الشمالى .يمدح الشيخ مانع بن عبدالله بن جمعه
هذي قصيده قالها محمد الشمالي المري في الشيخ \ مانع بن جمعه امير هجرة ام العراد
قم يا نديبي على كور العمانيه =درعيه ٍ من بنات عصيل مجناها ورث ٍ لشيبانا ماهيب مشريه = لكن غزينا على عمان و خذيناها مكسب ولد شيخ قوم ٍ يحتمي الهية= صبي ٍ على مجري الهياب ضواها وصوفها يوم اوصفها خيالية = بسم الله ابدا و اوصفها من ادناها كنها الى غرد الركاب ريمية = ريمــــية ٍ ذيّروهـا من مــفلاها و فيها مواري دلع بنت ٍ هواويه = تدجر على الصوت و الترويح يشعاها و فيها من أطيب بنات الريح مارية =و فيها من الذيب اذانيها و علباها و إن درهمت بك مع الأرض الخلاوية =و الليل حاديك و ديارك تمـناها شيهانه ٍ من علو الريع مدعيه=صـقارها غلَّ مـلواحه و ناداها اصيل ما دق فيها عرق حزميه = مـا نوخت للبعـــير و تخطــراها مذخورة ٍ للمشاوير الخصوصية= من شان لا كلحت الانياب نلقاها يالله يالله تامـنها من السية = و تدخل احماك راعيهــا و تاقاها ما فوقها إلا قـنابل شعر ذرية = بارودها المسك و العنبر شضاياها و أقصا ما تاصل من الوادى جنوبيه=مقصودها ام العراد ولا تعداها الديرة اللي بفعل الطيب مسميه=يرتاح باله و ينسى الهــم من جاها تنصى لبيت ٍ طويل ٍ وجه راعيه = يا عيدها من قسا الدنيا و مـنصاها و اللي يذري ذراه و فيته فيه = لا جاته الناس ظللها و ذراها يا شيخ انا جيت لي مقصد و لي نية = تحدني لك ظروفي و اتحداها محتاج لي فزعة ٍ ماهي بعاديه =إلا على اللي عـلوم الطــيب يبغاها له جسم ٍ ما يلين و قو شخصية= روس الرياجيل يامرها و ينهاها و مقدر ٍ عند حكام السعودية= ماهوب من ساير العالم ولا ادناها عقيد قوم ٍ معـربة ٍ عزاويه= عاشت سلاطين يام و عاشت اسماها ذكرت مانع و تل الشعر طاريه = و جات القصيدة على مدحه من أقصاها و قام يحداني قصيدي في معانيه= حي الله أسمن بيوت الشعر و أقواها هاذيـك ، هاذي ، لاوالله غير هاذيه = جواهر ٍ في طريقي و آتنقـــاها و أمدح بها شيخ قوم ٍ نارها حيه= عكفان الأشناب جعل اللاش يفداها من آل ضاعن و سروج الخيل عجميه= تسهج حما الناس و تعدي عن حماها ربع ٍ لاحمي الوطيس و كبرت الهية= تشرب و تسقي من الجمة مطاياها و الأبل ليا كل ريع ٍ سال واديـه= ترعى بهم كل قاع ٍ زان مرعاها إبل ٍ جنـبها ام فتخه و ام ربيه= من طمع فيها يجيه الموت ما جاها قولو : المن ضيقت به لارحم حيه= ينشد عن ام العراد ايلين يلقاها أميرها شيخته ماهيب عــاريه = ورث ٍ لجده و زاهيته و يزهاها خذها بيمنى و سيف و حد جنبيه=و هقاوي ٍ ما تبور الى تهقواها و الى بغا الأبل غزا الدار الجنوبيه=ولاهي عـليه بغريبه لا تقفاها يامـا خذاها بحد السيف جبريه = و ياما لحقناها لا خذها و خذناها ما عقّب الريع خيال الفداوية = يوم أكثر الخيل معطيته مقفاها لو ان ذوده على البير الشمالية= من ضرب صبيان يام أقفى و خلاها لين أطلعت