر يجيب مرجانه
ولا كل من شاف بنت يقول معشوقه

تبت ايدينه قبـل ماتاصـل الدانـه
من دونها بحر والامواج من فوقـه

العلم قبلـه وصـل لعيـال عمانـه
واللحين رده وصل وبنفس طاروقه

جآدل قبيله ولانـي بنـت عميانـه
والشعر عندي مطر ما تفصل بروقه

{مخــ/ ـــرج
قلت أنا للحـزن وش بعـده وقربـه
قال أنا اقرب من جسدك لـمسّ ثوبك

قلت أخذ حقك وخل أمـره ودربـه
قال دوبي في جروحك قلـت دوبـك

قال روحك عايشه مـن دون كربـه
ما ينوب أهل المـوده مـا ينوبـك

قلت له وصل الموده طـار سربـه
حل عني قبـل لا اشقـق أجنوبـك

*_*