بندر العجمي - محمد بن عوده البلوي
السلام عليكم ورحمة الله وبركاته محاوره مؤخرا بيني وبين الشاعر / محمد بن عوده البلوي ( ابو تركي ) أحببت أن انقلها لكم عساها تحوز على رضاكم : بندر العجمي : ياسلام الله على أهل قاف رده = قلتها والورده بالصاداراتي سيف ابن غانم يقص العظم حده = ياذياب أول ضحاياك الرناتي ابو تركي : مرحبا واهل المواقف مستعده= والسوالف مقبلات ومقفياتي الجمل وسمه مبين فوق خده= والعرب تمشي على علم الثباتي بندر العجمي : البقا يامحمد اللي طاب جده = زهب المنظار وقت المقبلاتي كابتن الرحله توقف عند جده = الله أكبر ياهبوط الطايراتي ابو تركي : ماعليكم زود عد العلم عده = حاسبين الوضع من كل الجهاتي مزبن اللي كايد الايام حده= عند قومن يكسبون الطايلاتي بندر العجمي : كيف ترضى من قدح للظلم زنده = ولارضى يأذن بلال للصلاتي كل رجل مايعدك لاتعده = سيئة ما بعدها عشر حسناتي ابو تركي : الله اللي عالمن مكنون عبده = وانت ماعندك خبر بالخافياتي سلمنا من يستجيرك لاترده = والشماته طبع في قوم الشماتي بندر العجمي : أن عشقنا ماعشقنا غير حمده = وش علينا من البنات الباقياتي لانت شرطي المرور ولانت نجده = لايجيك الدور يمال الغناتي ابو تركي : عشقكم وقت الرخا والا بشده= ماسترتوها بضافية العباتي والله اني نجدت اللي جاه قرده= من سببها فالزمن جته النجاتي بندر العجمي : شاتكم ماهو بتكسي تكده = تذبح وتصلخ ولا لك غير شاتي من تعزوا ياجماعه لجل عبده = مايطير امع أطيور الحايماتي ابوتركي : ضلع راسي منت قادر له تهده= طحت والاطاح فوقك ماتباتي ننصر المضهود والمخطي نضده= كيف بندر فالزمن ينسى سواتي بندر العجمي : من يعز الدين جعل الله يمده = ومن طغا جعله بوسط المهملاتي صاحبي لولا فزوعي ضاع مجده = أشهدلي يالعلوم الاولاتي ابوتركي : من يعزالدين بالمعروف بده= وارجم الشيطان في سبع جمراتي قالوا اهل المعرفه وحده بوحده= لونهن ماهن ترى متكافآتي |
رد: بندر العجمي - محمد بن عوده البلوي
صح الله الساانك ياا بندر وصح الله لساان محمد ولا هنتووووا طرق كااايف ومعنى بس لو استمريتوووا على الدّاال المشدده كاان يكمل النصاااااب صااحبي لولا فزوعـــــــــي ضااااق مجده ,,,,,,,,,,,, قاالوا اهل المعرفه وحده بـــ وحده ......... وعلى ما اظن لا طاالب ولا مطلووووب :^o): ........................ |
رد: بندر العجمي - محمد بن عوده البلوي
الدامي
مرحبا ومسهلا والله محييك والله لايشينك على المرور والمتابعه ووجهة نظرك صحيحه ومثلك وشرواك نستفيد منه وأشكرك |
رد: بندر العجمي - محمد بن عوده البلوي
صح لسانك يابندر انت وتركي ولاهنتو
|
رد: بندر العجمي - محمد بن عوده البلوي
مرحبا ومسهلا يامشعاب
متابعتك ومرورك وحضوريك يالقرم أخيك |
رد: بندر العجمي - محمد بن عوده البلوي
صح لسانك يا بندر انت وابوتركي ..
|
رد: بندر العجمي - محمد بن عوده البلوي
صح بدنك يالجلمود ومرحبابك الف
ومرورك تشريف الله لايشينك |
رد: بندر العجمي - محمد بن عوده البلوي
الله الله يا بندر استمتعنا وصح الله السانك والسان الشاعر خويك البلوى
تحياتي \ اسكيت |
رد: بندر العجمي - محمد بن عوده البلوي
أرحب أرحب يامؤرخنا أسكيت
مرحبا ومسهلا ومرورك تشريف والله لايشينك |
الوقت في المنتدى حسب توقيت جرينتش +3 الساعة الآن 04:02 PM . |
مجالس العجمان الرسمي