|
جلاده وبن حثلين
اعجبتني جلاده وهيضتني وقلت هاذي الابيات
اختكم ذعاذيع نجد وردة القحويان
احبه حب جلاده لراع الصيت ابن حثلين = ينادي بسمها ويشرلها البسكوت بيدينه وهي تمشي وراه وتتبعه وتعرف زوله زين = ولو هي تلتفت ماتتبع الا راعي الزينه موالفته واثر الولف يظهر للعرب ويبين = ألا حتى الحلال يوالف ويتبع محبينه وانا اللي مثل جلاده على حبه مشيت سنين = تبعت دروبه ومافاد للدّيان في دينه وعرف انه موالفني وقلبه ينقسم قسمين = ولاكن هرجت العاذل غدت ما بيني وبينه وصرنا مثل مكسور ٍ يوّن ويصخف الممسين = لامنه جبر ساقه عاودوْ كسره مداوينه وانا مكسور قلبي من فراقه والولي يعين = يعين بحظي اللي ماترجحلي موازينه مير الله يجبر الخاطر عظيم ويرجع المقفين = يجيب اللي مشى حبه مع القلب وشرايينه |
رد: جلاده وبن حثلين
صح لسانش ملايين
كتبتي وابدعتي ــ عز الله اللي بعض الولف امحق يجر راعيه جر لا هنتي يالسنافيه على الجزله من شاعره اكيد بحسها المرهف حطت لها بصمه في صفحة ،، الولف،، تقبلي مروري واعجابي وسجليني اول المعجبين المتابعين |
رد: جلاده وبن حثلين
موالفته واثر الولف يظهر للعـرب ويبيـن
ألا حتى الحـلال يوالـف ويتبـع محبينـه يأسلامي علـــيش . أبيات روعـــه تقبلي تحياتي |
رد: جلاده وبن حثلين
وردة القحويان
عاش من شافش ومبطين من قصايدك وتواجدك معنا وصح الله لسانك وجلاده حديث الكل :) وشكرا لش ودائما بنتظارك اخووووووووووووكـ |
رد: جلاده وبن حثلين
صح الله السانك يا وردة القحويان
في انتظار جديدك |
رد: جلاده وبن حثلين
احبه حب جلاده لراع الصيت ابـن حثليـن = ينادي بسمها ويشرلها البسكـوت بيدينـه
وهي تمشي وراه وتتبعه وتعرف زوله زين = ولو هي تلتفت ماتتبـع الا راعـي الزينـه موالفته واثر الولف يظهر للعـرب ويبيـن = ألا حتى الحـلال يوالـف ويتبـع محبينـه الله الله الله صح الله لسانك يـ وردة القحويان قصيده وفكر رائع من شاعر رائعه تقبلي سلامي |
| الوقت في المنتدى حسب توقيت جرينتش +3 الساعة الآن 11:47 PM . |
مجالس العجمان الرسمي