سلام الله سلام الطيب للي يستحق الطيب = وللي مايحب الطيب سم يكتم انسامه
ياسالم قوم فالميدان قدامي وخوذ وجيب = تطالعك الهنوف اللي على وجناتها شامه

هلا يامرحبا واللي يسلم رده الترحيب=تراحيبن جزيله وانت رجلن يكرب احزامه
حضرنا وانت والله ياعلي ذيب ومواجه ذيب=وكم ذيبً نشب النار من خلفه وقدامه

المشاركة الأصلية كتبت بواسطة HADI_KW (المشاركة 1164523) الله الله علي بن هضبان ياسلام ابيات طيبه صح السانك وصح السانك يا سالم العجمي مقدماااََََ متابعييييييييييين

يدوم لك البقا يلي ترحب بي عداك العيب = حسن الاخلاق وانواع الكرم رامه وهو رامه
يا سالم شفت في هذا الزمن شي يجيب الشيب = تساوا الشيخ به يا صاحبي مع بعض خدامه

زمان العولمه قلّب مفاهيم العرب تقليب=لاكنه مايغير شيخ له قيمه وله هامه
نبي نهرج وندرج والسوالف كلها ترتيب=وكلن ياعلى يلقي فوسط السوق هندامه

زمان العولمة ظني نكب بعض العرب تنكيب = نسى بعض المبادي والسلوم وخان بسلامة
عسى الله لا يقوم حض ناس تبغي التخريب = تبى تشرب قراح الماء ومن دونةه مية قامه

رياض الصالحين يفسر الترغيب والترهيب=جهل به واحدن جاهل ويعلم فيه علامه
تسمع في كلامي ياعلى مافيه شك وريب=خصيم الظلم يلقى له من اهل العدل خصامه

رياض الصالحين يدل للي يفتكر ومصيب = لكن الناس من عاداتها تجهل وضلامه
كلامك نسمعه ونقول لازور ولا تكذيب = لكن السوق حامي بين بياعه وسوامه

جرى داخل جسدها سم ناب الحية ام ذنيب=لاكن قيس لها الترياق بقياسه وبحكامه
وانا ماني مجنب ماعن الواجب على تجنيب=وباسوق الجمل وليا برك قدناه بخطامه

عساهم من دبور في دبور والضنون تخيب = وعسى من قام معهم فالحياة تحطم اعلامه
بدينا ونتهينا بالغلا والقدر والتهذيب = ولك شكري وتقديري قديم القاف اختامه