|
إستفسآآآر ضروري الله لايهينكم
بسم الله الرحمن الرحيم
السلام عليكم ورحمة الله وبركاته أما بعد ... أخواني وأخواتي عندي استفسار وأتمنى إنكم تفيدوني أنا خريجة كلية التربية جامعة الكويت بس ماقدمت على الديوان لأني ماأبي أتوظف أبي أكمل دراستي بس المشكلة بالكويت ما أقدر أكمل درسات عليا الا يكون عندي خبرة 3سنوات (لأني مدرسه لآزم الدوووله تستغلني :( ) ؟!! المهم إستفساري أقدر أكمل بأي جامعة برا الكويت مثل : الاردن أو مصر أو البحرين يعني هل تشترط كليات التربيه في هذي الدول الخبرة أو لأ ؟ ياليت تفيدووني ولله يعطيييكم العااافية |
رد: إستفسآآآر ضروري الله لايهينكم
لا شفت ماعفت صديت
حياك الله وربي يوفقك في تحقيق اهدافك وإكمال دراستك وان شاء الله الاخوة والاخوات ممن لديهم فكرة عن نظام البلدان المحددة يفيدوك احترامي .. |
رد: إستفسآآآر ضروري الله لايهينكم
اول شي حياش الله عندنا بالمنتدى
وان شاء الله ان الاعضاء اللي عندهم خبر يفيدونا وبالتوفيق ان شاء الله |
رد: إستفسآآآر ضروري الله لايهينكم
اللي أعرفه لازم [ 3 سنوات ] ، بس الأفضل تروحين التع ـليم الع ـالي وتتأكدين بـ / نفسك موفّقه :a36: |
رد: إستفسآآآر ضروري الله لايهينكم
بخصوص الخبره تكون مطلوبه عندنا بالكويت فقط
يعني لما تكونين موظفه وتبين تروحين بعثه او تفرغ هنا لابد من وجود الخبره اما اذا بتكملين او تدرسين على حسابك الخاص فأي دوله ترحب بذلك رغبة في الرسوم اقتباس:
احترت هنا شلون مدرسه وانتي تقولين ماتوظفتي !! ولكن بخصوص الدول برا اهم حاجه تكون الدراهم جاهزه وانصحك بمراجعة التعليم العالي وعسى ربي يوفقك |
رد: إستفسآآآر ضروري الله لايهينكم
اتمنى الاخوان يخدمونك
|
رد: إستفسآآآر ضروري الله لايهينكم
عليل المحبه
البنت تقصد انه وظيفتهاا بتكون مدرسه والمدرس بالكويت اذا يبي يكمل دراسته لازم انه تكون عنده خبره تدريس 3 سنواااات وهي قالت مع العلم يعني لو انها قدمت على الديوان بتكون مدرسه رسمي :) هذا قصدهااا ------------------ بخصوص الجامعات بــرا لازم تروحين التعليم العالي وتعرفين الجامعات المعترف فيها من قبل التربيه عشان ما اتوهقين لاخذيتي الماستر الا مو معترف فيهاا ...... وجعل ربي يوفقش :) |
رد: إستفسآآآر ضروري الله لايهينكم
السلام عليكم ورحمة الله وبركاته اختي لاشفت ماعفت صديت :) آولا الف مبروك التخرج والحمدلله افتكيتي من جزء اضن كان يشكل هم :) ثانياً مثل ماقالوا الآخوان لازم تتأكدين من التعليم العالي ولا الدول الثانيه ما اضن يشترطون الخبره ودامه على حسابش الخاص تقدرين تدخلين احسن جامعه بس اهم شي تتأكدين إذا معترف فيها ولا لا عشان لاتروحين وتتخسرين ع الفاضي وآتوقع جامعة البحرين معترف فيها والله اعلم :) وبالتوفيق يارب |
رد: إستفسآآآر ضروري الله لايهينكم
موفقه غاليتي :21t: |
رد: إستفسآآآر ضروري الله لايهينكم
أختي راجعي التعليم العالي وشوف شنو راح يقولون وقدمي أوراقش
|
رد: إستفسآآآر ضروري الله لايهينكم
السلاااام علييييكم
حبااآآآإإإايبي يعطيييييكم ألف عاااااآآآآأأأفية على ردووودكم وتفااعلكم معااي وساامحوووني ردييت مـــــتأخر لأني كنت مساافرة ومشغوووووله شوي :( المهم.... قصدكم بالتعليم العالي الي مكانة بوزارة التربية؟ ولا له مبنى ثاني ؟؟!! أنا رحت لدراسات العليا الي بالخالدية عاد هناك المووظفه قالتلي انه ممكن اكمل بكليات التربيه الي بره بدوون خبره بس المجالات المفتووحه لي بتكوون (بالغة الانجليزية) !! استغربت بغييت ازنطها ؟؟!! معقووله يعني؟ |
رد: إستفسآآآر ضروري الله لايهينكم
يا هلا اختي .. حبيت افيدج بخصوص مكان وزارة التعليم العالي اهي مالها دخل بوزارة التربية التعليم العالي عنوانه : الشويخ - المنطقة التجارية الحرة امتداد شارع فندق موفنبيك مبنى رقم 1 < شفتي الجامعة الي بالشويخ طوفي الاشارة و كملي سيده رح تلقين المنطقة الحرة و علطول اخذي يسار , و هناك رح تدلين بسرعة لان مكتوب بلوحات مكانها و انا الصراحة ماعندي فكرة عن لغة الدراسة لكن اعرف ان على حسب الدولة اللي بتدرسن فيها و الجامعة , فمثلا مصر اوالاردن جامعاتهم الحكومية بتكون بالعربي و اذا دولة اجنبية طبعاً رح تكون الدراسة بالانكليزي موفقة ان شاء الله :) وآسفة ع الرد المتأخر , توني اشوف الموضوع |
رد: إستفسآآآر ضروري الله لايهينكم
الله يوفقك يارب
وتبين شوري توظفي واعرسي بلى غربه ووجع راس |
رد: إستفسآآآر ضروري الله لايهينكم
انا مع عليل المحبه بالراي :)
ودي اكمل انا بعد بس الهوا ضدي:) قصدي مالي خلق غربه وهم ولا الشهادات العليا مهمه في وقتنا هذا وبالتوفيق |
رد: إستفسآآآر ضروري الله لايهينكم
واحد من الجماعه متوظف في مدرسة متوسطه
وكمل وخذا ماجستير في البحرين والحين مشالله عليه يكمل دراسته ( دكتوراه) في مصر ولا نطر 3 سنين ولا شي وعسى يوفقش على كل حال |
| الوقت في المنتدى حسب توقيت جرينتش +3 الساعة الآن 09:06 PM . |
مجالس العجمان الرسمي