يانور عيني هـوى بالـي وسلطانـه
لا يوجع القلب حد العيـن وسيوفـك
سبحان ربٍ عظيـمٍ يـا كبـر شانـه
جمّلك خلقة وكمـل حسنـك بنوفـك
يا بنت شعري زهابك وأبـدع ألحانـه
يجر صوته غلا في ملعـب حروفـك
يا طيفك اللي عليـه العيـن شفقانـة
ولا من نظرتك حقيقة عافت طيوفـك
إذا عليك المشاعـر جـات زعلانـة
زهبت عذرك قبل تطربنـي حلوفـك
يا عينك اللي تجيب المـوت خدرانـة
ما ألوم عيـنٍ تدقـق فيـك وتحوفـك
لأنك غريبـة عـن فلانـة وعلانـة
عذروب كل العذارى جملة وصوفـك
عروق قلبي ثـلاث عـروق ظميانـة
ما يرتوي العرق الأول غير في شوفك
والعرق الآخر تغشـى سيـل وديانـه
لا صرت جنبي ولامس كفي كفوفـك
وآخر عروق الظمى في بحرك الدانة
أعوم بحرك وأجيب الدان من جوفـك
مثل الخضـار الـذي تسقيـه ودانـه
هذا غرامك فديت عروق سرجوفـك
كذا غرامك زرع في الجوف بستانـه
لا يذبل اللي زرعته من سبب خوفـك


:
(( إبدااااع صح الله لسانه ولاهنت على نقلهـآآ يا عبدالله ))