قصائد في حمد بن نغيمش بن قروش
 

هذا أخي حمد بن نغيمش بن قروش قيلت فيه العديد من القصائد لكرمه وشهامته
http://im14.gulfup.com/lkNy2.jpg




قصيدة عمه الشيخ فهد بن قروش





بدعت لي قاف شعر وقمت اغني به
وشجعك يا عضيدي ذرب الافعالي
ابذكر الطيب لا جلت مواجيبه
والفرق واضح مثل رجلي وخيالي
ولا قلت قولٍ عرفت اخطاه ومصيبه
هرجي يجي صادقٍ والحق ينقالي
والحق ينقال واهل العرف تدريبه
وخلك على منهجك يا طيب الخالي
فعلك شبيه القمر من تاه يمشيبه
وتعيش ياللي نزلت المنزل العالي
لا ياحمد سرني تقديرك الشيبه
عساك تبقى عزيزٍ عبر الاجيالي
والدك مرضيه والزاير تهليبه
ومبطي يقولون الاول قدوة التالي

رد: قصائد في حمد بن نغيمش بن قروش
 

أنــا لا بدالي لازمٍ حــاضيٍ مـــــلـــزوم
نصيت الرفيق اللي مسك درب شيبانه
نصيت الرفيق الوافي الصادق الجــزوم
صـديقٍ رفـــع قـبـل الثلاثـيـن عنوانـه
وهـــذي تراها ميزة النــادر الحــــــدوم
وأنا أميز النادر بعينــــه وجنحانــــــه
فروخ النوادر مــا تشابه فروخ البـــــوم
ترى الحر له خانات والبوم له خانـه
وأنا في لزومك يابن عمي نصيت القوم
ولحدٍ يعرف الغيب يا كون سبحانــه
نصيبنا من العجمان شيخٍ قوي عزوم
ويا طيب ابوه وطيب خاله وجدّانه
ويا طيب عمه راعي الموقف المحتوم
لا جا نهارٍ يعمس الرأس دخانه
ألا يا حمد ما نيب من فزعتك محروم
تراني صديقٍ راجحٍ معك ميزانه
ألا ياحمد يابو نغيمش عداك اللوم
جمايلك عندي ياحمد طيب وميانه
عيونك عن النوماس ما تهتني بالنوم
تشوف العشى والمرجله تحت حجانه
بعيدٍ قريبٍ مشكلٍ باتعٍ شغموم
كريمٍ شجاعٍ يجرح كبود عدوانه
جزوعٍ متبن ضلوع قرمٍ حفيد قروم
ربيعٍ لضيفانه وريفٍ لجيرانه
نزيه من دروب الدنس طاهرٍ محشوم
ويالله عسى الرديان من تحت حذيانه
ألا يابن قروش نور نجمك تحته نجوم
ولك مركزٍ مرموق والعز حيطانه
ولو تعتذر معذور ما يقتفيك ثلوم
عسى من يذمك يلحس الموس بلسانه
أنا أقدر أهل الجود والا الرخوم رخوم
وهجوسي على مدحك من العام عطشانه
الشاعر ، معجب بن شرعان المطيري

رد: قصائد في حمد بن نغيمش بن قروش
 

الطيب والعز ولباس الفخر كله
والوقفة اللي تعطر ذكر راعيها
والصاحب اللي سنام المجد محتله
روس الطويلات عدا في مراقيها
وإن شح وجه الزمان وبانت الذله
في ربعتن ماتنوش الطيب اياديها
انصى رفيقٍ مقامه طبع وجبله
طبيعتن فاول الدنيا وتاليها
فالقاسيه كل ما دورته ادله
والحاجه اللي عنيت وجيت باغيها
القى وراها الشحم والعود والدله
الله يبارك بقومن ذي مباديها
اسمه يشرف وسيفٍ فالقسى اسله
حمد لا عدت هل الوقفة باساميها
ابو نغيمش سنام المجد كفو له
من روس قومٍ على العليا مبانيها
شوامرن ريف هجنٍ جات منتله
عقب الجفا عندهم تبرأ سماريها
من وقعهم كم خليلٍ فارقه خله
يوم المغازي بعيداتٍ مغازيها
وأن زعزعوا يام جاك السيف والسله
واللي على كورها واللي يباريها
كم شيخ قومن حثوا في كبده المله
وكم من عقيدٍ وطوبه في مواطيها
واللي من الغل مات ابذله وغله
يوم انتصر راعي الكلمة وحاميها