من خبا البنت السنافية= طرقاً كن الشمس تشرق من محياها حنا مجانين و البنـت إنتحاريه = تقول : من يبغي الحبه و جيناها أحلم يا مانع تراها جات عفويه = خلنا نتمدح بأمور ٍ ما لحقناها ماجيت اعيد السوالف الأولانيه=غيـر القصيدة كذا لارحم مجناها أحدها في شفوف الناس و معيه= جرت علي غـصـب ما حددت مجراها ولا أنت ما دار حولك شك موليه=يكفي آل جمعه فخر لاعدت اسماها عند البدو و القطاعات الحكومية= و ملوكنا اللي يوقف الأمر لا جاها و أنا الشمالي و لي مقصد و لي نية= محتاج فزعة و هاقي ٍ فيك و ابغاها يا ريف ربعه ، و جيرانه ، و عانيه= تعطي يمينك و يعطى من عطاياها تكفى يا مانع و معلنها اعلانيه= يا ثقل تكفى علي و كبر معناها بغـيت لي من ولاة الأمر برقية = يرتج عيد الكدادي قبل يقراها يا شيخ تصعب علي الرديان و العيه= اللي لاضاقت على مثلي تعداها ولا انت مقدم رجال و ذات اهمية = و تحصل الناس عندك حل دعواها و الوقفة اللي تجي جوزى معذرية= من صوب مانع تراني ما اتحراها يا تقولي تم و المطلوب جاهية = ولا تقول إنسها يا شيخ و أنساها ما لحقني شك يامي عند ياميه = و أعتز في يام و أفخر في حماياها و قد قيل لمكثر الروحات و الجية= اللي يقدم علوم الطيب يلقاها شاعر مفوّه ولد جني و جنيه = بأسمك بنيت البيوت و زان مبناها عصماً من المدح موزونه و مقفيه= ابحربها لين اعرف حدود مرساها يملا صداها القنوات الفضائية = ما جابها شاعر ٍ غيري و وداها و أرسلتها لك على كور العمانية= و أبغيك لاهنت تسمعها و تقراها الشاعر...محمد الشمالى المري |
لاهنت ياخالد
وتسلم على نقل هذه القصيده ومانع بن جمعه يستاهل المدح تحياتي لك |
اررررررحب ياخالد وصح السااانك والسااان الشمالي
والشااعر الشمالي شااعر معروف وغني عن التعريف وابن جمعه يستاهل تحيااتي |
صح اللسانك ولسان الشمالي ويستاهل المدح ابن جمعه لاهنت يالسنافي على النقل الطيب
|
تسلم يا خالد على القصيدة الجزلة
|
ولا يهين الجميع
|
هذه القصايد ولا بلاش ... والله ودي ان ذي القصيده لي.... عز الله انه حكرها
هو كفو وابن جمعه يستاهل |
تسلم يمناك على النقل الرائع وصح اللسان الشاعر ولاهى غريبه ولا كثيره على ابن جمعه
التوقيع وش عاااد وان قيل بنت رجااال ^^^ شيخه واهلها سلااااطينى |
ومن يقول يـــــارايق انت والشيخـــــــه
والربع كلهم |
ونعم
ونعم قول وفعل |
صح لسانك ولسان الشاعر ولاهنت يالسنافي
|
الله لايهين الجميع
|
الله الله
ونعم يالمادح والممدوح وصح الله لسان شاعر النظم والمحاورة / محمد الشمالي ولاهنت مليار يـ خالد تقبل سلامي الخويطري |
اشهد ان به شاعر صح الله السان القايل والناقل ويستاهل ابن جمعه على العموم .. ابن جمعه علق على القصيده وهو ضاحكا .. خاصه في الابيات التاليه :
