__// الراي الصليب // __لفهيد بن عصيدان آل سليمان
نص من العيار الثقيل عجبني وحبيت انقلة لكم هنا لانة بالفعل من عيون الشعر لايستفـزّك تايهيـن الفكْـر يالعـقـل اللّبـيـب بإذن الله انْ مجهـودك المبـذول مـاروّح سـدى اتبع هل الجنـب المتيـن اللـي تـورّدك القليـب ولاتـغـرّك بهـرجـة نـجـاد , والا مقـتـدى ماجابك الا الذاهبـه , والذاهبـه معهـا ذهيـب منت بمدوّرها معْ اهل الشـات , واهـل المنتـدى لو شفت حقّك ماخذه غيرك , ولاتلقـى مجيـب .؟ نـداك تسمعْـه العقـول اللـي يلبّـون الـنـدا تذرّ بين الشمّ , من يذريـك فالوقـت العصيـب : (بطويق), (وابانات) , والا (النيـر) , والا (بالهـدا) كانك عقدت الظنّ , باللّي فيه ظنّـك مايخيـب .؟ سقها ويهديك الدليل , اللـي لاضيّعـت اهتـدى ياللـي فلكْـت البندقيّـه , ياتصـاب وياتصيـب وياللّي تحسْب البحـر هـادي , لايغـرّك لاهـدا العام لقّحت النصيب , ومـات مولـود النصيـب يالجمله اللي من خبرهـا , ماعرفـت المبتـدى .! ياسامع الصوت الجهور , ومنكر الصـوت الغريـب ماكُلّ مايِنشد نشيد , وكُـلّ مـن يشـدي شـدا اللي مسنّد فوق , واللي حـادرٍ لـه مـعْ شعيـب واللي يهيجن هيجنه , واللي علـى الصفـرا حـدا الهاملـه للهامـل , ان كـان النجيبـه للنّجيـب والمخطيه لاهل الخطـا , والمقديـه لاهـل القـدا لله درّك , ياشديـد البـاس , والسـاس العريـب كم لك مع غُبر السنين اللّي تحاديـك , اضـددا .؟ لاكثرت الاريا وضعت ؟ يدلّك الـراي الصليـب لاتحسب الضايع يـدلّ , وتحسـب المقـدي غـدا ولايراوغْك الثعل , وافطن طـراة الذيـب ذيـب واقنب مدام انك سواة اللـي علـى المرقـب بـدا لاتحسبـنّ العمـر ماشـي للمحبّـه والحبـيـب ماكُل تنهيتة غرام ايجيلهـا (صـوت وصـدى) .! مافيه شيِّ دايـم , الا مـن علـى خلقـه رقيـب الكـلّ شـيٍ منتهـى , مـدام قبـلـه مبـتـدا وماكلّ من يبعد ؟ بعيد , وكل من يقرب ؟ قريـب بعض الفزايع تقطع الفرجـه , ولـو طـال المـدا وماكل شيبٍ له وقار ان كـان راعيـه ابيشيـب : ماقلّـط الطرقـي , ولاسـوّا عشـا والا غــدا وعيبٍ من اهل العيب , لوّ تْقارنه؟ ماهـوب عيـب العيب لاذلّ الشجاع , وشحّـت اكفـوف النـدا المرجلـه ميـدان , والرجّـال ماعنـده ؟ يجيـب اما حبـا , والا بـرك , والا وقـف , والا عـدا ماهوب شرط ان الرّجل من طيب جدّانـه يطيـب كم من رماده من ضويّ شيوخ , وضـويّ اعقـدا والرّجل كانه مشكل , وماتلحقه شكّـه وريـب ؟ يجيـب مـردود العطايـا , وانْ تحـادا ماحـتـدا لاهل الردا ؟ كلّه ردا , والا على اهل الطيب ؟ طيب من سابقـه مايسبقـه بالطيـب , والا بالـردا .! هذا دوا الدّا للمريض , ومقطـع الحـقّ المصيـب فكّر وتلقـى للمريـض اللّـي قـذاك , ادوا ودا انشد مجرّب ياوسيـع العـرف , لاتنشـد طبيـب كان ابتلشت , وعرّضك عوجاه , ملعون الجـدا .! |
رد: __// الراي الصليب // __لفهيد بن عصيدان آل سليمان
|
رد: __// الراي الصليب // __لفهيد بن عصيدان آل سليمان
الغنوج
لاهنتي ويستاهل يابن عصيدان |
رد: __// الراي الصليب // __لفهيد بن عصيدان آل سليمان
والرّجل كانه مشكل , وماتلحقه شكّـه وريـب ؟
يجيـب مـردود العطايـا , وانْ تحـادا ماحـتـدا لاهل الردا ؟ كلّه ردا , والا على اهل الطيب ؟ طيب من سابقـه مايسبقـه بالطيـب , والا بالـردا .! هذا دوا الدّا للمريض , ومقطـع الحـقّ المصيـب فكّر وتلقـى للمريـض اللّـي قـذاك , ادوا ودا رائعة بحق لاهنت ياليامي على نقلها هنا بالفعل من عيون الشعر |
رد: __// الراي الصليب // __لفهيد بن عصيدان آل سليمان
اليامي والراس حامي صح السانك والسان بن عصيدان قصيده جزله من شاعر جزل وتقبل تحياتي ومروري |
رد: __// الراي الصليب // __لفهيد بن عصيدان آل سليمان
صح لسان ابو محمد ،
ولاهنت ، |
رد: __// الراي الصليب // __لفهيد بن عصيدان آل سليمان
و لا شك انها اعجبتني انا ايضا
صح السانه و صحيت كلك ع النقل الموفق جزيل الشكر لك دمت لله اقرب و دآم تواصلك |
رد: __// الراي الصليب // __لفهيد بن عصيدان آل سليمان
صح السان بن عصيدان
وتسلم يمناك ياليامي اختيار رائع شكرا لك |
رد: __// الراي الصليب // __لفهيد بن عصيدان آل سليمان
لورنس العجمان
لاهنت على حضورك الرائع |
رد: __// الراي الصليب // __لفهيد بن عصيدان آل سليمان
السراب
شكرا على المرور |
الوقت في المنتدى حسب توقيت جرينتش +3 الساعة الآن 10:43 PM . |
مجالس العجمان الرسمي