الشاعر ، سعيد بن صويع القحطاني

رد: قصائد في حمد بن نغيمش بن قروش
 

ياحمد لو قلت لك كفو في حقك قليــــل
والقصايد دون واجبك تاصل حدها
وادري إن المدح فالوجه مامنه ذبيل
بس مكنون الضماير يبيح سدهـا
انت ابن قروش ومدحي عليه إسمك دليل
والقصايد كل ما مدحك اشوفه ودها
ما يشح بكلمة الحق يا كود البخيل
وانت من قوم تنومس فعايل جدها
لاديام اهل الفعايل مزبنة الدخيل
مخبل اللي فالمواقف يوقف ضدها
كم شجاعٍ ذل منهم ولو ماهو ذليل
بس نفسه يوم شاف المنيه ردها
ودي ما خاويك وامدحك يالسيف الصقيل
وإن كذبت أمي علي جعل تصفق يدها
خوتك يابو نغيمش هي المال الجزيل
وإن قست ليام بين الرجال أعدها
راعي الفزعات والفعل والباع الطويل
غير هذا خوته يالله إنك تلدها

الشاعر ، سعيد بن صويع القحطاني

رد: قصائد في حمد بن نغيمش بن قروش
 

يا حمد معك الامانة إلا من جيب ابيك
حب خشمه بالنيابه ووصله السلام
علمك درب المراجل وفاد العلم فيك
وما يفيد العلم يا كون فالغمر الهمام
جعل يفداك الردي راعي الساس الركيك
سنك صغير وتعليت من فوق الغمام
والظفر والجود والمجد يا غيث الهليك
وارثه من صوب خالك ومن صوب العمام
والمراجل واجد اللي بها معكم شريك
وأنتو اللي قسمكم صار من فرع السنام
يفرح بكم كل منهو من الضده دريك
من دخل بيت ابن قروش تهنى بالمنام

الشاعر مشعل بن سابر القحطاني

رد: قصائد في حمد بن نغيمش بن قروش
 

يابو نغيمش يازبون المجنا
حالي قضى ماشن حصلي على الكيف
الوقت دوارن وانا به معنا
وتعبت من جور السنين المعاجيف
هذا الزمان اللي بفقرة غبنا
وشفت العنا والهم حيفن على حيف
يا عزوت المظيوم لا ما ابتلنا
في ساعة فيها الركايب مناكيف
يا عزوتي يا محزمي يا سندنا
ياراعي الفزعات يا مكرم الضيف
هذا الزمان القاسي اللي قهرنا
وشهب السنين اللي تهد المجاديف
فزعتك مطلوبه ولا تعتذرنا
والله يجيرك من زمان الصواديف


الشاعر / عايض ابن الحريشه

رد: قصائد في حمد بن نغيمش بن قروش
 

ابو نغيمش طيب الجد والخال
ومن روس قومٍ فالمعارك مشاكيل
قضى لزومي جعل تفداه النذال
اللي إلاصناف الكظم مالهم حيل
لا حدتك سلمى على هايف الجال
ولا إلا ضاقت عليك المحابيل
صحيح ماعد المجرب وما قال
لا لا الشدايد يستوون الرجاجيل

الشاعر / محمد بن مسفر العرجاني

رد: قصائد في حمد بن نغيمش بن قروش
 

لا هنت يا الغالي على ايراد القصائد

رد: قصائد في حمد بن نغيمش بن قروش
 

ونعم والله بي حمد بن نغيمش بن قروش

يستاهل يستاهل ..

وتسلم ع النقل

رد: قصائد في حمد بن نغيمش بن قروش
 

لا ياحمد ياخوك حالي تحطم
والقلب بالتفكير ماهوب قاوي
أنت العوض فالخال والخو والعم
لا ضاع هرج مكثرين الهقاوي
خوالك اللي تاصل الموت الاصرم
وعمانك تفك الاسير الجلاوي
هذا كلامي يالشلي وسلم ودم
تاجٍ على هامة بعيد المناوي

الشاعر / عبدالله بن منصور آل شامر العجمي

رد: قصائد في حمد بن نغيمش بن قروش
 

سلام يا نسل الرجال المشاكيل
يالوافي اللي منك جات الهدايا
ابوك وجدودك قبل تعطي الحيل
يعطون بالشدات عوض المطايا
وخوالك الظفران لا صدد حويل
يردون حوض الموت ورد الضمايا
مدك جزيل ويا حمد توفي الكيل
وسلم سلّم يا حميد السجايا
الشاعر / عبدالله بن منصور آل شامر العجمي

رد: قصائد في حمد بن نغيمش بن قروش
 

كفو كفو ياحمد وانت غنياً عن التعريف يابو نغيمش وشكراً لأخي عبدالله بن سحمان علا النقل الرائع