واللى بغا البل غزى الدار الجنوبيـه=ولا هى غريبه عليـه الـى تقفاهـا ياما خذاهـا بحـد السيـف جبريـه=وياما لحقناهـا لا خذاهـا وخذيناهـا ماعقـب الريـع خيـال الفـداويـه=يوم كثـر الخيـل معطيتـه مقفاهـا لو كان ذوده علـى البيـر الشماليـه=من ضرب صبيان يام اقفى وخلاهـا لين طلعت من خبا البنـت السنافيـه=طرقا كن الشمس تشرق من محياهـا حنـا مجانيـن والبنـت انتحاريـه=تقول مـن يبغـي الحبـه وجيناهـا احلم يامانـع تراهـا جـات عفويـه=خلنـا نتمـدح بامـور مالحقنـاهـا يقول .. لارحم ابيه ذا اليامي والله مادري هو يمدحني في ذا الابيات ولا يسبني .. يقولها لانه ماهوب شاك في نفسه |
رد
الله لايهينك ياااا امبارك على المرور الطيب وتعليقك
الطيب ولا يهين الا خوان كلهم |
لاهنت ياخالد
وتسلم على نقل هذه القصيده ومانع بن جمعه يستاهل المدح تحياتي لك |
خالد تشكر على النقل
وصح الساانك والسان الشاعر تحياتي ملكة الورد |
رد: الشمالى .يمدح الشيخ مانع بن عبدالله بن جمعه
لبى كبدك يالشبيبي عز الله قصيدة من أقوا القصايد اللي قد سمعتها وعزالله أنه عنزها على جبل اللي لاجاه العلم خلص أما برضا ولا بدق خشوم.
|
رد: الشمالى .يمدح الشيخ مانع بن عبدالله بن جمعه
صح ..لسان...الشاعر...!!
وصح..يمناك...يا الناقل..!! وأبو خالد يستاهل... الناموس...!! من يمناه... دمتم...لله اقرب...!! |
رد: الشمالى .يمدح الشيخ مانع بن عبدالله بن جمعه
صح السان الشمالي وابوخالد يستاهل رجال وكفو للمدح...تحيااتي للجميع!!
|
رد: الشمالى .يمدح الشيخ مانع بن عبدالله بن جمعه
صح اللسانك ولسان الشمالي ويستاهل المدح ابن جمعه لاهنت يالسنافي على النقل الطيب |
رد: الشمالى .يمدح الشيخ مانع بن عبدالله بن جمعه
الله الله الله _يستاااهل الشيخ مانع بن جمعه _(امير ام العراااد)_
وصح لساااان الشاعر الداهيه محمد الشمااالي و ماعليه زود_مشكوووووووووور يا خالد تقبل تحياتي |
رد: الشمالى .يمدح الشيخ مانع بن عبدالله بن جمعه
|
رد: الشمالى .يمدح الشيخ مانع بن عبدالله بن جمعه
صح السان شاعرها ويستاهل الارفح
|
رد: الشمالى .يمدح الشيخ مانع بن عبدالله بن جمعه
يا ريف ربعه ، و جيرانه ، و عانيه= تعطي يمينك و يعطى من عطاياها تكفى يا مانع و معلنها اعلانيه= يا ثقل تكفى علي و كبر معناها بغـيت لي من ولاة الأمر برقية = يرتج عيد الكدادي قبل يقراها يا شيخ تصعب علي الرديان و العيه= اللي لاضاقت على مثلي تعداها ولا انت مقدم رجال و ذات اهمية = و تحصل الناس عندك حل دعواها و الوقفة اللي تجي جوزى معذرية= من صوب مانع تراني ما اتحراها يا تقولي تم و المطلوب جاهية = ولا تقول إنسها يا شيخ و أنساها ما لحقني شك يامي عند ياميه = و أعتز في يام و أفخر في حماياها الله الله ,, مقوى قصيدته ,,, صح لسان الشمالي و اشهد بالله ان ابو خالد كفو و يستاهل القصيدة ,, الله يرده من رحلة العلاج سليم ٍ معافا ,, ولاهنت يا خالد على القصيدة ,, |
الوقت في المنتدى حسب توقيت جرينتش +3 الساعة الآن 02:55 PM . |
مجالس العجمان الرسمي