يا وجودي وجود ام العيالي...وش سالفة ذالقصيده؟؟؟
السلام عليكم
صبحكم/مسيكم بالخير يا الربع مرت علي ذالقصيده ولا ادري وش سالفتها احد منكم يعرفها والظاهر انها للشاعر علي بن حمري؟؟؟ وجودي وجودي يا وجودي يا وجودي وجود ام العيالي ***يو ساقوا ولدها للقصاص وبارز السيف يقطع في وريده قصته دون عرض ودون ماله محتميها بحدّاد السلالي *** زلّ في ولدّ عمه يوم جاله يقصد الشر والله لا يعيده واحكموها المشايخ و المحاكم وافتدوا ذبحته من كل غالي ***ولا تنازل كبير القوم عنه وقال ذبحته ذا الرغبه الاكيده من هجوس لجت في وسط جوفي وللهواجيس في الصدر اجتوالي ***ويقفي اليوم وتروح الليالي وابن حمري هواجيسه تزيده من يوّصل جوابي لابن عمى شاعر القوم حماّي التوالي***عند مضواح بن شتوي الحبابي شوفة الضيف عنده يوم عيده يابن شتوي عسى منهو تركني في محلي تناقصه الرجالي***طيحتي عز والمعروف يبقى وابشر بصاحبك عند الشديده اضربوني العساكر يابن عمي واربطوني وخلوني لحالي ***وسط زنزانة لا نور فيها واقبلت جرة الحزن البليده عقب كنا ثلاثه في ثلاثه يا ثلاثه وانا شلت الثقالي ***اللواء طلّع البلقان منها والعرب زرقوا له ذا الشريده يالله انك تفرج كل ضيقه بامرك الهون يا رب الجلالي ***وانت ياللي توصله جوابي فأعطه الخط من يمناك بيده |
والله وانا اخيك ماعندي علم فالقصه وأعتقد فيها خطا في ترتيب الأبيات .. وأتمني أحد يفيدك .. والشاعر مثل ماقلت انت هو : على بن حمري الحبابي قصيده رائعه فعلا ً .. وتلقاها على الرابط التالي صوت وصوره القصيده كامله.. بس ترى الملف حجمه أكثر من 3 ميقا يعني بياخذ وقت http://www.qahtaan.com/up/up/qahtaan...1143731005.zip |
جزاك الله خير يا حواران
والملف خذا معي 15 ثانيه بس :) حفل طيب ذا وفعلا القصيده مؤثره ومشكور على المشاركه الفريده |
الوقت في المنتدى حسب توقيت جرينتش +3 الساعة الآن 03:27 AM . |
مجالس العجمان الرسمي