رد: قصائد في حمد بن نغيمش بن قروش
 

أمس العشي ذبيت روس المراقيب
رجمٍ طويلٍ يتعب اللي تعلاه
من بعد ذبه قمت أنا أجاوب الذيب
واجر صوتٍ من توحابه ابكاه
ووحي بوسط الكيد مثل اللواهيب
لاهوب من كبدي على الرب مشكاه
من حب منهو عذب الحال تعذيب
سبحان رب الخلق بالزين سواه
اللي حداني ملحقين المشاهيب
منه حداني واحدٍ من دناياه
والله إلا ونها بضرب المشاعيب
إن أخذ المجمول وعيش وياه
بوصيك ياللي تاخذ العلم وتجيب
وده صبي الصدق والطيب والجاه
وده صبي يفعل الكيف والطيب
ابو نغيمش تفعل الجود يمناه
من لابةٍ وقت اللقا والمواجيب
عجمان وقت الصدق عدمين وعصاه
آلا شامر معطبين المضاريب
يشهد لنا التاريخ باللي حكيناه

الشاعر / ابن حضرم الكبيري الدوسري

رد: قصائد في حمد بن نغيمش بن قروش
 

ياحمد الايام حدت رفيقك لشيٍ ما يبيه
واستمد العون من صوبكم يا بو فهد
لا تناسا عايضٍ يوم كلٍ بار فيه
ماتوا اخوانه وذاق التعاسة والنكد
وانت اخوي اللي لما ثقل حملي يرتكيه
فزعتك يابو نغيمش ترى صبري نفد
يا حفيد اللي على الطيب طايلتٍ ايديه
بين ابوك وبين عمك فهد نعم الفهد
وانت عدٍ يا حمد كل ورّادٍ يجيه
جمته تزداد للورد لا زاد العدد
عقب اللي ينكر الطيب لحدٍ طاب فيه
يجحد المعروف والطيب ما هو ينجحد
الله ينسى من نساكم ويلعن والديه
والله إنك خوي ما دمت حيّ ياحمد
في حلالك فالمراجل تجي كنك سفيه
يوم ولد اللاش يزرع ولاهوب يحصد
حاتم العجمان وان قلت قولي بحتميه
تفتخير بك يام والشبل من ذاك الأسد
أنت شيخٍ يابن قروش ينومس من يجيه
انت شيخٍ للمراجل وشيخٍ معتمد
الشاعر/ عايض بن حسن القحطاني

رد: قصائد في حمد بن نغيمش بن قروش
 

يالله طلبتك وانت تعلم بحالي
يا ربنا المعبود منجي دخيله
تفرج همه لمن بوزن الجبالي
لا جيت اعدل ميل جت لي مليله
تقبل وتقفي بالحشى باجتوالي
يالله طلبتك همي إنك تزيله
فكرت انا بالحل من كل حالي
وازريت انا بالحل هذا نحيله
واليوم بالظفران جاهٍ ومالي
في لازمي والحمل من يرتكيله
يا بونغيمش يازبون الهزالي
وقفت أنا بالحمل وأبغى تشيله
لن عادتك شل الحمول الثقالي
ياليتهم حطوك شيخ القبيلة
فعلك ظهر غرب وجنوب وشمالي
يوم الردي محتال كسب النفيله
مالك وصيفٍ كون زيد الهلالي
انشهد إنك وافيٍ من قبيلة
ربعك هل العادات المقالي
حرابها تسقيه كاس المليله
عجمان لا ما قيل ياهل الجمالي
ياقف لها وقفة دخيل لدخيله
وعمك فهد والجد جدٍ مثالي
وابوك من قبلك بدأ فالطويلة
وانته على ما قيل ياهمالالي
الراس يابس والمعادن اصيلة
ويشهد على ماقول واثبت المقالي
بيتٍ به الضيفان في كل ليلة
ودلال رسلانٍ ونجر يلالي
والعود الازرق نوة مستخيله
هذا وانا اعدك رفيقٍ موالي
اخوٍ من العجمان مابغى بديله
الشاعر / عايض بن حسن الحريشه

رد: قصائد في حمد بن نغيمش بن قروش
 

أرحب ياشيخ يااااااام كاااافه. أرحب. رفعت رأس ألعجمااان ويام
في مواقفك وكرمك وشهامتك. يا أسد يام وادق التحيه لك

رد: قصائد في حمد بن نغيمش بن قروش
 

كفو كفو بشيخ العجمان بيض الله وجهك يابو نغيمش