مجالس العجمان الرسمي

السلام عليكم ورحمة الله وبركاته .. وبعد ..

الصقيده , وتمنا , ان تنال , على أعجابكم ....

أخر اللي سمعته في نهار الوداع /*/ دقة القلب مدري صوت عجل الخطـاوي

نايف الطول وش سوىّ بي الانقطـاع /*/ صار بين الضلوع القلب كنه يداوي

بيني وبين ضحكات السعاده نزاع /*/ كني اللي قضى عمره طريدٍ جلاوي

عن هذيك النواعس ليه شلت القناع /*/ الحيا وين ياللي طول عمرك حياوي ؟

امتلي غيض وازعل يوم وارجع بسـاع /*/ راعي الجرح يستحمل عذاب المداوي

وش يفيدك عذابي ياغريب الطبـاع /*/ ليه دايم على الملتاع سيلك نحـاوي

غالطوني وقالوا ليش هالاندفاع /*/ ازعجوني عليك مفسرين الحكاوي

عذربوك بوجودي بالجفا والخداع /*/ فيك حلو الوصايف فسروها مساوي

التزمت السكوت ورأيهم فيك ضاع /*/ لين قالوا ترى متعب على البعد ناوي

ميت القلب عرضت الغلا للضيـاع /*/ والله اني على قطع الرجا بك مراوي

ماتغيرت لين انك لويت الذراع /*/ تحسب اني على الهجران مانيب قاوي

لو تقول انت ماعقب الفراق اجتماع /*/ عندي اليوم كل اللي تقول امتسـاوي

او يقولون صار يخاف قلب الشجاع /*/ من هاك الليله وبيت القصيد امتهـاوي

بين شقر الجدايل والعيون الوساع /*/ اذكر اني فقدت القلب في هالحراوي
وســــــــــــــلآلآمتكم....

للشاعر : متعب التركي